Kpeei Ni Baawa Wɔ Kɛha Kaselɔi Afeemɔ
OTSI Nl Jl ENYƆ
12 min: Asafoŋ adafitswai kɛ Adafitswai ni ahala kɛjɛ enɛ mli. Akane Sanebimɔ He lɛ ni awie bɔ ni atadewoo kɛ hesaamɔ kɛ hiɛshikamɔ kɛ su kɛ baŋ kpakpa yɛ be mli ni adamɔɔ Yehowa gbɛjianɔtoo lɛ najiaŋ lɛ he hiaa ha lɛ he kuku. Awo hewalɛ ni mɛi ni yɔɔ shia Biblia mli nikasemɔi ni anyɛɔ akɛ hɛ fɔɔ amɛnɔ lɛ akane woji tɛtrɛbii lɛ be fɛɛ be.
18 min: “Feemɔ Ekaa yɛ Sanekpakpa lɛ Gbɛɛ-kɛ-Shwamɔ Mli.” Akɛ sanebimɔ kɛ hetoo baatsu enɛ he nii. Kɛ asusu kuku 6 he agbe naa lɛ, afee gbɛ ni aaatsɔ nɔ akɛ woji bibii lɛ aha ni awo he ŋaa yɛ kuku lɛ mli lɛ he nɔkwɛmɔ nɔ. Okɛ Saneyitso Kɛha Sanegbaa lɛ atsu nii. Maa bɔ ni ehe hiaa akɛ aaafee ekaa yɛ shiɛmɔ mli lɛ nɔ mi.
15 min: ‘Skul lɛ ni Akɛaatsu Nii ni Akɛha Sɔɔmɔ Nitsumɔ lɛ Aya Hiɛ.’ Skul nɔkwɛlɔ lɛ kɛ toibolɔi lɛ baasusu Nikasemɔ 19 ni yɔɔ Theooratic Ministry School Guidebook wolo lɛ mli lɛ he. Ama bɔ ni skul lɛ yeɔ buaa wɔ nɔyaa yɛ sɔɔmɔ nitsumɔ lɛ mli lɛ nɔ mi. Awo mɛi ni kɛ amɛhe ewo skul lɛ mli lɛ hewalɛ ni amɛha amɛ nɔkwɛmɔ nii lɛ kɛ wiemɔi lɛ afee nɔ ni abaanyɛ akɛtsu nii yɛ shikpɔŋkuku lɛ mli.
Lala 31 kɛ naagbee sɔlemɔ.
OTSI Nl Jl ETƐ
Lala 211
10 min: Asafoŋ adafitswai kɛ shika he amaniɛbɔɔ. Akane Asafo lɛ woji ni tsɔɔ shika ni akɛmaje akɛ nikee loo onia kɛha Asafo lɛ jeŋ muu fɛɛ nitsumɔ lɛ kɛ Asafo Maŋtsɛyeli Asa Onia lɛ hu. Ajie nyɛmimɛi lɛ ayi yɛ nɛkɛ yelikɛbuamɔi kɛ asafo lɛ sɛɛ ni amɛfiɔ nɛɛ mli. Awo hewalɛ ni mɔ fɛɛ mɔ kɛ ehe awo otsi lɛ naagbee sɔɔmɔ nitsumɔ lɛ mli.
18 min: ‘Bɔ ni Aaafee Aye Abua Mɛi ni Ehao lɛ ni Amɛna Miishɛɛ Ekoŋŋ.’ Wiemɔ ni damɔ w 3/15/90, bf. 26-30 nɔ.
17 min: “Nɔ Hewɔ ni Esa akɛ Osumɔ akɛ Ooofee Biblia Mli Nikasemɔ.” Akɛ sanebimɔ kɛ hetoo baatsu enɛ he nii. Abi shiɛlɔ loo gbɛgbalɔ ko ni eye ebua mɔ ko kɛyashɛ henɔjɔɔmɔ kɛ nu mli baptisimɔ he lɛ sane. Abi nɔ wekukpaa ni baka lɛ kɛ enikaselɔ loo nikaselɔi lɛ ateŋ kɛ sɛɛnamɔi ni jɛ nikasemɔi nɛɛ amli ba lɛ ekomɛi.
Lala 133 kɛ naagbee sɔlemɔ.
OTSI Nl Jl EJWƐ
10 min: Asafoŋ adafitswai. Teokrase lɛ He Saji. Ama saji titrii ni yɔɔ “Nyɛfea Krɔŋkrɔŋ yɛ Nyɛjeŋba Fɛɛ Mli” lɛ anɔ mi. Agbɛnɛ hu awo hewalɛ ni akɛ he awo otsi lɛ naagbee sɔɔmɔ nitsumɔ mli.
