Sɔɔmɔ Kpeei

KLƐŊKLƐŊ OTSI

Lala ni abaala: 165, 130

10 min: Asafoŋ adafitswai kɛ Adafitswai ni ahala kɛjɛ Our Bulletin lɛ mli. Awo ŋaa yɛ wolo tɛtrɛɛ kome loo enyɔ kɛhamɔ ni sa shikpɔŋkuku lɛ he, ni awo shiɛlɔi fɛɛ hewalɛ ni amɛya shiɛmɔ otsi lɛ naagbee. Akɛ Reasoning wolo lɛ aba Sɔɔmɔ Kpee otsi ni baa lɛ.

20 min: “Jiemɔ Nyɔŋmɔ Gbɛi lɛ Yi Kɛmɔ Shi.” Sanebimɔ kɛ hetoo. Aba naagbee kɛ nɔkwɛmɔ nɔ ko ni asaa he jogbaŋŋ yɛ mli ni miitsɔɔ bɔ ni akɛ Saneyitso Kɛha Sanegbaa hee lɛ baatsu nii. Aha ekɔ asafo lɛ he. Beni shiɛlɔ ko ejie ehe kpo lɛ, ebaanyɛ ekɛɛ akɛ: “Ŋmɛnɛ, wɔkɛ wɔ akutseiaŋbii miigba bɔ ni ehe hiaa akɛ aaana wɔsɛɛ be he jwɛŋmɔ kpakpa lɛ he sane. Je lɛŋ hiɛnyiɛlɔi fɔɔ amɛ gbɛjianɔtoo kɛha jeŋ kpakpa ko he wiemɔ. Mɛni nɔ amɛhiɛnɔkamɔi lɛ damɔ? Ani oheɔ oyeɔ akɛ gbɔmɛi baanyɛ amɛkɛ jeŋ kpakpa ko aba? [Ha ni eha hetoo.] Gbalɔ Yeremia yɛ nɔ ko kɛɛmɔ yɛ enɛ he, taakɛ aŋma yɛ Yeremia 10:23 lɛ. [Kanemɔ.] Wɔbaanyɛ wɔna wɔsɛɛ be he hiɛnɔkamɔ kpakpa kɛ wɔkase shiwoo ni Nyɔŋmɔ diɛŋtsɛ kɛba lɛ he nii. Ni eshiwoo lɛ efeŋ yaka. Naa nɔ ni bɔfo Petro ŋma. [Kanemɔ 2 Petro 3:​18.] Kwɛmɔ bɔ ni ama shiwoo ni jɛ Nyɔŋmɔ ŋɔɔ nɛɛ nɔ mi yɛ brochure nɛɛ mli.” Kɛkɛ lɛ shiɛlɔ lɛ etsɔɔ shiatsɛ lɛ saji ni sa ni yɔɔ brochure ni ekɛhaa lɛ mli.

15 min: “Nidumɔ kɛ Enɔ Nu Shwamɔ​—Gbɛi ni Atsɔɔ nɔ Afeɔ Kaselɔi.” Akɛ toibolɔi lɛ asusu nɔ ni aŋma ahɔ mli lɛ kukuji 1-9 he, baafa 3. Kɛ aasusu kukuji 7-9 he lɛ, afee sane lɛ kɛ nitsumɔ he nɔkwɛmɔ nɔ kɛtsɔ saji kukuji ni aaabi shiɛlɔi ni amɛnyɛ amɛtsu nɔ ni atsi ta lɛ aloo asafoŋ niiashikpamɔi ni maa saji otii lɛ anɔ mi nɔ. Aha niiashikpamɔi loo sanebimɔi lɛ afee kukuji ni ekɔ sane lɛ he.

OTSI NI JI ENYƆ

Lalai ni abaala: 72, 48

10 min: Asafoŋ adafitswai. Shika he akɔntaabuu. Akane Asafo lɛ hiɛsɔɔ woji ni kɔɔ shika ni akɛmaje he lɛ atsɔɔ asafo lɛ. Ajie asafo lɛ yi yɛ yelikɛbuamɔ ni amɛkɛhaa asafo lɛ yɛ ehiamɔ nibii amli lɛ hewɔ. Awo hewalɛ ni akɛ he awo shiɛmɔ mli otsi lɛ naagbee kɛ bei krokomɛi amli kɛ gbɛjianɔtoo kɛha kuu odaseyeli yɛ.

15 min: “Okɛ Osusuma Fɛɛ Atsu Nii yɛ Shiɛmɔ Nitsumɔ lɛ Mli​—Fa 2.” Wiemɔ ni woɔ mɔ hewalɛ ni akɛtsɔɔ nii ni kɔɔ sane lɛ he ni afee Reasoning wolo lɛ kɛ nitsumɔ he nɔkwɛmɔ nɔ. Ehe ehiaaa ni mɛi krokomɛi afee otii ni atsi ta lɛ ahe nɔkwɛmɔ nɔ, shi wielɔ lɛ baanyɛ atsɔɔ bɔ ni aaafee ana saji ni he hiaa lɛ ni akɛ dɛŋdade kpakpa nɛɛ atsu nii yɛ shiɛmɔ mli. Afee sɛɛnamɔ ni yɔɔ hesaamɔ kɛha shiɛmɔyaa ni abiɔ mli afeɔ akwɛɔ lɛ he nɔkwɛmɔ nɔ. Kɛ be yɛ lɛ, afɔ shiɛlɔ ko nine ni etsɔɔ bɔ ni efeɔ enɛ ehaa.

