Sanebimɔ He

● Te esa akɛ Yehowa Odasefoi abu wiemɔi ni amɔmɔ awo tape nɔ ni jeee Asafo lɛ fee lɛ amɛha tɛŋŋ?

Asafo lɛ kɛ mumɔŋ niyenii babaoo haa yɛ gbɛi sɔrɔtoi anɔ, ni nɔ ni fata he hu ji wiemɔi ni amɔmɔ awo cassette Tape nɔ. Nɔ ni fata enɛɛmɛi ahe ji Biblia lɛ diɛŋtsɛ kɛ Asafo lɛ woji krokomɛi tamɔ The Watchtower, Awake!, My Book of Bible Stories, kɛ Listening to the Great Teacher lɛ ni akɛwo cassette nɔ. Afee Maŋtsɛyeli lalai kɛ dramai babaoo hu. Shi kɛlɛ, ehe miihia ni wɔkwɛ jogbaŋŋ yɛ wiemɔi ni mɛi kɛwo tape nɔ ni ahɔɔ yɛ he fɛɛ he ni etamɔ nakai lɛ ahe. Akɛni wɔyɛ nyɛmifeemɔ ko ni wɔheɔ wɔhe wɔyeɔ hewɔ lɛ, yɛ bei komɛi amli lɛ mɛi komɛi baakpɛlɛ nɔ akɛ amɛaabo mɛi krokomɛi a-tape toi ni amɛkwɛɛɛ he ni ejɛ.

Yɛ bei komɛi amli lɛ wiemɔi ni amɔmɔ nɛɛ ni anuɔ ni aatswa yɛ he fɛɛ he lɛ tsɔɔ mɛi ajwɛŋmɔ ni amɛhiɛ yɛ saji komɛi ahe aloo nɔ ni miiwie saji ni gbalaa mɛi ajwɛŋmɔ yɛ nibii pɔtɛɛ komɛi ahe lɛ he. No hewɔ lɛ ani efeŋ nilee gbɛ akɛ wɔɔnyiɛ Paulo ŋaawoo ni yɔɔ 2 Timoteo 3:14 lɛ sɛɛ? Jɛmɛ ji he ni yɛ be mli ni Paulo ebɔ kɔkɔ yɛ mɛi ni kwaa amɛfeɔ amɛhe mɛi ni amɛjeee lɛ ahe sɛɛ lɛ, ema bɔ ni ehe hiaa ni wɔle mɛi ni wɔboɔ amɛ toi lɛ hu nɔ mi yɛ. Ehe miihia ni wɔkwɛ jogbaŋŋ ni wɔkabo nibii ni tekeɔ nɔ “fe nɔ ni aŋma” yɛ Ŋmalɛ Krɔŋkrɔŋ lɛ mli kɛ mumɔŋ niyenii ni “tsulɔ anɔkwafo kɛ nilelɔ” lɛ kɛhaa wɔ lɛ toi.​—1 Kor. 4:6; Mat. 24:​45-47.

Hei komɛi yɛ ni atswaa tape ni akɛtsɔɔ gbekɛbii Biblia lɛ he adafi ni ahɔɔ hu. Akɛɔ akɛ nyɛmimɛi aŋɔɔ ji hei ni nɛkɛ tape sɔrɔtoi nɛɛ jɛɔ ni ahɔɔ yɛ asafoi komɛi amli. Eyɛ mli akɛ yiŋtoo ni hɔ sɛɛ lɛ baafee tamɔ nɔ ni hi moŋ, shi ani nifeemɔ nɛɛ ebafeŋ teokrase tsakpaa ni wɔyɔɔ lɛ ni wɔkɛmiitsu nii kɛha wɔ diɛŋtsɛ wɔ sɛɛnamɔi? (Kwɛmɔ Wɔ Maŋtsɛyeli Sɔɔmɔ, October 1977, baafa 4 kɛ Wɔ Maŋtsɛyeli Sɔɔmɔ, October, 1987, baafa 3.) Yehowa gbɛjianɔtoo lɛ kɛ tsɔsemɔ ni damɔ Biblia lɛ nɔ ni wɔbaanyɛ wɔkɛtsɔse wɔbii lɛ babaoo haa wɔ. No hewɔ lɛ, wɔmiiwo hewalɛ ni akpa nakai tape sɔrɔtoi lɛ hɔɔmɔ.

Mɛi aŋkroaŋkroi komɛi baanyɛ amɔmɔ asafoŋ kpeei loo kpokpaa nɔ kpeei loo kpeei wuji ashishi wiemɔi amɛwo tape nɔ amɛha amɛ diɛŋtsɛ amɛhe. Asafo lɛ mlibii krokomɛi ni ekolɛ yɛ yiŋtoi kpakpai komɛi ahewɔ lɛ amɛnyɛɛɛ amɛya kpeei nɛɛ ahiɛ baasɔ nɛkɛ wiemɔi ni amɔmɔ nɛɛ jogbaŋŋ. Shi kɛlɛ, esaaa akɛ afeɔ enɛ ni ajaa ahaa nyɛmimɛi lɛ fɛɛ aloo akɛhaa mɛi ni miisumɔ ni amɛhe kɛ shika. Eba akɛ wɔkɛ nibii fɛɛ ni Yehowa kɛha wɔ kɛtsɔ egbɛjianɔtoo lɛ nɔ lɛ aaatsu nii kwraa kɛmɔ shi koni ewo wɔ hewalɛ yɛ mumɔŋ ni etswa wɔ ema shi hu.