Adafitswai

◼ Wolo ni akɛbaaha yɛ June: Buu-Mɔɔ lɛ shɛɛ. Kɛji ana mɔ ko ni yɔɔ he miishɛɛ lɛ, ebaanyɛ ashɛ afi kome kɛha ¢1,800. Abaanyɛ ashɛ nyɔji ekpaa, aloo ashɛ nɔ ni baa shikome yɛ nyɔji ekpaa, aloo ashɛ nɔ ni baa shikome yɛ nyɔŋ kome mli afi kome kɛha ¢900. July: Mankind’s Search for God. August: Gbɔmɔ ni Fe Mɔ Fɛɛ Mɔ ni Ehi Shi Pɛŋ. September: Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ.

◼ Kɛjɛ be nɛɛ nɔ kɛyaa lɛ, agbɛnɛ asafo fɛɛ asafo mli woloŋmalɔ lɛ ji mɔ ni baakwɛ kpokpaa wulu nɔ kpee he saji anɔ. Kɛji ebɛ lɛ, onukpa kroko ni he esa baakwɛ nɛkɛ nitsumɔ nɛɛ nɔ.

◼ Esa akɛ onukpai asɛinɔtalɔ lɛ aloo mɔ ko ni ebaahala lɛ akwɛ asafo lɛ shika he akɔnataabuu mli yɛ June 1 aloo yɛ no sɛɛ nɔŋŋ kɛji ebaahi.

Aabi ni asafo lɛ akadi akɛ, kɛji amɛ Magazine Account, ni ji woji ni tɛtrɛbii anyɔmɔ ni amɛhiɛ lɛ fa fe yibɔ ni akɛmajeɔ amɛ daa nyɔŋ nɔ lɛ jara toi ejwɛ lɛ, no lɛ esa akɛ amɛnu shishi akɛ ehe akɔntaabuu nɛɛ etsɔ nyɔmɔ diɛŋtsɛ. Ni ja nɛkɛ asafo nɛɛ ejie nɛkɛ nyɔmɔ nɛɛ mli saŋŋ dani amɛbaanyɛ amɛbi ni aha bɔ ni amɛshɛɔ lɛ afa.

◼ Esa akɛ asafoi ni miito gbɛjianɔ ni amɛbakwɛ Betel yɛ bɔs kui amli lɛ atsɔ hiɛ amɛŋma wɔ wolo, kɛ hoo lɛ otsii enyɔ dani be ni amɛkɛbaa lɛ ashɛ. Nyɛtsɔa wɔ mɛi abɔ ni baa kɛ be mli ni nyɛbaashɛ Betel. Nyɛfainɛ nyɛkaia akɛ agbeleɔ Betel yɛ otsi lɛ mli gbii lɛ amli, kɛjɛɔ leebi 8:00 kɛyashiɔ shwane 12:00 kɛ agbɛnɛ kɛjɛ shwane 1:00 kɛyashi gbɛkɛ 5:​00, ni Hɔɔ lɛ, agbeleɔ kɛjeɔ leebi 8:00 kɛyashiɔ shwane 12. Bei pii lɛ, shishɛramɔ yɛ Betel lɛ heɔ aaafee ŋmɛlɛtswaa kome. No hewɔ lɛ, nyɛbashɛa jɛmɛ mra koni wɔnyɛ wɔkɛ nyɛ ashɛra shi yɛ he fɛɛ he yɛ nitsumɔ be lɛ mli. Ehe ehiaaa ni aŋkroaŋkroi kɛ wekui ni miitao amɛba Betel ni akɛ amɛ ashɛra shi lɛ atsɔ hiɛ aŋma wolo dani amɛba.

Kɛji wɔtsɔ hiɛ wɔkane yinɔsane ni jɛ mumɔŋ ni aŋma afɔ shi yɛ 2 Maŋtsɛmɛi 22:​1–23:23 kɛ 2 Kronika 34:​1-19 lɛ dani wɔtee kpee lɛ, ebaaha mɔ fɛɛ mɛ aná drama ni abaafee yɛ ebe naa pɛpɛɛpɛ yɛ “La Hiɛlɔi” Kpokpaa Wulu nɔ Kpee lɛ shishi lɛ he sɛɛ waa diɛŋtsɛ.

◼ Kɛji ebaahi lɛ, onukpai lɛ ato gbɛjianɔ koni asafo lɛ kɛ amɛhe awo gbɛkɛnaashi odaseyeli mli. Aawo otsi teŋ odaseyeli hu hewalɛ koni no hu atsɔ gbɛjianɔtoo ko ni akɛtsuɔ nii yɛ asafo lɛ mli daa.

Aatswa mɛi ni yɔɔ hegbɛ ni amɛbaanyɛ amɛkɛ kompiuta atsu nii kɛtao Biblia mli saji amli adafi akɛ, amrɔ nɛɛ Asafo lɛ yɛ New World Translation of the Holy Scriptures​—With References lɛ yɛ kompiuta diskɛt nɔ. Ofainɛ kwɛmɔ adafitswaa gbɛhe lɛ, yɛ Wɔ Maŋtsɛyeli Sɔɔmɔ lɛ Blɔfo nɔ lɛ mli kɛha ehe saji krokomɛi ni atsɔɔ lɛ.

◼ Esa akɛ akadi Maŋtsɛyeli Asai lɛ jogbaŋŋ yɛ kadimɔ tao lɛ nɔ koni ale lɛ jogbaŋŋ, akɛ: Kingdom Hall of Jehovah’s Witnesses. No sɛɛ lɛ, abaanyɛ ato naa ni atsɔɔ bei sɔrɔtoi ni asafo(i) ni kpeɔ yɛ Asa lɛ nɔ kɛfeɔ kpeei lɛ hu yɛ nɔ.

◼ Woji Heei ni Yɔɔ:

English: The Bible​—God’s Word or Man’s; All Scriptures Is Inspired of God and Beneficial (1990 nɔ lɛ) . Ewe, Ga, kɛ Twi: Kpojiemɔ​—Enaagbee Kwraa lɛ Ebɛŋkɛ!

◼ Woji ni Wɔsaa Wɔna Ekoŋŋ:

English: Insight on the Scriptures; You Can Live Forever ni Paradise on Earth (bibii lɛ eko) ; Sing Praises to Jehovah (Lala Wolo bibii lɛ eko.)