Sanebimɔ He
◼ Ani aŋmɛɔ gbɛ agbɛnɛ koni aŋa loo akɛ mɛi ni ashwie amɛ lɛ abɔ?
April 15, 1991 Buu-Mɔɔ lɛ baafa 20-25 wie gbɛjianɔtoo hee kɛha daa afi saramɔ ni onukpai baafee yɛ mɛi ni ashwie amɛ kɛjɛ asafo Iɛ mli loo amɛkɛ asafo lɛ ebooo dɔŋŋ shi kɛlɛ amɛwieee amɛshiii asafo lɛ, kɛ yiŋtoo akɛ aaaye ebua amɛ ni amɛku amɛsɛɛ amɛba Yehowa ŋɔɔ lɛ he. Ani enɛ tsɔɔ akɛ asafo lɛ mli bii, ni onukpai fata he, baanyɛ aŋa loo amɛkɛ mɛi ni tamɔ nɛkɛ abɔ ni akɛ amɛ afee Biblia mli nikasemɔ?
Nɔ ni Buu-Mɔɔ ni awie he nɛɛ yɔɔ kɛɛmɔ yɛ baafa 22 nɛ: “Tsutsu nanemɛi kɛ wekumɛi baana hiɛnɔkamɔ akɛ mɔ ni ashwe lɛ lɛ baaku esɛɛ eba; ni kɛlɛ yɛ bulɛ ni amɛyɔɔ kɛha famɔ ni yɔɔ 1 Korintobii 5:11 lɛ hewɔ lɛ, amɛkɛ mɔ ni ashwie lɛ lɛ ebɔɔɔ. Amɛshiɔ amɛhaa onukpai ni ahala amɛ lɛ ni amɛkwɛ akɛ gbɔmɔ ni tamɔ nɛkɛ lɛ yɛ he miishɛɛ akɛ eeeku esɛɛ eba lo.” Ni amɛaatsɔ hiɛ ni amɛkɛ mɔ ni ashwie lɛ Iɛ awie loo amɛaaye amɛbua lɛ yɛ mumɔŋ lɛ, asafo lɛ mli bii lɛ feɔ amɛnii yɛ shishigbɛ niŋmaa ni yɔɔ baafa 23 lɛ naa: “Kɛji akɛ Odasefonyo ko na le yɛ shia kɛ shia shiɛmɔ mli aloo yɛ gbɛ kroko nɔ akɛ mɔ ko ni ashwie lɛ kɛje asafo lɛ mli yɛ shikpɔŋkuku lɛ mli lɛ, esa akɛ eha onukpa Iɛ ale.”—Tito 3:10,11;1 Tim. 1:19,20.
Onukpai akuu lɛ baahala amɛteŋ mɛi enyɔ shikome daa afi koni amɛyasara mɔ ni ashwie lɛ ni yɔɔ asafo lɛ shikpɔŋkuku mli ni tsɔɔ akɛ eesumɔ ni eku esɛɛ eba Yehowa gbɛjianɔtoo lɛ mli lɛ. Akaiɔ onukpai lɛ po akɛ enɛ ‘jeee naanyobɔɔ saramɔ.’ Asaraŋ mɔ ni yaa nɔ yɛ nɔ fɔŋ feemɔ ni hiɛdɔɔ yɔɔ mli lɛ mli lolo lɛ loo mɔ ni wieɔ eshiɔ asafo Iɛ ni ejieɔ subaŋ gbonyo kpo lɛ. Esa akɛ aha ahi jwɛŋmɔ mli akɛ, yɛ mɛi ni efeɔ akɛ amɛshwɛ amɛhe lɛ ahe po lɛ, gbɛtsɔɔmɔ lɛ ji akɛ eyɛ mli akɛ abaanyɛ ni akɛ woji aha amɛ ni amɛhe moŋ, shi “onukpai lɛ esaraŋ amɛ daa ni asaŋ amɛkɛ mɔ ni ashwie lɛ lɛ efeŋ nikasemɔ.” Kɛ mɔ lɛ jie ehe kpo akɛ ebɛ Biblia mli nilee loo shishinumɔ lɛ, kɛ ahe lɛ kɛba asafo lɛ mli sɛɛ Iɛ, onukpai lɛ baato gbɛjianɔ ni Odasefonyo ko ni eda yɛ mumɔŋ (ekolɛ onukpa) kɛ lɛ akase nii.—Okɛto Our Ministry, baafai 103, 104 he; Wɔ Maŋtsɛyeli Sɔɔmɔ, May 1987, Sanebimɔ He; kwɛmɔ May 1981 Wɔ Maŋtsɛyeli Sɔɔmɔ lɛ Sanebimɔ He lɛ hu.
Nɔ ni awie nɛɛ tsɔɔ akɛ esa akɛ mɛi fɛɛ ni yɔɔ asafo lɛ mli lɛ aya nɔ abu mɛi ni ashwie amɛ loo amɛkɛɛ amɛkɛ asafo lɛ ebɔɔɔ dɔŋŋ lɛ yɛ 1 Korintobii 5:9-13 kɛ 2 Yohane 9-11 naa kɛyashi be mli ni aaahe amɛ kɛaaba asafo lɛ mli ekoŋŋ. Enɛ baaye abua ni atse Yehowa gbɛi lɛ kɛ gbɛjianɔtoo lɛ he, koni abu asafo lɛ mli bii lɛ ahe kɛjɛ je nɛŋ “masha momo” lɛ he, kɛ hiɛnɔkamɔ akɛ eeekanya mɔ ni ashwie Iɛ lɛ koni etsake ni eku esɛɛ eba.—1 Kor. 5:7; 2 Kor. 7:9, 10.