Kpeei Ni Baawa Wɔ Kɛha Kaselɔi Afeemɔ
KLƐŊKLƐŊ OTSI
5 min: Asafoŋ adafitswai kɛ Adafitswai ni ahala kɛjɛ Our Bulletin lɛ mli. Atsɔɔ gbɛjianɔ ni ato kɛha shiɛmɔyaa yɛ otsi nɛɛ naagbee.
15 min: Mɛi ni Ba Kaimɔ lɛ ni Wɔɔye Wɔbua Amɛ. Akɛ toibolɔi lɛ agba sane. Mɛi ni yɔɔ wiemɔ lɛ he miishɛɛ lɛ tsɔɔ ba ni amɛbaa lɛ nɔ amɛyeɔ suɔmɔ ni amɛyɔɔ kɛha Yehowa lɛ he odase. Amɛteŋ mɛi komɛi sumɔɔ ni amɛba Kaimɔ lɛ shikome kɛkɛ yɛ afi mli. Amɛsumɔɔɔ ni amɛbaa asafoŋ kpeei ni afeɔ daa otsi lɛ. Mɛni abaanyɛ agbala amɛjwɛŋmɔ kɛba nɔ?(2 Maŋ. 10:15, 16; Gal. 6:6) Mɛɛ gbɛ nɔ oootsɔ otee amɛmiishɛɛ shi yɛ asafoŋ kpeei ni afeɔ daa otsi lɛ ahe? (Ŋaawoo kome ji ni akɛ amɛ asusu bɔ ni afeɔ kpeei sɔrɔtoi lɛ ahaa kɛ yiŋtoo ni yɔɔ he lɛ he. Abaanyɛ akɛ amɛ akane Yehowa Odasefoi Miifee Nyɔŋmɔ Suɔmɔnaa Nii yɛ Ekomfeemɔ Mli yɛ Jeŋ Fɛɛ wolo lɛ mli hei ni sa ni akɛ amɛ asusu he.) Kɛji abɔ mɔdɛŋ tamɔ bɔ ni atsɔɔ yɛ yiteŋgbɛ nɛɛ akɛ aaaye abua nikaselɔ lɛ ni eba kpeei, shi enɛ yeee omanye lɛ, no lɛ obaanyɛ otsɔ ŋaa gbɛ nɔ otao nɔ ni ji enaagba, koni no aha onyɛ oye obua lɛ lolo. Te okɛ lɛ baasusu nɔ ni aŋma yɛ Hebribii 10:24, 25; Lala 122:1; 84:11; kɛ Mateo 18:20 he oha tɛŋŋ? Mɛni hewɔ nilee yɔɔ mli akɛ oooye obua Biblia kaselɔ lɛ ni esusu wekukpaa ni ka ekɛ Yehowa teŋ lɛ he jogbaŋŋ lɛ? (Mal. 1:6; 2 Kor. 6:14-18) Mɛɛ gbɛ nɔ shihilɛ ni wɔɔna yɛ jalɛ nibii agbɛjianɔtoo hee lɛ mli lɛ ji nɔ ko ni kanyaa wɔ ni wɔbo Yehowa toi yɛ nibii fɛɛ mli yɛ? (Yes. 65:17-19; Kpoj. 21:1-4) Awo mɛi fɛɛ hewalɛ ni amɛbɔ mɔdɛŋ waa ni amɛye amɛbua mɛi ni ba Kaimɔ lɛ ni amɛba daa otsi kpeei ni afeɔ lɛ hu koni no aha amɛya amɛhiɛ babaoo.