20 min: “Ani Obii Esaa Amɛhe ni Amɛbaaku Amɛsɛɛ Amɛya Skul?” Abaatsɔ sanebimɔ kɛ hetoohamɔ nɔ akɛ toibolɔi asusu enɛ he. Akane kukuji lɛ kɛ ŋmalɛi lɛ. Kɛ niiashikpamɔi komɛi yɛ asafo lɛ mli ni kɔɔ enɛ he lɛ, awie he kɛ be yɛ.
15 min: Nɔ ni he hiaa nyɛ asafo lɛ aloo wiemɔ ni damɔ ‘Nyɛdamɔa Shi Shiŋŋ—Nyɛkagbugbaa’ ni yɔɔ April 15, 1990, Watchtower lɛ baafai 26-8 lɛ nɔ.
Lala 191 kɛ naagbee sɔlemɔ.
OTSI Nl Jl ENUMƆ
7 min: Asafoŋ adafitswai. Asusu June sɔɔmɔ akɔntaabuu ni yɔɔ Bulletin nɛɛ mli lɛ kɛ nyɛ asafo lɛ nitsumɔi ni sa hiɛ kɛha nakai nyɔŋ lɛ ahe. Atsi bɔ ni ehe hiaa akɛ akɛ sɔɔmɔ nitsumɔ akɔntaabuu aaaha amrɔ nɔŋŋ lɛ nɔ mi.
23 min: “Sanekpakpa lɛ Kɛhamɔ—Kɛtsɔ Hegbɛi ni Aaana ni Akɛye Odase Trukaa Nɔ.” Akɛ sanebimɔ kɛ hetoo baatsu enɛ he nii. Kɛ asusu kuku 3 he agbe naa lɛ, abi toibolɔi lɛ ni amɛtsɔɔ bei krokomɛi ni amɛnaa akɛ ekɛ hegbɛi kɛha trukaa odaseyeli baa. Tsɔɔmɔ bɔ ni skul afi hee lɛ kɛ hegbɛ haa skulbii koni amɛwie anɔkwale lɛ he. Yɛ kuku 6 sɛɛ lɛ, abi shiɛlɔ kome loo mɛi enyɔ saji ni tsɔɔ bɔ ni amɛye omanye yɛ trukaa odaseyeli mli amɛha. Abi akɛ: ‘Mɛɛ bei amli nɛkɛ amɛshiɛɔ? Mɛni hewɔ amɛsusuɔ akɛ nakai shiɛmɔ gbɛ lɛ mɔɔ shi lɛ? Mɛɛ gbɛ nɔ amɛ diɛŋtsɛ amɛna he sɛɛ yɛ?’ Awo hewalɛ ni mɔ fɛɛ mɔ kɛfee oti ni ma ehia akɛ ekɛ ehe aaawo sanekpakpa lɛ shiɛmɔ mli be fɛɛ be. Aba naagbee kɛ nɔmimaa akɛ amɛsusu gbɔmɛi ahe waa.
15 min: Akɛ Creation Wolo lɛ atsu nii yɛ October. Wiemɔ kɛ nɔkwɛmɔ nɔ. Awie saji otii ni yɔɔ wolo lɛ mli ni abaanyɛ akɛtsu nii yɛ be mli ni akɛ Creation wolo lɛ haa yɛ October mli lɛ ahe. Ekolɛ saji ni yɔɔ yitsei 16 kɛ 17 ni wieɔ ‘Mɛni Hewɔ Nyɔŋmɔ Baaŋmɛ Piŋmɔ Gbɛ’ lɛ kɛ ‘Ani Obaanyɛ Okɛ Ohe Afɔ Biblia lɛ Nɔ?’ he lɛ nɛkɛ baaŋɔɔ shiatsɛ lɛ naa. Aha shiɛlɔ ni he esa afee wolo lɛ kɛhamɔ he nɔkwɛmɔ nɔ, ni akɛ ŋmalɛi tamɔ Hebribii 3:4 kɛ Kpojiemɔ 4:11 atsu nii ni akɛku sutsakemɔ tsɔɔmɔ lɛ naa ni akɛtswa hemɔkɛyeli yɛ Nyɔŋmɔ mli akɛ gbɔmɔ Feelɔ ama shi. Abaanyɛ akɛ sane ni yɔɔ Reasoning wolo lɛ mli yɛ yitso ni ji “Creation” shishi lɛ atsu nii kɛ be yɛ. Kɛ Creation wolo lɛ bɛ asafo lɛ mli lɛ, abaanyɛ akɛ My Book of Bible Stories aloo Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ atsu nii. Atswa asafo lɛ shiɛmɔ gbɛjianɔtoo he adafi, ni abi ni mɔ fɛɛ mɔ kɛ ehe awo mli.
Lala 129 kɛ naagbee sɔlemɔ.