20 min: “Nidumɔ kɛ Enɔ Nu Shwamɔ​—Gbɛi ni Atsɔɔ nɔ Afeɔ Kaselɔi.” Yɛ be mli ni okpa wiemɔ lɛ hiɛ kuku ni okɛtsa nɔ ni akase nyɛsɛɛ otsi lɛ nɔ lɛ, agbɛnɛ tsɔ sanebimɔ kɛ hetoo nɔ otsu nɔ ni aŋma ahɔ mli lɛ kukuji 10-21 he nii, yɛ baafai 3, kɛ 4. Shiɛlɔi komɛi baanyɛ agba bɔ ni amɛha amɛsɔɔmɔ lɛ etee hiɛ kɛ bɔ ni amɛje shia Biblia mli nikasemɔ shishi kɛtsɔ ŋaawoi ni akɛha yɛ tsutsu Our Bulletin lɛ mli lɛ he sane.

OTSI NI JI ETƐ

Lalai ni abaala: 174, 25

10 min: Asafoŋ adafitswai. Teokrase lɛ He Saji. “Nyɔŋmɔ Suɔmɔnaa Nii ni Wɔɔtsu He Nii Waa.” Awo nyɛmimɛi hewalɛ ni amɛtsɔ hiɛ amɛto gbɛjianɔ amɛha 1992 gbi kome kpee krɛdɛɛ lɛ. Kɛ be yɛ lɛ, atsɔɔ woji tɛtrɛbii heei lɛ amli saji ni baahi kɛha shiɛmɔ yɛ otsi lɛ naagbee.

20 min: “Sanekpakpa lɛ Kɛhamɔ​—Yɛ Shikpɔŋkuku ni Afɔɔ Mli Nitsumɔ Mli.” Sanebimɔi kɛ hetooi. Akɛ sane lɛ ato asafo lɛ hiamɔ nii ahe.

15 min: “Asafo Woloŋ Nikasemɔ he Gbɛjianɔtoo​—Fa 2.” Wiemɔ ni woɔ mɔ hewalɛ ni woloŋ nikasemɔ nɔkwɛlɔ ni he esa baaha.

OTSI NI JI EJWƐ

Lalai ni abaala: 134, 16

15 min: Asafoŋ adafitswai. Asafoŋ sɔɔmɔ nitsumɔ he gbɛjianɔtoo he sanegbaa ni mɔɔ shi, kɛ nɔ ni afeɔ koni akɛ hewalɛwoo kɛ yelikɛbuamɔ aha gbɛgbalɔi. Awo hewalɛ ni akɛ he awo shiɛmɔ mli otsi lɛ naagbee.

15 min: Asafoŋ hiamɔ nii. Abaanyɛ akɛ sane ni yɔɔ June 8, 1991, Awake! lɛ hiɛkpamɔ saji ni jeɔ shishi lɛ atsu nii ni akɛha wiemɔ loo akɛsusu oshekuyeli he.

15 min: Sanebimɔ He. Akɛ toibolɔi asusu he. Awo hewalɛ ni mɔ fɛɛ mɔ abu esɔɔmɔ nitsumɔ he akɔntaa oya daa nyɔŋ nɔ.

OTSI NI JI ENUMƆ

Lalai ni abaala: 56, 132

10 min: Asafoŋ adafitswai. Ati wolo ni akɛbaaha nyɔŋ nɛɛ nɔ lɛ mli, ni akai shiɛlɔi ni amɛhe Creation wolo lɛ kɛha shiɛmɔ yɛ otsi nɛɛ naagbee.

17 min: ‘Helatsɛ Saramɔ​—Bɔ ni Ooofee Oye Obua.’ Wiemɔ ni damɔ March 8, 1991 Awake! lɛ mli sane nɔ. Atsɔɔ gbɛjianɔ ni nyɛ asafo lɛ eto ni akɛbaaye abua mɛi ni edara, mɛi ni bɛ hewalɛ, kɛ mɛi ni helai etsi amɛnaa ewo tsuŋ lɛ. Ama oti ni yɔɔ baafa 11, kuku 4, ni tsɔɔ sɛɛnamɔ ni yɔɔ hesaamɔ kpakpa he lɛ nɔ mi.

18 min: ‘Ni Aaatsi Sui Gbohii ni Aaaba Ekoŋŋ lɛ Anaa.’ Atsu sane ni je kpo yɛ April 8, 1991, Awake! lɛ mli lɛ he nii akɛ wiemɔ kɛ saji ahesusumɔ.