Sɔɔmɔ Kpeei Kɛha February
Otsi ni Jeɔ Shishi February 3
15 min: Asafoŋ adafitswai kɛ Adafitswai ni sa ni ahala kɛjɛ Wɔ Maŋtsɛyeli Sɔɔmɔ lɛ mli.
10 min: “Gbɛ ni Anyɛɔ Akɛtsuɔ Nii ni Akɛsaa He Ahaa Shiɛmɔyaa.” Akɛ toibolɔi asusu sane lɛ he, koni no sɛɛ lɛ atsɛ shiɛlɔi etɛ loo ejwɛ ni atsɔ hiɛ akɛ ehe nitsumɔ ewo amɛdɛŋ, ni amɛtsɔɔ bɔ ni nɛkɛ gbɛ nɛɛ kɛ nitsumɔ he baanyɛ aba sɛɛnamɔ kɛha amɛ. Akɛ nɔkwɛmɔ nɔ lɛ, amɛbaanyɛ amɛwie gbɛi sɔrɔtoi ni abaanyɛ atsɔ nɔ akɛ shiɛmɔ wiemɔi aha, gbɛi ni abaanyɛ atsɔ nɔ atsake wiemɔ lɛ mli ni esa shikpɔŋkuku lɛ, tswaa-feemɔ, aloo bɔ ni nɛkɛ gbɛ nɛɛ haa shiɛlɔi nyɛɔ amɛhalaa wiemɔi ni amɛbaanyɛ amɛkɛtsu nii jogbaŋŋ lɛ he. Awo shiɛlɔi lɛ hewalɛ ni amɛkɛ Wɔ Maŋtsɛyeli Sɔɔmɔ lɛ aba kpeei kɛha shiɛmɔyaa.
15 min: “Hiɛkpamɔ Wiemɔi ni Baaha Shiatsɛmɛi lɛ Abo Wɔ Toi.” Asusu nyɛ shikpɔŋkuku lɛ he kuku. Mɛɛ saji ahe hiaa shiatsɛmɛi lɛ waa? Agbala jwɛŋmɔ kɛya hiɛkpamɔ kɛ shiɛmɔ wiemɔ ni ekolɛ ekɛ nitsumɔ baaye omanye yɛ nyɛ asafo lɛ mli lɛ nɔ. Aha shiɛlɔ ni esaa ehe jogbaŋŋ afee wiemɔ nɛɛ kɛ nitsumɔ he nɔkwɛmɔ nɔ ni ekɛ Worldwide Security wolo lɛ aha. Esa akɛ shiɛlɔ lɛ kɛ shiɛmɔ wiemɔ lɛ atsu nii taakɛ atsɔɔ yɛ sane lɛ mli lɛ. No sɛɛ lɛ obalaŋta ko ni miiya skul baanyɛ afee nakai shiɛmɔ wiemɔ lɛ nɔŋŋ he nɔkwɛmɔ nɔ, ni ekɛ woji tɛtrɛbii aha mɔ ko ni yɔɔ wiemɔ lɛ he miishɛɛ kɛmu ewiemɔ lɛ naa. Awo mɛi fɛɛ hewalɛ ni amɛka gbɛ nɛɛ kɛ nitsumɔ amɛkwɛ yɛ shiɛmɔ mli.
15 min: “Ha Mɛi Fɛɛ Ale Akɛ Jeŋ Fɛɛ Shweshweeshwe Shihilɛ Ebɛŋkɛ.” Yɛ hiɛkpamɔ wiemɔ kuku sɛɛ lɛ, asusu sanegbaa nɔtsamɔ gbɛi sɔrɔtoi lɛ eko fɛɛ eko he ni aha shiɛlɔ ni esaa ehe jogbaŋŋ afee ekɛ nitsumɔ he nɔkwɛmɔ nɔ bɔ ni be baaŋmɛ gbɛ. Kɛji ebaahi lɛ, aha obalaŋta ko afee Nɔtsamɔ Gbɛ 2 he nɔkwɛmɔ nɔ. Nɔtsamɔ Gbɛ 3 ŋmɛɔ gbɛ ni kɛ hoo lɛ, shiɛlɔ lɛ ashi Ŋmalɛ naa susumɔ ko ni yɔɔ miishɛɛ yɛ shiatsɛ lɛ jwɛŋmɔ mli. Akɛ miishɛɛ awo nyɛmimɛi lɛ hewalɛ ni amɛkɛ hiɛkpamɔ wiemɔi ni atsɔɔ yɛ baafa 8 lɛ kɛ nɛkɛ sanegbaa nɔtsamɔ gbɛi nɛɛ ekome atsu nii.
