Adafitwai

◼ Wolo ni akɛbaaha yɛ June: Buu-Mɔɔ kɛ Awake! lɛ shɛɛ. Kɛ ashɛɛɛ lɛ, abaanyɛ akɔ woji tɛtrɛbii enyɔ kɛ wolo bibioo kome aha (ja Skul wolo bibioo lɛ pɛ) . July: Gbɔmɔ ni Fe Mɔ Fɛɛ Mɔ ni Ehi Shi Pɛŋ. August: Happiness​—How to Find It loo Making Your Family Life Happy. September: Obaanyɛ Ohi Shi Kɛya Namɔ yɛ Paradeiso yɛ Shikpɔŋ Nɔ. KADIMƆ: Asafoi ni woji ni akɛbaafa ta ni atsi ta yɛ yiteŋgbɛ nɛɛ eko he baahia amɛ lɛ ashɛ eko yɛ Literature Order Form (S-14) lɛ nɔ yɛ nyɔŋ ni baa lɛ mli.

◼ Ehe miihia ni kui ni shɛɔ 30 loo nɔ ni fe nakai ni miito gbɛjianɔ ni amɛbasara Betel lɛ aŋma nitsumɔ he nine lɛ wolo ni amɛha amɛ hetoo dani amɛba. Nyɛfainɛ nyɛtsɔɔa yifalɛ ni baa lɛ kɛ date. Nyɛbaana bɔ ni atsɔɔ enɛ mli fitsofitso aha lɛ yɛ February 1993 Wɔ Maŋtsɛyeli Sɔɔmɔ lɛ baafa 3.

◼ Asafo lɛ miifee Watchtower wolo kpoi kɛha afii 1986 kɛbashi 1991 akɛ woji ni abaanyɛ ashɛ be fee be. Mɔ fɛɛ mɔ ni sumɔɔ ni ena eko lɛ ashɛ kɛtsɔ asafo lɛ nɔ. Wɔsɛɛ be mli Watchtower wolo kpoi lɛ kɛ agbɛnɛ 1992 nɔ lɛ baafee woji ni abaanyɛ ashɛ eko be fee be. Nyɛfainɛ nyɛkaia akɛ ashɛɛɛ ashwieee shi.

◼ Nɔ kroko ni afee yɛ kompiuta nɔ eje kpo: New World Translation of the Holy Scriptures​—With References/Insight on the Scriptures. New World Translation Biblia lɛ kɛ Insight kpoi enyɔ lɛ fɛɛ yɛ mli. Eyɛ Ŋleshi wiemɔ pɛ mli.

◼ Asafo lɛ miitsu nɔ ko ni atsɛɔ lɛ CD-ROM he nii koni akɛfata kompiuta he akɛtsu nii. Ebaaha mɔ ko ana wiemɔ fɛɛ wiemɔ ni akɛtsu nii yɛ New World Translation, Insight kɛ Buu-Mɔɔ lɛ mli lɛ kɛjɛ 1950 kɛbashi 1993 kɛ woji krokomɛi hu ni Asafo lɛ efee lɛ amli wiemɔi.

◼ Atswa adafi yɛ “La Hiɛlɔi” Kpokpaa Wulu nɔ kpee lɛ naagbee wiemɔ lɛ mli akɛ abaafee “Ŋwɛi Nitsɔɔmɔ” Kpokpaa Wulu nɔ kpeei lɛ eko yɛ Cape Coast. Nyɛfainɛ, nyɛkadia akɛ atsake enɛ kɛtee Agona Swedru taakɛ eyɔɔ nɔ ni aŋma ahɔ June 1993 Wɔ Maŋtsɛyeli Sɔɔmɔ lɛ mli lɛ.

◼ Ato gbɛjianɔ afi nɛɛ akɛ abaaha “Ŋwɛi Nitsɔɔmɔ” Kpokpaa Wulu nɔ kpee lɛ shishi wiemɔi lɛ ekomɛi yɛ Krobo wiemɔ mli yɛ Koforidua kpee lɛ shishi koni ehe aba sɛɛnamɔ aha nyɛmimɛi ni wieɔ Krobo lɛ. Nakai nɔŋŋ hu abaaha wiemɔi lɛ ekomɛi yɛ Frafra wiemɔ mli yɛ Tamale kpee lɛ shishi.

◼ Taakɛ atsi ta yɛ June 1992 Wɔ Maŋtsɛyeli Sɔɔmɔ lɛ mli lɛ, asafoi lɛ amli woloŋmalɔi ji mɛi ni baakwɛ kpokpaa wulu nɔ kpee he gbɛjianɔtoo lɛ ahe saji anɔ. Kɛ ebɛ lɛ, esa akɛ ahala onukpa kroko ni he esa koni etsu enɛ.

Onukpai asɛinɔtalɔ Iɛ loo mɔ ko ni ebaabala lɛ lɛ akwɛ asafo lɛ shika akɔntaabuu mli yɛ June 1 loo yɛ no sɛɛ nɔŋŋ. Atswa asafo lɛ adafi kɛ afee enɛ agbe naa.

◼ Woji Ni Nine Eshɛ Nɔ Ekoŋŋ:

Blɔfo: Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ (Emli bibii lɛ) ; Defending and Legally Establishing the Good News. Twi: Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ (Emli bibii lɛ) .

◼ Audiocassette (Kasɛt.) Hee:

Blɔfo: Jehovah’s Judgment Against Law-Defying People; Preserving Life in Time of Famine (Drama: kaset kome) .

Videocassette Hee:

Blɔfo: Purple Triangles.