Kpeei Ni Baawa Wɔ Kɛha Kaselɔi Afeemɔ
OTSI Nl JEƆ SHISHI MARCH 12
Lala 180
10 min: Asafoŋ adafitswai. Too gbɛjianɔ bianɛ ni ofee gbɛgbalɔi awalɔ yɛ April. Aha asafo lɛ ale woji memeji ni yɔɔ.
20 min: “Be Kɛha Nitsumɔ ni Fa.” Sanebimɔ kɛ hetoo ni akɛaasusu enɛ he. Atsi yibɔ ni amɛkɛ amɛhe ewo gbɛgbalɔi awamɔ mli kɛha April kɛ May lɛ ata. Akɛ miishɛɛ awo hewalɛ ni mɔ fɛɛ mɔ asusu esɔɔmɔ nitsumɔ lɛ ni eeeha eya hiɛ yɛ maŋshiɛmɔ krɛdɛɛ he gbɛjianɔtoo lɛ kɛ Kaimɔ be lɛ hu mli kɛ agbɛnɛ kɛha nyɔji enyɔ lɛ fɛɛ he.
15 min: Sanebimɔ He. Onukpa ko baatsu enɛ he nii. Atsɔ ŋaa gbɛ nɔ ni akɛ emli ŋaawoo lɛ ato shihilɛ ni yɔɔ asafo lɛ mli lɛ he taakɛ ehe hiaa. Agbala toibolɔi awo sanegbaa lɛ mli.
Lala 190 kɛ naagbee sɔlemɔ.
OTSI Nl JƐƆ SHISHI MARCH 19
10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Awo hewalɛ ni mɔ fɛɛ mɔ kɛ ehe awo sɔɔmɔ nitsumɔ lɛ mli otsi nɛɛ naagbee. Atsi saji ni yɔɔ woji tɛtrɛbii heei lɛ amli ni abaanyɛ akɛtsu nii yɛ gbɛ ni mɔɔ shi nɔ yɛ asafo lɛ shikpɔŋkuku lɛ mli lɛ ata. Shika he amaniɛbɔɔ. Akane onia ni atsu akɛmaje Asafo lɛ yɛ February mli ni nine eshɛ nɔ lɛ he woji atsɔɔ. Ajie nyɛmimɛi lɛ ayi yɛ oniatsumɔ ni akɛfiɔ asafo lɛ sɛɛ lɛ hu he.
20 min: “Akɛ Woji Tɛtrɛbii ni Ekaaa Baaha.” Akɛ wiemɔ kɛ sanegbaa kɛ sanebimɔi baatsu enɛ he nii. Akɛ niiashikpamɔi ni shiɛlɔi ena yɛ woji tɛtrɛbii ni akɛha yɛ trukaa odaseyeli mli aha aloo nɔ ni akɛhaa mɛi ni heɔ daa.
20 min: Ŋaawoi ni Anyɛɔ Atsuɔ he Nii yɛ Woji Tɛtrɛbii Kɛhamɔ Mli. Asusu ŋaawoi ni nyiɛ sɛɛ nɛɛ ahe ni aha shiɛlɔi awie omanye ni amɛye yɛ amɛkɛ nitsumɔ mli lɛ he: (1) Kanemɔ woji tɛtrɛbii lɛ ni ole emli saji lɛ jogbaŋŋ. (2) Ahala emli saji ni baaŋɔɔ akutso lɛ mlibii lɛ anaa. (3) Abɔ gbɛkɛnaashi odaseyeli kɛ woji tɛtrɛbii lɛ he mɔdɛŋ. (4) Awie sane kome pɛ he, ni ama wolo tɛtrɛɛ kome pɛ nɔ mi, ni akɛ ekome lɛ afata he aha. (5) Wiemɔ blɛoo ni owiemɔ lɛ mli atse kɛ naanyobɔɔ su gbee. Awo hewalɛ ni mɔ fɛɛ mɔ kɛ nɛkɛ ŋaawoi ni anyɛɔ atsuɔ he nii nɛɛ atsu nii yɛ be mli ni amɛbɔɔ mɔdɛŋ ni amɛkɛ woji tɛtrɛbii lɛ aha yɛ shikpɔŋkuku lɛ mli lɛ.
Lala 6 kɛ naagbee sɔlemɔ.
OTSI Nl JEƆ SHISHI MARCH 26
Lala 207
20 min: Asafoŋ adafitswai, akɛ gbɛjianɔtoo kɛha otsi lɛ naagbee sɔɔmɔ nitsumɔ afata he. Teokrase lɛ He Saji.
20 min: Daa Weku Biblia Kasemɔ Mli Sɛɛnamɔi. Wiemɔ. Yehowa gbɛjianɔtoo lɛ ewo hewalɛ afii nyɔŋma nyɔŋmai abɔ nɛ akɛ weku yitsei kɛ amɛweku lɛ mlibii afee daa Biblia mli nikasemɔ. Sɛɛnamɔi babaoo diɛŋtsɛ eba yɛ he ni atsu enɛ he nii yɛ lɛ. Nikasemɔi ni tamɔ nɛkɛ eha suɔmɔ kɛ toiŋjɔlɛ mumɔ ehi weku kɔkrɔɔ lɛ mli. Gbekɛbii lɛ etee hiɛ kɛyashɛ he ni amɛjɔɔ amɛhe nɔ akɛ Yehowa tsuji, amɛbɔ mɔdɛŋ diɛŋtsɛ yɛ gbɛ kpakpa nɔ yɛ asafo lɛ mli, ni amɛkɛ amɛhe ewo be fɛɛ sɔɔmɔ lɛ mli. Enɛ kɛ miishɛɛ diɛŋtsɛ ebaha fɔlɔi ni ji Kristofoi kɛ mɛi krokomɛi ni ena amɛ nɔyaa lɛ.
