Teokrase Lɛ He Saji

Argentina: Ashɛ shiɛlɔi ayifalɛ hee ni fa fe fɛɛ, ni ji 98,601 he yɛ February mli. Yɛ nakai nyɔŋ lɛ nɔŋŋ nɔ lɛ, abaptisi kaselɔi heei 507.

Benin: Shiɛlɔi ayifalɛ hee ni ji 2,967 bu akɔntaa yɛ February mli. Kɛ akɛto nitsumɔ lɛ he afi ni eho nɛ lɛ, shiɛlɔi ayifalɛ etee hiɛ oha mlijaa 13.8, ŋmɛlɛtswai kɛ oha mlijaa 6.1, woji tɛtrɛbii ni akɛha lɛ oha mlijaa 40.6, kɛ Biblia mli nikasemɔ oha mlijaa 25.1.

Ireland: Ashɛ shiɛlɔi ayifalɛ ni fe fɛɛ ni etsara nɔ 59 lɛ he yɛ February mli, kɛ mɛi 4,093 ni bu akɔntaa. Wɔsɛɛ be shweremɔ he hiɛnɔkamɔ lɛ mli wa, yɛ shia Biblia mli nikasemɔ falɛ hee ni fe fɛɛ, ni ji 2,682 ni afeɔ lɛ hewɔ.

Zaire: Yɛ shika gbɛfaŋ kɛ maŋkwramɔŋ naagbai ni yɔɔ maŋ nɛɛ mli lɛ fɛɛ sɛɛ lɛ, nyɛmimɛi lɛ bɔ shiɛlɔi ayifalɛ hee ni ji 71,098 he amaniɛ kɛha February. No feɔ oha mlijaa 9 nɔyaa ni tekeɔ nyɛsɛɛ afi mlijaa lɛ. Kɛ aja mli lɛ, asafoŋ shiɛlɔi naa ŋmɛlɛtswai 16.8 yɛ shiɛmɔ mli. Amrɔ nɛɛ Zaire yɛ daa gbɛgbalɔi fe 6,000.