25 min: “Ani Oji Shiɛlɔi ni Yaa Shiɛmɔ Daa?” Sanebimɔ-kɛ-hetoo ni akɛaasusu he. Aha nyɛmimɛi lɛ ana tsuiŋ hiɛsɔɔ yɛ nitsumɔ ni Nyɔŋmɔ kɛha wɔ akɛ wɔshiɛ sanekpakpa lɛ he. Atsɔɔ nibii ni haaa mɛi komɛi aya shiɛmɔ daa yɛ nyɛkuu lɛ mli lɛ, ni abibii ŋaawoi ni abaanyɛ akɛtsu nii ni akɛjie kɛjɛ jɛmɛ. Kɛji abɛ shiɛlɔ ko ni eyaaa shiɛmɔ daa lɛ, no lɛ ajie nyɛmimɛi lɛ ayi ni awo amɛ hewalɛ ni amɛya nɔ nakai. Agbɛnɛ hu, awo hewalɛ ni akɛ he awo gbɛgbalɔi awamɔ nitsumɔ lɛ mli yɛ April mli.
Lala 6 kɛ naagbee sɔlemɔ.
OTSI NI JI ENYƆ
10 min: Asafoŋ adafitswai kɛ shika he amaniɛbɔɔ. Akɛ woji ni Asafo lɛ eŋmala ni ekɛkpɛlɛ shika ni akɛmaje lɛ anɔ lɛ mli wiemɔi afata he. Akai nyɛmimɛi lɛ yɛ wolo ni aŋma asafoi fɛɛ, ni ji CSB:DA January 30, 1991 ni abi ni asafoi fɛɛ aye amɛbua Liberia nyɛmimɛi hii kɛ yei ni ebafata wɔhe lɛ he.
20 min: Nyɛ asafo lɛ diɛŋtsɛ ato he gbɛjianɔ loo akɛ sane ni yitso ji “Stand Firm,” Do Not Stumble,” ni je kpo yɛ April 15, 1990 Watchtower lɛ baafai 26 kɛyashi 28 lɛ aha wiemɔ. Akɛ emli otii lɛ ato nyɛ asafo lɛ he.
15 min: Wiemɔ ni damɔ saneyitso ni ji “Nyɛyaa nɔ Lolo ni Nyɛtsakea,” ni yɔɔ November 1, 1990 Buu-Mɔɔ lɛ mli lɛ nɔ.
Lala 129 kɛ naagbee sɔlemɔ.
OTSI NI JI ETƐ
Lala 164
10 min: Asafoŋ adafitswai. Akɛ shiɛmɔyaa he gbɛjianɔtoo kɛha otsi lɛ naagbee afata he.
25 min: “Ni Wɔɔfee Weku Nikasemɔi ni Woɔ Yibii.” Sanebimɔi kɛ hetooi. Kɛ ashɛ kuku 7 lɛ, afee nɔkwɛmɔ nɔ ni miitsɔɔ tsɛ ko ni miifee daa otsi weku nikasemɔ. Ekɛ weku lɛ naagba ko atsu nii ni ekɛgbala weku lɛ jwɛŋmɔ kɛya bɔ ni nilee yɔɔ mli akɛ akɛ Biblia shishitoo mlai aaatsu nii lɛ nɔ. Kɛ aasusu kuku 8 he lɛ, afee nɔkwɛmɔ nɔ kroko hu. (Abaanyɛ akɛ nakai weku lɛ nɔŋŋ afee.) Gbekɛbii lɛ ateŋ mɔ ko ha sane ko hetoo ni ejaaa. Tsɛ lɛ kaaa ehiɛ shi moŋ ekɛ ŋaa ye ebua lɛ koni ena bɔ ni Biblia lɛ tsɔɔ yɛ he. Ajie fɔlɔi lɛ ayi yɛ mɔdɛŋ ni amɛbɔɔ lɛ he ni awo mɛi ni etoko gbɛjianɔ kɛha amɛweku Biblia kasemɔ lɛ hewalɛ ni kɛ nɔ fɛɛ nɔ aaahi jogbaŋŋ lɛ, amɛfee nakai otsi nɛɛ.