20 min: Obalaŋtai ni Nine Aaashɛ Amɛtsuii Anɔ. Onukpa ko baawie saji otii ni jɛ wolo ni aje gbɛ asaa aha obalaŋtai lɛ mli lɛ ahe. Kɛfata daa weku nikasemɔ he lɛ, weku lɛ mlibii naa mumɔŋ sanegbaa he sɛɛ kɛ hegbɛ lɛ ba. Afee nɔkwɛmɔ nɔ ko ni miitsɔɔ bɔ ni tsɛ ko kɛ ebii hiɔ shi yɛ miishɛɛ mli. Amɛ sanegbaa lɛ ji trukaa nɔ, jeee sanebimɔi kɛ hetoo nɔ. Gbekɛbii lɛ ateŋ mɔ kome ebi kɛji akɛ ebaanyɛ ni ekɛ gbekɛbii ni yɔɔ amɛkutso lɛ mli lɛ atswa bɔɔl. Atsu sane ni yɔɔ Young People Ask wolo lɛ baafai 64-7 lɛ he nii. Fɔlɔ lɛ kɛ sanebimɔi ni akɛpɛiɔ nibii amli atsu nii koni ekɛkwɛ akɛ gbekɛ lɛ nuɔ Ŋmalɛ mli taomɔ nii ni kɔɔ he lɛ shishi ni ekɛkpaa gbee lo. Ama nɔ mi akɛ ehe ehiaaa ni nanemɛi ni bɛŋkɛ kpaakpa lɛ afee tipɛŋfoi. Ahala obalaŋtai ni amɛkane wolo lɛ fa ko, ni aha amɛwie nɔ ni amɛna. Aha amɛtsɔɔ nɔ hewɔ ni sane ni amɛkane lɛ he yɔɔ sɛɛnamɔ loo eyeɔ ebuaa lɛ. Awo obalaŋtai loo gbekɛbii lɛ ahewalɛ ni amɛkane wolo lɛ, ni ama bɔ ni ehe hiaa ni fɔlɔi ale emli saji lɛ bɔni afee ni amɛhala emli saji otii lɛ amɛwo amɛ weku sanegbai amli lɛ nɔ mi.
20 min: Onukpa ko abi fɔlɔi ni miiye omanye loo amɛye omanye yɛ gbekɛbii ni amɛtsɔseɔ amɛ yɛ anɔkwale lɛ mli lɛ sane. Ama miishɛɛ ni ana lɛ nɔ mi kɛ nɔ ni amɛna akɛ eyeɔ ebuaa yɛ daa weku nikasemɔ kɛ sanegbaa ni sɛɛnamɔ yɔɔ he lɛ mli. Akɛ miishɛɛ abi fɔlɔi ni amɛkɛ amɛweku lɛ afee nikasemɔ daa ni obalaŋtai loo gbekɛbii lɛ hu kɛ amɛ afee ekome. Jeee be fɛɛ be shihilɛ lɛ baahi. Ehe miihia ni mɛi ni yɔɔ weku lɛ mli lɛ fɛɛ atsu nii yɛ ekomefeemɔ mli. Kɛ amɛfee nakai lɛ, amɛbaanyɛ amɛye amɛbua amɛhe ni amɛhi wala gbɛ lɛ nɔ.—1 Tim. 4:16.
Lala 123 kɛ naagbee sɔlemɔ.
OTSI Nl JEƆ SHISHI APRIL 2
Lala 172
7 min: Asafoŋ adafitswai. Awo hewalɛ ni mɔ fɛɛ mɔ ana Revelation Climax wolo lɛ eko ni akɛ he awo ekɛhamɔ yɛ sɔɔmɔ nitsumɔ lɛ mli otsi nɛɛ naagbee.
20 min: “Sanekpakpa lɛ Kɛhamɔ—Yɛ Kaimɔ Be lɛ Mli.” Sanebimɔi kɛ hetoi. Awo hewalɛ ni aŋmala aŋkroaŋkroi ni abaanyɛ aya amɛŋɔɔ lɛ fɛɛ agbɛi. Ato gbɛjianɔ ni akɛ he awo gbɛgbalɔi awamɔ sɔɔmɔ mli yɛ April kɛ May.
18 min: “Yehowa Mli Hekɛnɔfɔɔ ni Ajieɔ lɛ Kpo Atsɔɔ Kɛtsɔɔ Gbɛgbamɔ Nɔ.” Sanebimɔ kɛ hetoo ni yɔɔ miishɛɛ ni sɔɔmɔ nitsumɔ nɔkwɛlɔ lɛ kɛaatsu enɛ he nii. Abi gbɛgbalɔi enyɔ loo mɔ kome sane, ni etsɔɔ miishɛɛ ni ena kɛ naagbai ni enyɛ eye nɔ kunim. Agba nɔ ni afeɔ yɛ asafo lɛ mli koni akɛ yelikɛbuamɔ diɛŋtsɛ aha gbɛgbalɔi lɛ.
Lala 14 kɛ naagbee sɔlemɔ.