Lala 30 kɛ naagbee sɔlemɔ.
Otsi ni Jeɔ Shishi February 10
Lala 176
15 min: Asafoŋ adafitswai kɛ Teokrase lɛ He saji. Akɛ shika he akɔntaabuu kɛ shika ni akɛmaje lɛ nɔkpɛlɛmɔ afata he.
15 min: Ani Gbɛgbamɔ Sɔɔmɔ lɛ Yɛ Kɛha Mi? Shiɛlɔi ni yɔɔ maŋ nɛɛŋ lɛ fɛɛ amli oha mlijaa 7 ji daa gbɛgbalɔi. Tsɔɔmɔ nyɛ asafo lɛ mli yibɔi ni nyɛkɛto he nyɛkwɛ. Ani wɔteŋ mɛi pii, kɛ obalaŋtai ni etsɛŋ ni amɛbaagbe nɔtsamɔ skul naa lɛ, baanyɛ ato gbɛjianɔ kɛha be-fɛɛ sɔɔmɔ lɛ? Abibii daa gbɛgbalɔi etɛ saji, kɛ ebaahi lɛ, obalaŋta kome, yoogbayoo kome, kɛ mɔ ko ni eba nitsumɔ mli hejɔɔmɔ. (Kɛji nyɛbɛ daa gbɛgbalɔi lɛ, no lɛ abaanyɛ akɛ gbɛgbalɔi awalɔi aloo shiɛlɔi ni kɛ amɛhe ewo gbɛgbamɔ mli da atsu nii.) Asusu shika saji ahe. Mɛɛ nitsumɔi afɔɔ namɔ yɛ he ni nyɛyɔɔ lɛ? Te amɛteŋ mɔ fɛɛ mɔ feɔ tɛŋŋ ehiɔ shi? Mɛɛ tsakemɔi amɛfee yɛ shika-fitemɔ gbɛfaŋ? Asusu gbɛjianɔtoo kɛha ŋmɛlɛtswaa ni ataoɔ lɛ hamɔ he. Ani mɔ ko yɛ hewalɛnamɔ mli naagbai? Mɛɛ gbɛ nɔ amɛtsɔɔ amɛkpeɔ naa? Mɛɛ kaai krokomɛi amɛnyɛ amɛye nɔ kunim yɛ omanyeyeli mli? Esa akɛ sanegbaa lɛ aŋɔɔ ni ewo mɔ hewalɛ hu. Akɛ miishɛɛ awo toibolɔi lɛ hewalɛ ni amɛsusu amɛ diɛŋtsɛ amɛshihilɛi ahe koni amɛkpɛ amɛyiŋ kɛji mɛi pii baanyɛ amɛkɛ amɛhe awo be-fɛɛ sɔɔmɔ lɛ mli.
