Kpeei Ni Baawa Wɔ Kɛha Kaselɔi Afeemɔ
KLƐŊKLƐŊ OTSI
10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Kɛ be baaŋmɛ gbɛ lɛ, atsɔɔ gbɛi ni abaanyɛ atsɔ nɔ akɛ woji tɛtrɛbii heei lɛ aha yɛ nyɛshikpɔŋkuku lɛ mli. Awo hewalɛ ni akɛ he awo shiɛmɔ nitsumɔ lɛ mli yɛ otsi lɛ naagbee.
15 min: Too Ogbɛjianɔ Kɛha Gbɛgbalɔi Awamɔ yɛ Kaimɔ Be lɛ Mli. Wiemɔ ni woɔ mɔ hewalɛ ni saji ni yeɔ ebuaa yɔɔ mli kɛha mɛi ni baasumɔ ni amɛkɛ amɛhe awo gbɛgbalɔi awalɔi asɔɔmɔ lɛ mli yɛ March loo April mli aloo yɛ nyɔji enyɔ lɛ fɛɛ mli. Agbala jwɛŋmɔ kɛya sane ni kɔɔ gbɛgbalɔi awalɔi ahe yɛ Adafitswai shishi lɛ nɔ. Atsɔɔ gbɛjianɔ ni asafo lɛ kɛ aŋkroaŋkroi baanyɛ ato bɔni afee ni amɛkɛwo mɛi ni kɛ amɛhe baawo gbɛgbamɔ sɔɔmɔ lɛ mli yɛ Kaimɔ be lɛ mli lɛ hewalɛ ni amɛkɛye amɛbua amɛ. Afee gbɛgbalɔi awalɔi agbɛbimɔ wolo lɛ klalo kɛha mɛi ni baabi ni aha amɛ eko yɛ kpee lɛ sɛɛ nɔŋŋ lɛ. Abaanyɛ atsi ta akɛ wɔbaana otsi naagbeei enumɔ yɛ March nyɔŋ lɛ mli, ni akɛ abaabɔ mɔdɛŋ diɛŋtsɛ koni afɔ mɛi anine kɛba Kaimɔ lɛ shishi yɛ March 30 kɛ agbɛnɛ hu kɛha maŋshiɛmɔ krɛdɛɛ lɛ yɛ April 7.
20 min: “Sanekpakpa lɛ Kɛhamɔ—Yɛ Be Krɛdɛɛ ko Mli.” Sanebimɔi kɛ hetooi. Sanegbaa ni kanyaa mɔ ni ekaa yɔɔ mli ni baawo asafo lɛ hewalɛ ni amɛna afi lɛ mli gbi ni he hiaa fe fɛɛ lɛ he mumɔ lɛ eko. Ama bɔ ni ehe hiaa ni ato gbɛjianɔ kpakpa koni akɛdi miishɛɛ ni mɛi ni baa Kaimɔ lɛ klɛŋklɛŋ kwraa lɛ jieɔ lɛ kpo lɛ sɛɛ lɛ nɔ mi.
Lala 129 kɛ naagbee sɔlemɔ.
OTSI NI JI ENYƆ
10 min: Asafoŋ adafitswai. Shika he amaniɛbɔɔ. Akɛ wiemɔi ni tsɔɔ hiɛsɔɔ ni ayɔɔ yɛ bɔ ni nyɛmimɛi lɛ jɛɔ amɛsuɔmɔ mli amɛtsuɔ asafo lɛ hiamɔ nii ahe nii lɛ afata he, ni akɛ woji ni Asafo lɛ eŋmala ni ekɛkpɛlɛ shika ni akɛmaje lɛ anɔ lɛ mli wiemɔi afata he.
10 min: “Yehowa ni Wɔɔjie Eyi yɛ Lala Mli.” Wiemɔ ni woɔ mɔ hewalɛ ni damɔ sane ni aŋma lɛ nɔ. Akɛ lalai ni ato he gbɛjianɔ kɛha gbɛkɛ nɛɛ kpeei lɛ atsu nii ni akɛfee otii ni yɔɔ sane lɛ mli lɛ he nɔkwɛmɔ nɔ. Yɛ asafoi komɛi agbɛfaŋ lɛ, anyɛɛɛ ala blɛoo po, yɛ asafoŋ kpeei ashishi, yɛ naatsii lɛ hewɔ. Shi fɛɛ sɛɛ lɛ, shihilɛi komɛi ŋmɛɔ wɔ gbɛ ni wɔla yɛ maŋ tamɔ yɛ yara nɔ kɛ yookpeemɔi ashishi nɛkɛ.
