Maŋtsɛyeli Sɔɔmɔ Skul kɛ Teokrase Tsɔsemɔ Haa
Gbɛnaa nii ni tsii ka onukpai lɛ anɔ. Kɛjɛ 1959 mli ni ato gbɛjianɔ koni akɛ “tsɔsemɔ krɛdɛɛ yɛ nɔkwɛlɔi anitsumɔ mli” aha, koni eye ebua amɛ ni amɛtsu gbɛnaa nii ni tsii nɛɛ he nii (jp bf 292-3; yb77 bf. 14) Afɔ nine atsɛ asafoŋ sɔɔlɔi klɛŋklɛŋ kwraa yɛ 1984 akɛ amɛba eko. Afee naagbee Maŋtsɛyeli Sɔɔmɔ Skul lɛ yɛ 1988 sɔɔmɔ afi lɛ mli, ni ehe ba sɛɛnamɔ kɛha akpei nyɔŋmai abɔ.
Kɛjɛ no sɛɛ nɛɛ, ato asafoi ohai abɔ yɛ jeŋ fɛɛ, ni ahala akpei abɔ akɛ onukpai kɛ asafoŋ sɔɔlɔi. Agbɛnɛ hu afee tsakemɔi yɛ gbɛjianɔtoo lɛ mli. No hewɔ lɛ, Nɔyeli Kuu lɛ eto gbɛjianɔ koni asafoŋ onukpai kɛ asafoŋ sɔɔlɔi aya Maŋtsɛyeli Sɔɔmɔ Skul yɛ March kɛ April 1992. Ato nikasemɔ hee lɛ he gbɛjianɔ koni ekɔ wɔ bianɛ shiɛmɔ nitsumɔ lɛ mli hiamɔ nii ahe. Betel najiaŋdamɔlɔi kɛ nɔkwɛlɔi gbɛfalɔi lɛ ateŋ mɛi komɛi baanyiɛ hiɛ yɛ nɛkɛ skul nɛɛ mli nitsɔɔmɔ lɛ mli. Abaayoo sɛɛnamɔ ni enɛ aaaji aha asafo fɛɛ lɛ yɛ be mli ni onukpai kɛ asafoŋ sɔɔlɔi lɛ kɛ nɔ ni amɛkaseɔ kɛjɛɔ skul lɛ mli lɛ tsuɔ nii lɛ.