10 min: Bɔ ni Fɔlɔi Komekomei lɛ Baanyɛ Aye Abua Amɛbii lɛ Amɛha. Hiɛkpamɔ wiemɔ kuku, no sɛɛ lɛ nɔkwɛmɔ nɔ ko ni miitsɔɔ gbekɛbii enyɔ kɛ amɛnyɛ ni amɛmiisaa amɛhe kɛha shiɛmɔyaa. Wekui ni fɔlɔi komekomei yɔɔ mli fa yɛ asafo lɛ mli ŋmɛnɛ fe bei fɛɛ ni eho. Gbɛ ni Timoteo nyɛ kɛ enaa tsɔ nɔ amɛdu anɔkwale lɛ amɛwo emli lɛ feɔ nɔkwɛmɔ nɔ fɛfɛo kɛhaa fɔlɔi fɛɛ ni amɛnyiɛ sɛɛ. (2 Tim. 1:5; 3:14, 15) Nɔkwɛmɔ nɔ: Nyɛ, biyoo ni eye afi nyɔŋma kɛ etɛ kɛyaa, kɛ biyoo kroko ni shɛko nakai tara okpɔlɔ he yɛ kpatashi, amɛye gbɛkɛ nii amɛgbe naa. Nyɛ lɛ kɛɛ amɛ akɛ, dani amɛbaasha tsɛŋsii lɛ amli lɛ, amɛbaati sanegbaa kɛha shiɛmɔyaa lɛ mli, ni lɛ ebaafee shianyɛ. Biyoo fioo lɛ hala hiɛkpamɔ wiemɔ ko kɛjɛ baafa 8 yɛ Wɔ Maŋtsɛyeli Sɔɔmɔ lɛ mli ni ekɛshiɛ etsɔɔ enyɛ. Nyɛ lɛ kɛ miishɛɛ baajie eyi yɛ emɔdɛŋbɔɔ lɛ hewɔ koni eha ekane ŋmalɛ ni Asafo lɛ ewo ŋaa akɛ akɛtsu nii lɛ. Biyoo fioo lɛ kɛ oyaiyeli gbele Yesaia 9:5, 6 ni ekane. No sɛɛ lɛ, nyɛ lɛ bi biyoo ni hiɛ efa lɛ bɔ ni eeefee ekɛ wolo lɛ aha. Biyoo lɛ hala sanegbaa nɔtsamɔ gbɛ yɛ baafa 1 yɛ Wɔ Maŋtsɛyeli Sɔɔmɔ lɛ mli ni ekɛtsu nii ni ekɛ wolo lɛ ha enyɛ. Nyɛ lɛ jie eyi ni ewo biyei enyɔ lɛ fɛɛ hewalɛ ni amɛfi hiɛkpamɔ wiemɔ kɛ enɔtsamɔ gbɛ lɛ mli bɔni afee ni amɛkɛ wolo lɛ aha yɛ shiɛmɔ mli. Ekɛɛ ebiyei lɛ akɛ amɛbaasaa amɛti mli ekoŋŋ koni no sɛɛ ni amɛsha tsɛŋsii lɛ amli. Onukpa lɛ kɛ fa nɛɛ baaba naagbee kɛ ekaawoo ni ekɛaaha wekui fɛɛ ni yɔɔ asafo lɛ mli lɛ koni amɛkɛ yelikɛbuamɔ ni suɔmɔ yɔɔ mli aha amɛbii lɛ.
Lala 183 kɛ naagbee sɔlemɔ.
Otsi ni Jeɔ Shishi February 17
Lala 192
10 min: Onukpa ko atsu asafoŋ adafitswai ahe nii ni asusu asafo lɛ hiamɔ nii ahe. Asusu woji tɛtrɛbii heei lɛ amli saji ni abaanyɛ akɛgba sane lɛ ahe. bɔ ni be baaŋmɛ gbɛ. Ahala ekome ni kɛ hiɛkpamɔ wiemɔi kɛ sanegbaa nɔtsamɔ gbɛi ni awo he ŋaa yɛ Wɔ Maŋtsɛyeli Sɔɔmɔ nɛɛ mli lɛ kɛ nitsumɔ baafee mlɛo. No sɛɛ lɛ aha shiɛlɔ ni esaa ehe jogbaŋŋ afee hiɛkpamɔ wiemɔ lɛ kɛ enɔtsamɔ lɛ he nɔkwɛmɔ nɔ kɛmɔ shi, ni ekɛ woji tɛtrɛbii lɛ aha mɔ ko ni yɔɔ he miishɛɛ. Ama nɔ mi akɛ kɛji wɔkɛ mɛi je sanegbaa shishi kɛ shiɛmɔ wiemɔi ni atsɔɔ lɛ, ewaaa kwraa akɛ wɔɔna mɛi ni yɔɔ wiemɔ lɛ he miishɛɛ.