10 min: Ati nitsumɔ ni asafo lɛ enyɛ etsu yɛ sɔɔmɔ afi nɛɛ mli kɛbashi amrɔ nɛɛ lɛ mli ni ama shiɛmɔ nitsumɔ lɛ kɛ kpeeiyaa nɔ mi titri.
Lala 221 kɛ naagbee sɔlemɔ.
OTSI NI JI EJWƐ
10 min: Asafoŋ adafitswai. Teokrase lɛ he Saji. Atsi shiɛmɔyaa he gbɛjianɔtoo ta, ni awie woji tɛtrɛbii heei ni ana ni abaanyɛ akɛtsu nii yɛ woji-tɛtrɛbii ajaa mli lɛ amli saji otii lɛ ahe. Abaanyɛ agba niiashikpamɔ ni ana yɛ wolo ni akɛhaa yɛ nyɔŋ nɛɛ nɔ lɛ kɛhamɔ mli lɛ ekomɛi.
15 min: Saamɔ Hiɛkpamɔ Wiemɔ ni Mɔɔ Shi. Onukpa ni he esa waa yɛ shiɛmɔ nitsumɔ mli lɛ baaye abua shiɛlɔi lɛ koni amɛsaa hiɛkpamɔ wiemɔi ni baasa jogbaŋŋ kɛha nyɛ shikpɔŋkuku lɛ. Aha ŋaawooi lɛ adamɔ Reasoning wolo lɛ baafai 9-15 nɔ. Asusu hiɛkpamɔ wiemɔi enyɔ loo etɛ ni abaanyɛ akɛtsa Saneyitso Kɛha Sanegbaa hee lɛ aloo saneyitso kroko ni sa lɛ nɔ lɛ he. Aha shiɛlɔi ni yɔɔ niiashikpamɔ afee bɔ ni akɛ shiɛmɔ wiemɔi haa yɛ shia-kɛ-shia lɛ he nɔkwɛmɔ nii enyɔ, ni amɛkɛ hiɛkpamɔ wiemɔi ni hi jogbaŋŋ kɛha nyɛ shikpɔŋkuku lɛ yɛ naatsii nɛɛ hewalɛ atsu nii. Kɛ be baaŋmɛ gbɛ lɛ, agba niiashikpamɔi ni asafo lɛ mlibii ena ni tsɔɔ sɛɛnamɔi ni yɔɔ hiɛkpamɔ wiemɔi ni gbalaa shiatsɛmɛi lɛ ajwɛŋmɔ lɛ he lɛ atsɔɔ.
20 min: Ni Aaadamɔ Shi Shiŋŋ yɛ Obalaŋtaiaŋ. Asusu wolo ni aŋma asafoi fɛɛ, ni ji AB:DD February 14, 1991, ni kɔɔ maŋ hedɔɔ nifeemɔi ahe lɛ he. Kɛ asusu wolo lɛ mli otii lɛ ahe agbe naa lɛ, aha weku ko afee emli otii lɛ ahe nɔkwɛmɔ nɔ. Weku yitso lɛ baabibii gbekɛbii lɛ saji tamɔ. “Mɛni obaafee kɛji nyɛtsɔɔlɔ lɛ bɔi jakumaŋ lala lɛ loo maŋ kitakamɔ lɛ tsɔɔmɔ yɛ klas?”; “Ani Odasefonyo bi baanyɛ akase kitakamɔ lɛ kɛ aatsɔɔ yɛ klas”! Mɛni hewɔ?” “Yɛ be mli ni atsɔɔ kitakamɔ lɛ yɛ klas lɛ, mɛni obaafee kɛji nyɛtsɔɔlɔ lɛ bi bo ni okome okɛɛ lɛ?”: “Mɛni hewɔ ni Kristofonyo nyɛŋ ekɛ ehe awo maŋ hedɔɔ nifeemɔi amli yɛ be mli ni ato srɛnɛɛ kɛdamɔ shi yɛ skul lɛ?”; “Kɛji