Kpeei Ni Baawa Wɔ Kɛha Kaselɔi Afeemɔ
KLƐŊKLƐŊ OTSI
Lala 174
10 min: Asafoŋ adafitswai kɛ Adafitswai ni sa ni ahala kɛjɛ Wɔ Maŋtsɛyeli Sɔɔmɔ lɛ mli. Ati saji ni abaanyɛ akɛtsu nii yɛ woji tɛtrɛbii anitsumɔ mli lɛ mli. Afee nɔkwɛmɔ nii enyɔ, ni eko fɛɛ eko wieɔ sane kome ni jɛ woji tɛtrɛbii lɛ amli lɛ he.
25 min: “Okɛ Hejɔɔmɔ Be Atsu Nii yɛ Gbɛ Kpakpai Nɔ.” Sanebimɔ-kɛ-hetoo ni akɛaatsu he nii. Akɛ minitii nyɔŋma afee nɔkwɛmɔ nɔ ko ni kɔɔ Saneyitso hee lɛ he, ni akɛ “Naa! Miifee Nii Fɛɛ Ehee” wolo bibioo lɛ aha, ni afee bɔ ni akɛtsuɔ nii ahaa taakɛ atsɔɔ mli yɛ kuku 7 lɛ he nɔkwɛmɔ. Akɛ gbɛjianɔtoo krɛdɛɛ ni ayɔɔ kɛha sɛɛsaramɔ lɛ hu afata he.
10 min: Woji Bibii lɛ Amli Saneyitso ni Abaanyɛ Awie He. Akɛ toibolɔi lɛ awo sanegbaa lɛ mli ni atsɔɔ otii komɛi ni yɔɔ woji bibii sɔrɔtoi ni nyɛ asafo lɛ yɔɔ ni abaanyɛ akɛtsu nii yɛ shiɛmɔ mli lɛ mli. Abaanyɛ aha shiɛlɔi ni he esa asaa amɛhe kɛtsɔ hiɛ.
Lala 20 kɛ naagbee sɔlemɔ.
OTSI NI JI ENYƆ
Lala 156
10 min: Asafoŋ adafitswai kɛ shika he akɔntaabuu. Akɛ shika ni akɛmaje kɛyake ni akpɛlɛ nɔ lɛ he adafitswaa afata he. Ajie asafo lɛ yi yɛ yelikɛbuamɔ ni amɛkɛhaa kɛha Maŋtsɛyeli Nitsumɔ lɛ sɛɛfimɔ kɛ nyɛ asafo lɛ diɛŋtsɛ he nitsumɔ lɛ hu lɛ he.
20 min: “Wo Biblia Kaselɔi lɛ Hewalɛ ni Amɛya Amɛhiɛ.” Sanebimɔ-kɛ-hetoo ni akɛaasusu he. Kɛ aasusu kuku 4 he lɛ, afee nɔkwɛmɔ nii ni atsɔ hiɛ asaa he jogbaŋŋ ni tsɔɔ bɔ ni shiɛlɔ ko ni yɔɔ niiashikpamɔ lɛ woɔ nikaselɔ lɛ hewalɛ ehaa bɔni afee ni eya ehiɛ yɛ be mli ni amɛsusuɔ kuku 3 he yɛ Yehowa Odasefoi—Miifee Nyɔŋmɔ Suɔmɔnaa Nii wolo bibioo lɛ mli yɛ baafa 14 lɛ.
15 min: Mɛɛ Be Mli Biblia Nikaselɔ lɛ Baanyɛ Ekɛ Ehe Awo Maŋ Shiɛmɔ Mli? Wiemɔ ni damɔ December 1, 1989, Watchtower, lɛ mli “Sanebimɔ ni jɛ Kanelɔi Adɛŋ” yɛ baafa 31 lɛ nɔ. Ama nɔ mi akɛ, yɛ wɔ diɛŋtsɛ wɔbii lɛ asɛɛ lɛ, esaaa ni wɔfɔɔ mɛi heei anine ni amɛfataa wɔhe kɛyaa shiɛmɔ kɛyashi be mli ni onukpai enyɔ kɛ lɛ aaana sanegbaa ni amɛaakpɛ amɛyiŋ akɛ amɛhe esa dani abaanyɛ afee nakai.
