Teokrase Lɛ He Saji

Dominican Republic: Mɛi 26,150 tee kpokpaa wuji anɔ kpeei ekpaa ni afee lɛ, ni abaptisi 585 (oha mlijaa 2.2).

Hong Kong: Eyɛ mli akɛ July 1991 dɔ waa ni jeŋ fee flɔnɔɔ, kɛlɛ nyɛmimɛi lɛ bɔ mɔdɛŋ waa yɛ sɔɔmɔ nitsumɔ lɛ mli. Amɛna shiɛlɔi ayifalɛ hee ni fe fɛɛ ni ji 2,305, ni abaptisi 71.

Japan: Amɛ 1991 kpokpaa wulu nɔ kpee lɛ tsɔɔ akɛ mɛi ni ba shishi lɛ ayibɔ ni fe fɛɛ ji 289,206 ni abaptisi 4,851. Amɛna shiɛlɔi ayifalɛ ni fe fɛɛ ni ji 158,627 yɛ July mli, oha mlijaa 11 fe nyɛsɛɛ afi lɛ nɔ.

Myanmar: Yɛ nu afua ni kpata nibii pii ahiɛ yɛ July mli lɛ fɛɛ sɛɛ lɛ, amɛna shiɛlɔi ayifalɛ hee ni ji 1,810.

Philippines: Akɛ yelikɛbuamɔ nibii miiha mɛi ni Gɔŋ Pinatubo ni fɛ lɛ fite amɛnibii lɛ. Nyɛsɛɛ nɛɛ hu, nugbɔnɛmɔ ni fa kɛ ŋmɔtɔ ni hoɔ, loo lahars kɛ naagbai babaoo ba nyɛmimɛi ni klɛŋklɛŋ naagba lɛ esaaa amɛhe lɛ anɔ. Nyɛmimɛi lɛ ahiɛ sɔɔ nibii ni akɛyeɔ abuaa amɛ lɛ waa, ejaakɛ hei komɛi yɛ ni shihilɛ lɛ ehiii kwraa po yɛ September mli fe heni gɔŋ lɛ fɛ lɛ.