15 min: “Okɛ Ekaa Afɔ Nine Atsɛ Akɛ “Ba!” Sanebimɔ-kɛ-hetooi ni akɛbaasusu he, kɛ nɔkwɛmɔ nii. Asusu sane ni aŋma yɛ Wɔ Maŋtsɛyeli Sɔɔmɔ lɛ mli lɛ he, ni ama bɔ ni akɛ afi ŋmalɛ, ni ji Kpojiemɔ 22:17 lɛ baatsu nii aha lɛ nɔ mi. Afee nɔkwɛmɔ nii kukuji enyɔ ni akɛtsɔɔ gbɛi ni abaanyɛ atsɔ nɔ akɛ woji ni akɛhaa yɛ nyɔŋ nɛɛ nɔ lɛ aha.
10 min: “Nɛgbɛ Ohiŋmɛii Kwɛɔ?” Wiemɔ ni henumɔ yɔɔ mli. Ama bɔ ni ehe hiaa ni akɛ he afɔ Yehowa nɔ yɛ bei fɛɛ mli lɛ nɔ mi.
Lala 20 kɛ naagbee sɔlemɔ.
OTSI NI JI ETƐ
10 min: Asafoŋ adafitswai. Sanebimɔ He. Awie bɔ ni ehe hiaa ni shiɛlɔi fɛɛ ale amɛ asafo lɛ gbɛi jogbaŋŋ, kɛ agbɛnɛ onukpai lɛ ateŋ mɛi komɛi agbɛi kɛ jeee mɛi lɛ fɛɛ lɛ he. Awo hewalɛ ni mɛi fɛɛ kɛ amɛhe awo shiɛmɔ nitsumɔ lɛ mli yɛ otsi nɛɛ naagbee, ni kɛ ebaahi lɛ akɛ ŋaawoi aha yɛ bɔ ni aaafee afɔ mɛi ni yɔɔ wiemɔ lɛ he miishɛɛ lɛ nine kɛba Kaimɔ lɛ he.
15 min: “Wɔ Maŋtsɛyeli Sɔɔmɔ lɛ He Nitsumɔ akɛ Yehowa Odasefoi.” Nyɛminuu ni he esa kɛ nitsɔɔmɔ baasusu emli sane ni akɛha lɛ he koni afee bɔ ni akɛ emli saji ni atsɔɔ lɛ baatsu nii aha koni eha wɔ shiɛmɔ nitsumɔ lɛ aya hiɛ lɛ he nɔkwɛmɔ nɔ.
20 min: Okɛ Ohe Awo Jeŋ Muu Fɛɛ Miishɛɛ lɛ Mli Kɛtsɔ “Ba!” ni Oookɛɛ lɛ Nɔ. Wiemɔ, sanegbaa, kɛ niiashikpamɔi ni damɔ January 1, 1991 Buu-Mɔɔ mli saji ni kɔɔ eyitso lɛ he lɛ nɔ. Wiemɔ ni hewalɛ yɔɔ mli ni ewoɔ mɔ hewalɛ hu ni jɛ Buu-Mɔɔ lɛ mli kɛ asafoŋ shiɛlɔi ni yɔɔ ekaa lɛ awiemɔi kɛ niiashikpamɔi ni tsɔɔ miishɛɛ ni tamɔ nɛkɛ ni amɛyɔɔ.
Lala 211 kɛ naagbee sɔlemɔ.
OTSI NI JI EJWƐ
10 min: Asafoŋ adafitswai kɛ Teokrase lɛ he saji. Awo ŋaa ni afee gbɛi ni sa ni abaanyɛ atsɔ nɔ afɔ mɛi heei lɛ anine kɛba Kaimɔ lɛ shishi lɛ he nɔkwɛmɔ nɔ. Awo hewalɛ ni akɛ he awo shiɛmɔ nitsumɔ lɛ mli yɛ otsi nɛɛ naagbee.
15 min: “Bɔ ni Yehowa Haa Enitsumɔ lɛ Shwereɔ Ehaa.” Wiemɔ ni damɔ sane ni aŋma yɛ December 1, 1990 Buu-Mɔɔ lɛ baafa 22-5 lɛ nɔ.
20 min: Saamɔ Ohe Kɛha Sɔɔmɔ yɛ April Mli. Yɛ April nyɔŋ lɛ mli lɛ wɔkɛ Revelation—Its Grand Climax At Hand! wolo lɛ baaha. Akɛ ŋaawoi kpakpai ni wɔbaanyɛ wɔkɛtsu nii yɛ wolo lɛ he wiemɔ loo ekɛhamɔ mli lɛ eha yɛ March 1989 Wɔ Maŋtsɛyeli Sɔɔmɔ lɛ mli. Asusu nɛkɛ ŋaawoi ni he aaanyɛ aba sɛɛnamɔ kɛha shiɛlɔi lɛ yɛ otsi nɛɛ naagbee lɛ he. Afee nɔkwɛmɔ nɔ ni asaa he yɛ mli jogbaŋŋ ni akɛtsɔɔ bɔ ni abaafee ni akɛ wolo lɛ aha.
Lala 63 kɛ naagbee sɔlemɔ.