Lala 217 kɛ naagbee sɔlemɔ.
OTSI NI JI ETƐ
Lala 220
7 min: Asafoŋ adafitswai. Ati May akɔntaabuu lɛ mli otii lɛ amli. Ajie asafo lɛ yi yɛ nɔ ni nyɛnyɛ nyɛtsu lɛ hewɔ. Awo hewalɛ ni akɛ he awo shiɛmɔ mli yɛ otsi lɛ naagbee.
20 min: “Ogbɛfaŋnɔ ni Baaha kpeei Ahe Aba Sɛɛnamɔ.” Onukpa ko baatsu he nii kɛtsɔ sanebimɔ-kɛ-hetoo nɔ. Ama nɔ ni he hiaa ni atsu he nii yɛ asafo lɛ mli lɛ nɔ mi. Ajie nyɛmimɛi lɛ ayi bɔ ni sa.
18 min: “Nyɛkɛ Tsuishiŋmɛɛ Ayaa nɔ Awoa Yibii Babaoo.” Wiemɔ ni damɔ August Wɔ maŋtsɛyeli Sɔɔmɔ lɛ mli nɔ ni aŋma ahɔ mli lɛ nɔ. Akɛ emli sane lɛ atsu nii yɛ gbɛ ni kɔɔ nyɛ asafo lɛ he lɛ nɔ, ni awo mɛi fɛɛ hewalɛ ni amɛkwɛ amɛ diɛŋtsɛ amɛshihilɛi amli yɛ bɔ ni Yehowa kwɛɔ nii ehaa lɛ naa.
Lala 128 kɛ naagbee sɔlemɔ.
OTSI NI JI EJWƐ
10 min: Asafoŋ adafitswai. Teokrase lɛ he Saji. Ati “Nyɛshia Kpe ni Nyɛhiɛ Akaa Shi” mli otii lɛ amli.
20 min: “Sanekpakpa lɛ Kɛhamɔ—Akɛ Shiɛlɔ ni Yaa Shiɛmɔ Daa.” Sanebimɔ-kɛ-hetoo ni akɛaatsu he nii. Akɛ nɔkwɛmɔ nii enyɔ afata he, ekome miitsɔɔ shiɛlɔi ni yaa shiɛmɔ daa ni eka Saneyitso Kɛha Sanegbaa hee lɛ kɛ nitsumɔ ekwɛ yɛ lɛ diɛŋtsɛ eteemɔŋ nikasemɔ mli ni amrɔ nɛɛ ekɛ shiɛlɔ kroko miiti mli koni eha ekaa ni eyɔɔ yɛ shiɛmɔ mli lɛ aya hiɛ. Yɛ nɔkwɛmɔ nɔ ni ji enyɔ lɛ mli lɛ, shiɛlɔ ni yaa shiɛmɔ daa lɛ miiye miibua shiɛlɔ ni eyaaa shiɛmɔ daa lɛ koni ena sane ni sa jogbaŋŋ ni ebaanyɛ ekɛtsu nii yɛ sɛɛsaramɔ ko ni eshi yɛ be babaoo mli lɛ mli. (Abaanyɛ akɛ Reasoning From the Scriptures aloo Biblia Mli Saneyitsei Kɛha Sanegbaa lɛ atsu nii.)