10 min: “Tsu Sɛɛsaramɔi Ahe Gbɛnaa Nii lɛ he Nii.” Sanebimɔi kɛ hetooi. Akɛ miishɛɛ awo mɛi fɛɛ hewalɛ ni amɛkɛ amɛhe awo sɛɛsaramɔ feemɔ mli. Awo mɛi fɛɛ hewalɛ ni amɛba kpee otsi ni nyiɛ sɛɛ, beni abaasusu nɔ ni esa akɛ akɛɛ yɛ sɛɛsaramɔ mli lɛ he yɛ Sɔɔmɔ kpee lɛ shishi lɛ.
12 min: Sanegbaa ni jɛ Reasoning wolo lɛ baafai 25-6, ni kɔɔ “Abortion” (Musufitemɔ) he. Beni akpa wiemɔ lɛ hiɛ kuku, ni atsɔɔ bɔ ni eyɔɔ adafitswai fɛɛ amli ŋmɛnɛ ni gbɔmɛi akpekpei abɔ susuɔ he waa lɛ, awie shihilɛ nɛɛ he, ni ji nyɛmiyoo ko ni miifee Biblia mli nikasemɔ Biblia kaselɔ hee lɛ ha nyɛmiyoo lɛ le bɔ ni esusuɔ musu ni ena lɛ he waa ehaa. Etsɔɔ bɔ ni ehao waa eha, ejaakɛ eweku lɛ shika shidaamɔ ehiii kwraa. Ewekumɛi ni ji jeŋbii lɛ miiwo lɛ hewalɛ ni eyafite musu lɛ amrɔ nɔŋŋ. Nyɛmiyoo lɛ wo ŋaa akɛ eha amɛgbele Reasoning wolo lɛ ni amɛkɛtao Ŋmalɛi lɛ amli koni amɛkɛna bɔ ni Yehowa buɔ gbekɛ ni ahiɛ lɛ hɔ ni afɔko lɛ lɛ wala ehaa, kɛ agbɛnɛ kɛji ebuɔ musufitemɔ akɛ eja gbɛ. Klɛŋklɛŋ lɛ amɛsusu nɔ ni musufitemɔ shishi ji he. No sɛɛ lɛ, amɛsusu sanebimɔi, kɛ ŋmalɛi, kɛ nibii krokomɛi ni awie yɛ baafa 25-6 lɛ ahe. Esa akɛ nyɛmiyoo lɛ aye abua nikaselɔ lɛ ni esusu eyiŋ jogbaŋŋ ni ena bɔ ni wala jara wa ha.
Lala 164 kɛ naagbee sɔlemɔ.
Otsi ni Jeɔ Shishi February 24
10 min: Asafoŋ adafitswai. Awo shiɛlɔi lɛ hewalɛ ni amɛto gbɛjianɔ bianɛ ni amɛfee gbɛgbalɔi awalɔi yɛ March kɛ April mli. Awo wekui, kɛ shiɛlɔi obalaŋtai ni baaba skul gbɛhamɔ yɛ March kɛ April mli lɛ hewalɛ, ni amɛkwɛ akɛ mɛɛ gbɛjianɔ amɛbaanyɛ amɛto koni amɛnyɛ amɛna shiɛmɔ nitsumɔ lɛ mli gbɛfaŋnɔ babaoo.
20 min: “Kɛji Oku Osɛɛ Otee Jɛmɛ lɛ Mɛni Obaakɛɛ?” Akɛ toibolɔi lɛ agba sane, ni aha shiɛlɔi ni esaa amɛhe afee ŋaawoi ni akɛha yɛ kukuji lɛ amli lɛ ahe nɔkwɛmɔ nii beni asusuɔ he lɛ. Esa akɛ atsɔ hiɛ ati nɛkɛ nɔkwɛmɔ nii kukuji nɛɛ amli jogbaŋŋ.
15 min: “Ani Ohiɛ Sɔɔ Yehowa Gbɛjianɔtoo ni yɔɔ Shikpɔŋ nɔ Lɛ?” Wiemɔ ni onukpa ko baaha, ni damɔ November 1, 1991, Buu-Mɔɔ lɛ mli sane nɔ, yɛ baafai 30, 31. Ama bɔ ni ehe hiaa ni wɔtsi wɔhe kwraa kɛjɛ je lɛŋ béi ahe ni wɔhiɛ wɔ Kristofoi ekomefeemɔ lɛ mli lɛ nɔ mi.
Lala 147 kɛ naagbee sɔlemɔ.