Sɔɔmɔ Kpee Kɛha August
Otsi Ni Jeɔ Shishi August 2
Lala 133
10 min: Asafoŋ adafitswai kɛ Adafitswai ni sa ni jɛ Wɔ Maŋtsɛyeli Sɔɔmɔ lɛ mli. Aha shiɛlɔi enyɔ loo etɛ asaa amɛhe ni amɛwie bɔ ni amɛkɛ woji tɛtrɛbii memeji etsu nii jogbaŋŋ lɛ he.
15 min: “Woji Bibii kɛ Nitsumɔ ni Wɔkɛtao Mɛi ni Yɔɔ Wiemɔ lɛ he Miishɛɛ.” Sanebimɔ-kɛ-hetoo. Woji bibii ni atsɔɔ yɛ kuku 5 lɛ ji: Ani Esa akɛ Ohe Triniti lɛ Oye? Ani Nyɔŋmɔ Susuɔ Wɔhe Lɛlɛŋ?, kɛ Nɔyeli ni kɛ Paradeiso Baaba. Atswa asafo lɛ adafi yɛ woji bibii ni nyɛyɔɔ lɛ he, ni abibii saji ni atsɔɔ woji bibii lɛ ateŋ nɔ ni baasa jogbaŋŋ kɛha nyɛ shikpɔŋkuku lɛ mli nitsumɔ. Akɛ miishɛɛ awo nyɛmimɛi lɛ hewalɛ ni amɛna gbɛfaŋnɔ kɛmɔ shi yɛ woji bibii lɛ kɛhamɔ mli yɛ hegbɛ fɛɛ hegbɛ ni sa mli. Agbɛnɛ hu ama nɔ mi akɛ, bei pii lɛ, mɛi ni heɔ woji bibii lɛ baasumɔ ni amɛhe woji tɛtrɛbii hu.
20 min: “Wolo ni Akɛhaa yɛ August lɛ ni Wɔkɛaatsu Nii Kɛmɔ Shi.” Akɛ asafo lɛ asusu emli otii ahe, ni afee shiɛmɔ wiemɔi ni atsɔɔ yɛ kuku 3 kɛ 5 lɛ ahe nɔkwɛmɔ nii. Awo hewalɛ ni akɛ he awo mli waa.
Lala 30 kɛ naagbee sɔlemɔ.
Otsi Ni Jeɔ Shishi August 9
Lala 25
10 min: Asafoŋ adafitswai. Akane shika he akɔntaabuu kɛ woji ni tsɔɔ shika ni akɛke he gbɛjianɔtoo he, ni asusu woji tɛtrɛbii lɛ amli saji ni abaanyɛ akɛgba sane lɛ ahe.
20 min: “Sɛɛkuu Koni Ayakanya Miishɛɛ yɛ Biblia lɛ He.” Yɛ hiɛkpamɔ wiemɔ kuku sɛɛ lɛ, afee sɛɛsaramɔ yɛ mɔ ko ni jie miishɛɛ kpo beni atee eŋɔɔ, shi eheee wolo ko lɛ he nɔkwɛmɔ nɔ. Agbɛnɛ hu, afee bɔ ni asaraa mɔ ko ni naaa deka ni ekɛaawie, shi ehe Na Weku Shihilɛ Mli Ŋɔɔmɔ dɛhiɛmɔ wolo lɛ he nɔkwɛmɔ nɔ. Yɛ eko fɛɛ eko mli lɛ, atsɔɔ bɔ ni shiɛlɔ lɛ jeɔ sanegbaa lɛ shishi ni ekanyaa miishɛɛ hu ehaa.
15 min: Nyɛ asafo lɛ hiamɔ nii aloo akɛ shiɛlɔi enyɔ loo etɛ agba sane ni amɛtsɔɔ bɔ ni fee ni amɛbale anɔkwale lɛ. Esa akɛ atsɔ hiɛ ahala nɛkɛ niiashikpamɔi nɛɛ, ni esa akɛ etsɔɔ bɔ ni sɔɔmɔ nitsumɔ lɛ mɔɔ shi jogbaŋŋ hu.
Lala 191 kɛ naagbee sɔlemɔ.
Otsi Ni Jeɔ Shishi August 16
Lala 136
15 min: Asafoŋ adafitswai Teokrase lɛ He Saji. Agbɛnɛ, akɛ toibolɔi asusu Sanebimɔ He lɛ he. Aha ana sɔrɔto ni yɔɔ mɔ ni kɛ asafo lɛ ebɔɔɔ dɔŋŋ kɛ mɔ ni egbɔjɔ lɛ teŋ.
15 min: “Ani Obaanyɛ Ofee?” Akɛ toibolɔi asusu he. Abibii daa gbɛgbalɔ kome loo mɛi enyɔ, aloo shiɛlɔ kome loo mɛi enyɔ ni fɔɔ gbɛgbalɔi awalɔi feemɔ yɛ be kɛ bei amli lɛ saji. Aha amɛtsɔɔ bɔ ni fee ni amɛkpɛ amɛyiŋ akɛ amɛbaafee babaoo, kɛ bɔ ni amɛto amɛnifeemɔi ahe gbɛjianɔ amɛha.
15 min: Wiemɔ ni onukpa ko baaha yɛ mