Sɔɔmɔ Kpeei Kɛha March
Otsi ni Jeɔ Shishi March 2
10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Akɛ woji tɛtrɛbii heei ni eba lɛ afee ekɛhamɔ he nɔkwɛmɔ nɔ. Awo hewalɛ ni akɛ he awo kutuu odaseyeli mli yɛ otsi lɛ naagbee.
10 min: “Feemɔ Oshiɛmɔ Wiemɔ Klalo Kɛha March.” (10 min.) Sanebimɔi kɛ hetooi. (8 min.) Nɔkwɛmɔ nii ni asaa he jogbaŋŋ ni kɔɔ shiɛmɔ wiemɔi ni atsɔɔ lɛ ateŋ enyɔ loo etɛ ni baasa nyɛshikpɔŋkuku lɛ jogbaŋŋ lɛ ahe. (2 min.) Awo mɛi fɛɛ hewalɛ ni amɛkase shiɛmɔ wiemɔi ni atsɔɔ lɛ mli babaoo ni amɛkɛtsu nii.
15 min: “Ani Onyɛɔ Ofeɔ Gbɛgbalɔi Awalɔ?” Sanegbaa ni onukpa ko kɛ shiɛlɔi saŋŋ ni efee gbɛgbalɔi awalɔi be ko ni eho, ni amɛmiito amɛ gbɛjianɔ ni amɛfee yɛ March kɛ April mli lɛ baana. Kɛ aasusu sane lɛ mli otii ahe lɛ, shiɛlɔi lɛ baatsɔɔ nɔ hewɔ ni amɛtaoɔ amɛfee gbɛgbalɔi awalɔi lɛ. Amɛtsɔɔ jɔɔmɔi ni amɛna kɛ tsakemɔi ni ehe bahia ni amɛfee koni amɛnyɛ amɛna ŋmɛlɛtswai ni ataoɔ lɛ. Sanegbaa lɛ ama miishɛɛ ni yɔɔ gbɛgbalɔi awamɔ mli lɛ nɔ mi ni ewo mɛi fɛɛ hewalɛ ni amɛsusu sɔɔmɔ hegbɛ nɛɛ he kɛji amɛ aŋkroaŋkro shihilɛ baaŋmɛ gbɛ.
Lala 30 kɛ naagbee sɔlemɔ.
Otsi ni Jeɔ Shishi March 9
Lala 215
10 min: Asafoŋ adafitswai, kɛ sɔɔmɔ gbɛjianɔtoo kɛha otsi lɛ. Awo hewalɛ ni abɔ mɔdɛŋ afee sɛɛsaramɔi otsi nɛɛ kɛ nyɔŋ nɛɛ nɔ. Sɔɔmɔ Kpee nɛɛ baagbala mli atsɔɔ ni ebaafee shiɛmɔ wiemɔi ejwɛ ni abaanyɛ akɛtsu nii ni akɛfee sɛɛsaramɔ yɛ mɛi ni yɔɔ wiemɔ lɛ he miishɛɛ lɛ aŋɔɔ lɛ he nɔkwɛmɔ nɔ. Ahala ekome loo enyɔ kɛha nitsumɔ otsi nɛɛ. Akɛ “Heyeli Eba Kɛ!” afata he.
20 min: “Bɔ ni Ooofee Oje Sanegbaa lɛ Shishi Kɛji Oku Osɛɛ Ofee.” (3 min.) Hiɛkpamɔ wiemɔ ni damɔ kukuji 1 kɛ 2 mli otii anɔ. (15 min.) Shiɛmɔ wiemɔi etɛ ni yɔɔ kukuji 3-5 lɛ eko fɛɛ eko he nɔkwɛmɔ nɔ ni asaa he jogbaŋŋ. Kɛji be baaŋmɛ gbɛ lɛ, abaanyɛ awie bɔ ni abaanyɛ akɛ shiɛmɔ wiemɔi atsu nii aha lɛ he, yɛ nɔkwɛmɔ nii lɛ eko fɛɛ eko sɛɛ. (2 min.) Adamɔ susumɔi ni yɔɔ kuku 6 lɛ nɔ awo mɔ fɛɛ mɔ hewalɛ ni kɛ hoo lɛ esaa shiɛmɔ wiemɔi ni atsɔɔ lɛ ateŋ ekome ni ekɛtsu nii ni ekɛ mɛi ni ena wiemɔ lɛ he miishɛɛ lɛ aje sanegbaa shishi.
15 min: “Adam kɛ Hawa.” Reasoning wolo lɛ baafai 27-9. (5 min.) Hiɛkpamɔ wiemɔ ni damɔ saji ni yɔɔ yitso bibioo ni ji “Ani Adam kɛ Hawa ji adesa mli gbɔmɛi kɛkɛ?” shishi lɛ nɔ. (6 min.) Nɔkwɛmɔ nɔ ko ni miitsɔɔ sɛɛsaramɔ yɛ mɔ ko ni shiɛlɔ lɛ shi sanebimɔ ni ji “Ani Adam esha lɛ ji Nyɔŋmɔ suɔmɔnaa nii, Nyɔŋmɔ gbɛjianɔtoo?” eha lɛ lɛ ŋɔɔ. (4 min.) Awo hewalɛ ni akɛ ‘Kɛji Mɔ ko Kɛɛ—’ ni yɔɔ Reasoning wolo lɛ mli lɛ atsu nii kɛha saneyitsei ni akɛbaatsu nii yɛ sɛɛsaramɔi amli. Tsii nɔkwɛmɔ nii krokomɛi ata.