nyɛtsɔɔlɔ lɛ bi bo nɔ hewɔ ni okɛ ohe wooo maŋ hedɔɔ nifeemɔ amli lɛ, mɛɛ hetoo obaaha lɛ?”; “Kɛji akɛ bo tee tsɔɔlɔ nukpa lɛ ɔfis yɛ ohe ni okɛwooo mli lɛ hewɔ, ni tsɔɔlɔ nukpa lɛ bi bo ni ola jakumaŋ lala lɛ ni okɛɛ kitakamɔ lɛ hu lɛ, mɛni obaafee?” Mɛni hewɔ?” Ahala sanebimɔi ni yɔɔ yiteŋgbɛ nɛɛ mli ekomɛi ni akɛ gbekɛbii lɛ asusu he kɛ be baaŋmɛ gbɛ. Aye abua ni mɔ fɛɛ mɔ ana he ni sɔrɔtofeemɔ lɛ yɔɔ yɛ nɔ ni kɔɔ jamɔ he kɛ nɔ ni tsɔɔ be mli ni aaaka jwɛŋmɔŋ nilee kɛkɛ akwɛ lɛ mli jogbaŋŋ. Abi toibolɔi lɛ be mli ni Kristofonyo baanyɛ ekɛ ehe awo maŋ nitsumɔ mli kɛ be mli ni nakai feemɔ ni ekɛ ehe aaawo mli lɛ ejaaa yɛ ŋmalɛ naa.
Lala 131 kɛ naagbee sɔlemɔ.
Otsi NI JI ENUMƆ
5 min: Asafoŋ adafitswai.
20 min: “Feemɔ Ekaa yɛ Yehowa Hewɔ.” Wiemɔ ni damɔ niiashikpamɔi ni yɔɔ 1973 Yearbook lɛ mli, ni jeɔ shishi kɛjɛɔ yitso bibioo ni ji “Jehovah Sends Forth the Light” ni yɔɔ baafai 144 kɛyashi 149, kuku 3, kɛ agbɛnɛ kɛjɛ baafa 157 (“Transcription Machines and Speaking Trumpets”) kɛyashi baafa 159, kuku 2 lɛ nɔ.
20 min: “Wɔhiɛ ni Wɔɔya yɛ Sɔɔmɔ Nitsumɔ lɛ Mli.” Sanegbaa ni baaya nɔ yɛ onukpa ko ni yɔɔ niiashikpamɔ kɛ nyɛminuu ko ni baafee ehe tamɔ mɔ ko ni ehi anɔkwale lɛ mli be babaoo shi kɛlɛ eyaaa ehiɛ lɛ teŋ. Aha amɛfee niiamlitii he ŋaawoo ni awie he yɛ kuku 3 mli lɛ he nɔkwɛmɔ nɔ kuku. Kɛ aasusu kuku 4 he lɛ, aha gbɛgbalɔ ko loo shiɛlɔ kroko ni bɔɔ mɔdɛŋ atsɔɔ shiɛlɔ ko ni bɛ niiashikpamɔ tsɔ lɛ bɔ ni eeefee ekpee shihilɛ ni akɛkpeɔ yɛ nyɛ shikpɔŋkuku lɛ mli yɛ be kɛ bei amli lɛ naa kɛ bɔ ni eeefee otsu he nii. Akɛ ŋaawoo ni yɔɔ Buu-Mɔɔ ni je kpo April 1, 1986 baafai 12-17 ni kɔɔ bɔ ni aaafee ashɛ tsui lɛ he lɛ afata he. Awo mɛi fɛɛ hewalɛ ni amɛto gbɛjianɔ jogbaŋŋ ni amɛya amɛhiɛ yɛ amɛkɛ mɛi asanegbaa mli, ni amɛdi mɛi ni yɔɔ wiemɔ lɛ he miishɛɛ lɛ asɛɛ, ni akɛmu afa nɛɛ naa.
Lala 123 kɛ naagbee sɔlemɔ.