Adafitswai
◼ Wolo ni akɛbaaha yɛ March: Woji ni hiɛ baafai 192 ni afee yɛ 1983 aloo dani be nɛɛ shɛ lɛ eko fɛɛ eko. Akɛ wolo kome baaha yɛ ejara lɛ fa naa, ni ji ¢175. Gbɛgbalɔi baahe woji nɛɛ ¢90 kɛha ekome. Esa akɛ sɔɔlɔ ni kwɛɔ shika nɔ lɛ kɛ Remittance and Credit Request wolo kroko atsu nii ni ekɛbi nyɔmɔ nɔtsemɔ kɛha woji ni shiɛlɔi kɛ gbɛgbalɔi awalɔi heɔ lɛ, kɛ Remittance wolo kroko kɛha mɛi ni yɔɔ be fɛɛ sɔɔmɔ lɛ mli lɛ. Kɛji nyɛ asafo lɛ bɛ nɛkɛ woji nɛɛ eko yɛ nyɛ woji ahɔɔmɔ he lɛ, no lɛ abaanyɛ akɛ Worldwide Security Under the “Prince of Peace” wolo lɛ aha. April: Revelation—Its Grand Climax At Hand! Kɛji nyɛbɛ eko lɛ, abaanyɛ akɛ Young People Ask wolo lɛ aha. May kɛ June: Buu-Mɔɔ shɛɛ.
◼ Esa akɛ woloŋmalɔ lɛ kɛ sɔɔmɔ nɔkwɛlɔ lɛ asusu daa gbɛgbalɔi fɛɛ anitsumɔ he amɛkwɛ. Kɛji amɛteŋ mɛi komɛi miina naagbai yɛ ŋmɛlɛtswai ni ataoɔ lɛ agbɛfaŋ lɛ, no lɛ esa akɛ onukpai lɛ ato gbɛjianɔ ni aye abua amɛ. Nyɛsaa nyɛtia Asafo lɛ woji niji (S-201) ni aŋma November 18, 1991, kɛ November 1, 1990 lɛ amli kɛba ŋaawoi. Agbɛnɛ hu, kwɛmɔ nɔ ni aŋma aha September 1986 Wɔ Maŋtsɛyeli Sɔɔmɔ lɛ mli lɛ, kukuji 12-20.
◼ Abaaŋa Betel yɛ March 6 ejaakɛ eji maŋ mla naa hejɔɔmɔ gbi. Nyɛfainɛ nyɛkabaa ejaakɛ atsuŋ nii nakai gbi lɛ.
◼ Kaimɔ lɛ yeli lɛ baaba nɔ yɛ Sohaa, April 17, 1992. Eyɛ mli akɛ abaanyɛ aje wiemɔ lɛ shishi mra moŋ, shi esaaa ni akɛ Kaimɔ aboloo kɛ wein lɛ tsɔɔ, ja hulu shinyɔɔ sɛɛ da. Esaaa akɛ afeɔ kpeei ko yɛ nakai gbi lɛ nɔ, ja kpee kɛha shiɛmɔyaa pɛ. Taakɛ bɔ ni wɔtswa adafi momo yɛ Wɔ Maŋtsɛyeli Sɔɔmɔ lɛ ekomɛi ni etsɔ hiɛ lɛ amli lɛ, Asafo lɛ etooo gbɛjianɔ kɛha Kaimɔ wein lɛ hemɔ dɔŋŋ. Wɔmiigbala jwɛŋmɔ ekoŋŋ kɛmiiya February 15, 1990, Buu-Mɔɔ, baafa 11 nɔ, kɛha wein ni sa kɛha Kaimɔ lɛ he nitsumɔ.
◼ Bɔni afee ni nyɛfee aboloo ni masha bɛ mli ni sa kɛha Kaimɔ lɛ, nyɛfainɛ nyɛkwɛa February 1, 1985, Buu-Mɔɔ lɛ, baafa 27 kɛha nibii ni atsɔɔ akɛ akɛfee lɛ.
◼ Esa akɛ shiɛlɔi ni miisumɔ ni amɛfee gbɛgbalɔi awalɔi yɛ April mli lɛ abɔi amɛgbɛjianɔtoo bianɛ ni amɛkɛ amɛ gbɛbimɔ woji lɛ aha mra.
◼ KAIMƆ: Saji komɛi je kpo yɛ Our Bulletin lɛ ekomɛi amli yɛ naatsii be lɛ mli ni wɔnyɛɛɛ wɔkɛtsu nii amrɔ nɔŋŋ. Amrɔ nɛɛ ni wɔna heyeli ekoŋŋ nɛɛ, ebaahi jogbaŋŋ akɛ onukpai lɛ aaatao nɛkɛ saji nɛɛ ni amɛkwɛ bɔ ni aaafee ni akɛtsu nii jogbaŋŋ kɛmɔ shi. Nɔkwɛmɔ nii: October 1989 (Vol. 32, No. 10) Sanebimɔ He lɛ wieɔ mɛi ni esa akɛ amɛha adafitswai yɛ Sɔɔmɔ kpeei ashishi lɛ he; Vol. 33, No. 9, Sanebimɔ He lɛ wieɔ nɔ hewɔ ni esa akɛ wɔkwɛ wɔhesaamɔ kɛ wɔwulamɔ jogbaŋŋ kɛji wɔmiiba wɔbakwɛ Betel lɛ he; Vol. 34, No. 3, baafa 3, hiɛ yitso ni ji “Ni Wɔɔjie Yehowa Yi yɛ Lala Mli,” yɛ wɔ Kristofoi ahenaabuamɔi ashishi.