Lala 114 kɛ naagbee sɔlemɔ.
Otsi ni Jeɔ Shiɛlɔi March 16
Lala 211
15 min: Asafoŋ adafitswai, shika he akɔntaabuu, kɛ shika ni akɛke ni Asafo lɛ ekpɛlɛ nɔ. Ajie nyɛmimɛi lɛ ayi yɛ Maŋtsɛyeli lɛ he nibii asɛɛfimɔ yɛ shika gbɛfaŋ lɛ he. Awo shiɛlɔi lɛ hewalɛ ni amɛkɛ amɛhe awo shiɛmɔ mli yɛ otsi lɛ naagbee.
20 min: “Kaimɔ ni Oku Osɛɛ Oya Jɛmɛ.” Sanebimɔi kɛ hetooi kɛ nɔkwɛmɔ nii. Kɛji asusu kuku 5 he agbe naa lɛ, afee nɔkwɛmɔ nɔ ni miitsɔɔ sɛɛsaramɔ yɛ mɔ ko ni aha lɛ dɛhiɛmɔ wolo ŋɔɔ. Sanegbaa lɛ tee nɔ ni etsɔ Biblia mli nikasemɔ yɛ Obaanyɛ Ohi Shi Kɛya Naanɔ wolo lɛ mli. Kɛ asusu kuku 6 he agbe naa lɛ, afee nɔkwɛmɔ nɔ ni miitsɔɔ sɛɛsaramɔ yɛ mɔ ko ni heee wolo beni aba eŋɔɔ klɛŋklɛŋ lɛ ŋɔɔ. Yɛ nɔkwɛmɔ nɔ lɛ sɛɛ lɛ, abi shiɛlɔ lɛ nɔ hewɔ ni ekpɛ eyiŋ akɛ ebaaya nɛkɛ mɔ ni heee wolo ko beni etee eŋɔɔ klɛŋklɛŋ kwraa lɛ ŋɔɔ ekoŋŋ lɛ.
15 min: Te Nyɛ Maŋtsɛyeli Asa lɛ Shikamɔ Yɔɔ Tɛŋŋ? Wiemɔ ni damɔ September 1989 Our Bulletin lɛ, baata 7, ni yitso ji “Ani Obuɔ Nyɛ Maŋtsɛyeli Asa Lɛ?” nɔ. Abaanyɛ akɛ otii krokomɛi ni jɛ sane ni yitso ji “Maŋtsɛyeli Asai lɛ Akadimɔ,” ni je kpo yɛ February 1990 Our Bulletin lɛ baafa 4 lɛ afata he.
Lala 133 kɛ naagbee sɔlemɔ.
Otsi Ni Jeɔ Shishi March 23
20 min: Asafoŋ adafitswai, kɛ shiɛmɔ yaa he gbɛjianɔtoo kɛha otsi lɛ, kɛ Teokrase lɛ He Saji.
10 min: “Sɛɛfimɔ ni Wɔkɛaaha Gbɛgbalɔi Lɛ.” Sanebimɔi kɛ hetooi kɛ sanegbaa. Amamɔ jɔɔmɔi ni asafo muu lɛ fɛɛ naa kɛji akɛ sɛɛnamɔ ni he hiaa ha gbɛgbalɔi lɛ nɔ mi. Abibii gbɛgbalɔi lɛ saji, ni amɛtsɔɔ bɔ ni onukpai lɛ kɛ mɛi krokomɛi ni yɔɔ asafo lɛ mli lɛ eye ebua amɛ eha yɛ gbɛgbamɔ sɔɔmɔ lɛ mli.
10 min: Kpee Be Tsakemɔi ni Afeɔ Kɛji Kpokpaa Nɔkwɛlɔ lɛ Ba Saramɔ. Onukpa ko baadamɔ otii ni je kpo yɛ “Adafitswai” gbɛhe lɛ yɛ September 1988 Wɔ Maŋtsɛyeli Sɔɔmɔ lɛ mli lɛ nɔ egbala mli etsɔɔ. Afee tsakemɔ ko yɛ mli ni kɔɔ Teokrase Sɔɔmɔ Skul lɛ kɛ Sɔɔmɔ Kpee lɛ ahe ni esa akɛ asafoi fɛɛ kɛtsu nii. Kɛha kpee krɛdɛɛ ni akɛ Asafo Woloŋ Nikasemɔ lɛ fataa he lɛ, ofainɛ kwɛmɔ Wɔ Maŋtsɛyeli Sɔɔmɔ, May 1990 (Our Bulletin, Vol. 33, No. 5) baafa 3, yɛ yitso ni ji “Beni Kpokpaa Nɔkwɛlɔ lɛ Saraa Nyɛ lɛ” shishi.
Lala 48 kɛ naagbee sɔlemɔ.