Okɛ Woji Tɛtrɛbii Atsu Nii Jogbaŋŋ
1 Kɛ otee woji tɛtrɛbii ahɔɔmɔ he lɛ, onaa woji tɛtrɛbii sɔrɔtoi babaoo ni kɔɔ nɔ fɛɛ nɔ he, kɛjɛ shwɛmɔ nɔ nɔ kɛyashi tsɔnei ahe nilee nɔ. Onyɛŋ okane fɛɛ. Yɛ be mli ni sɛɛnamɔ yɔɔ woji tɛtrɛbii nɛɛ ekomɛi amli saji ahe lɛ, pii yɛ ni sɛɛnamɔ bɔ he. Pii ehiii kwraa ni esa akɛ atsi he kɛjɛ he.
2 Mɛɛ sɔrɔto-feemɔ nɛ, kɛ akɛto Buu-Mɔɔ lɛ kɛ Awake! lɛ he. Ájɔɔ nɛkɛ woji tɛtrɛbii nɛɛ anɔ aha anɔkwale lɛ ni abaanyɛ akɛtsu nii aha mɛi fɛɛ ni hereɔ Nyɔŋmɔ suɔmɔ lɛ nɔ lɛ ataomɔ kɛ amɛ yiwalaheremɔ.
3 Awake! baanyɛ ashɛ gbɔmɛi sɔrɔtoi fɛɛ adɛŋ yɛ bɔni ewieɔ saji sɔrɔtoi babaoo he lɛ hewɔ. Taakɛ atsɔɔ mli yɛ eko fɛɛ eko ni akalaa lɛ baafa 4 lɛ, ‘aŋma bɔni afee ni eha weku muu lɛ fɛɛ ale nii.’ Ewieɔ saji sɔrɔtoi ahe, ni nɔ ni fata he ji gbɔmɛi, jamɔ kɛ jeŋ nilee. Eboteɔ saji ashishi ni etsɔɔ nibii ni yaa nɔ lɛ shishi diɛŋtsɛ. Nɔ ni fe fɛɛ lɛ, ‘ehaa anaa Bɔlɔ lɛ shiwoo kɛha jeŋ hee ko ni toiŋjɔlɛ kɛ shweshweeshwe shihilɛ yɔɔ mli lɛ mli hekɛnɔfɔɔ.’
4 Sane ni yɔɔ October 8 Awake! lɛ mli ji ‘Obaanyɛ Oye Henumɔi ni Ejaaa lɛ Anɔ Kunim.’ Henumɔi ni tamɔ nɛkɛ ekpata mɛi pii awala hiɛ. Wolo tɛtrɛɛ nɛɛ kɛhamɔ kɛtsɔ Biblia mli ŋaawoo ni shɛjeɔ mɔ mii ni aaagbala jwɛŋmɔ kɛaaya nɔ lɛ baaha mɔ lɛ ana miishɛɛ. Yɛ October 22 nɔ lɛ he lɛ, esa ni wɔnine ashɛ mɛi ni baabo wɔ toi lɛ nɔ kɛtsɔ saji otii ni aŋmala atsara nɔ, ni ji ‘Jeŋ Hee ni Haa Mɔ Fɛɛ Mɔ Tsui Nyɔɔ Emli’ lɛ ni wɔɔgbala jwɛŋmɔ kɛaaya nɔ lɛ nɔ. Okɛ September nɔ lɛ atsu nii kɛji akɛ onine shɛko October nɔ lɛ anɔ.
5 Ale Buu-Mɔɔ lɛ yɛ jeŋ fɛɛ akɛ wolo ni tswaa Nyɔŋmɔ Maŋtsɛyeli lɛ kɛ Paradeiso jɔɔmɔi ni ekɛbaaba lɛ he adafi kɛ sɛɛfilɔ. October 1 nɔ lɛ baaha sanebimɔ ni pɛiɔ nibii amli, “Ani Mesia ko He Miihia Adesai Iɛɛlɛŋ?” lɛ hetoo. Enɛ baaha wɔna hegbɛ ni hi jogbaŋŋ ni wɔkɛaawie wɔ Maŋtsɛyeli hiɛnɔkamɔ lɛ he. Sane ni kɔɔ “Ŋmɛnɛ Weku Shihilɛ—Haomɔi lɛ Anaa ni Aaadamɔ” lɛ he, ni jeɔ kpo yɛ October 15 nɔ lɛ mli lɛ baaye abua wɔ ni wɔkɛ weku lɛ mlibii ni shweɔ ni amɛye amɛhe kɛjɛ shihilɛi mli naagbai pii lɛ amli lɛ aje sanegbaa shishi.
6 Wɔmiisumɔ ni mɛi ni yɔɔ wiemɔ lɛ he miishɛɛ diɛŋtsɛ lɛ anine ashɛ woji tɛtrɛbii ni sɛɛnamɔ yɔɔ he nɛɛ anɔ daa. Kɛ oogba amɛ sɛɛnamɔi pii ni yɔɔ woji tɛtrɛbii lɛ ahe lɛ he sane lɛ, bɔɔ mɔdɛŋ ni ole akɛ ani mɔ lɛ yɛ wiemɔ lɛ he miishɛɛ diɛŋtsɛ lo. Kɛ ana he miishɛɛ kɛjɛ shishijee lɛ, obaanyɛ okɛ fioo ko abaha mɔ lɛ bo diɛŋtsɛ, akɛ mɛi ni heɔ owoji tɛtrɛbii lɛ daa lɛ fa, koni otsɔ nɛkɛ gbɛ nɔ otee emiishɛɛ shi. Ha ele akɛ obaasumɔ ni woji tɛtrɛbii lɛ aba lɛ diɛŋtsɛ eŋɔɔ kɛtsɔ epost ofis adrɛs nɔ akɛ nɔ ni eshɛɔ. Kɛ mɔ lɛ kpɛlɛ nɔ lɛ, koni oha eshɛ.
7 Wɔbaanyɛ wɔjie wɔwoji tɛtrɛbii lɛ ayi wɔtsɔɔ mɔ fɛɛ mɔ, ejaakɛ wɔheɔ sɛɛnamɔ ni yɔɔ amɛhe lɛ wɔyeɔ. Wɔye nɔ ko ni hi jogbaŋŋ, ni eji Kristofoi asu akɛ wɔkɛ mɛi krokomɛi aaaja enɛ.—Abɛi 3:27; Heb. 13:16.