15 min: Hegbɛi ni Oyɔɔ Akɛ Ooofee Gbɛgbalɔ lɛ He ni Ooosusu Jogbaŋŋ. Wiemɔ ni woɔ mɔ ekaa kɛ sanegbaa. Wɔyɛ daa gbɛgbalɔi ni yɔɔ shihilɛ sɔrɔtoi fɛɛ amli ni fa fe 3,000 yɛ wɔwoji amli. Mɛni tsirɛ amɛ ni amɛfee gbɛgbalɔi lɛ? Suɔmɔ ni amɛyɔɔ kɛha Yehowa kɛ amɛnanemɛi (Mat. 22:37-39) ; gbɔmɛi ahesusumɔ ni mli kwɔ ni amɛyɔɔ kɛ shwe ni amɛshweɔ akɛ amɛaaye amɛbua mɛi pii ni ahere amɛyiwala (1 Tim. 2:4) ; he-kɛ-afɔleshaa mumɔ ni ajieɔ lɛ kpo yɛ Maŋtsɛyeli lɛ he nibii ahe lɛ hewɔ. (1 Kor. 9:23) Esa akɛ wɔdu nakai shwe ni wɔshweɔ lɛ. Ani oofee enɛ? Gbɛi ni esa akɛ otsɔ nɔ kɛji ootao ofee gbɛgbalɔ lɛ nɛ: (1) Okɛ sane lɛ afɔ Yehowa hiɛ yɛ sɔlemɔ mli(Mat. 7:7, 8; Fil. 4:6) ; (2) okɛ gbɛgbalɔi lɛ kɛ onukpai lɛ agba he sane” (Abɛi 15:22) ; (3) ŋmaa gbɛjianɔ ni oto lɛ ofɔ shi, ni oŋmɛ bɔ ni esaa Kristofoi agbɛnaa nii krokomɛi ahe lɛ okwɛ (Luka 14:28) ; (4) too be ni okɛbaaje shishi, ni kaamɛ akɛ nibii ahi jogbaŋŋ kwraa dani oje shishi. (Jaj. 11:4) September hi jogbaŋŋ kɛha eshishijee; ekolɛ eeeha ohe asa kɛha Gbɛgbalɔi Asɔɔmɔ Skul lɛ yɛ afi ni nyiɛ sɛɛ lɛ mli. Abibii gbɛgbalɔ kome loo mɛi enyɔ saji yɛ bɔ ni amɛfee ni amɛye gbɛtsii nii anɔ ni amɛtsɔmɔ gbɛgbalɔi lɛ he. Okɛ jwɛŋmɔ kpakpa afee enɛ.
Lala 8 kɛ naagbee sɔlemɔ.
OTSI NI JI ENUMƆ
10 min: Asafoŋ adafitswai. Afee woji ni atsɔɔ ni akɛha lɛ ahe nɔkwɛmɔ nii enyɔ, ni eko fɛɛ eko ati sane ko ni jɛ woji tɛtrɛbii lɛ ekome mli lɛ mli kɛha woji tɛtrɛbii anitsumɔ.
15 min: “Yehowa Mli Hekɛnɔfɔɔ ni Ajieɔ lɛ Kpo Kɛtsɔɔ Gbɛgbamɔ Nɔ.” Onukpa ko kɛ asafoŋ sɔɔlɔ baasusu sane ni yɔɔ March Wɔ Maŋtsɛyeli Sɔɔmɔ lɛ mli lɛ he. Akɛ ŋaawoi ni anyɛɔ atsuɔ he nii ni he baaba sɛɛnamɔ kɛha asafo lɛ afata he.
15 min: “Okɛ Anɔkwale Nui lɛ Ajɔɔ Owekumɛi lɛ Atsuii Ahe.” Wiemɔ ni damɔ sane ni yɔɔ February 15, 1990, Watchtower lɛ mli, yɛ baafai 25-7 lɛ nɔ.
15 min: Niiashikpamɔi ni kɔɔ bɔ ni afee akɛ woji bibii lɛ je nikasemɔ shishi lɛ he. (Kɛji anaaa eko yɛ nyɛ asafo lɛ mli lɛ, abaanyɛ akɛ woji bibii lɛ kɛhamɔ mli niiashikpamɔi atsu nii.
Lala 169 kɛ naagbee sɔlemɔ.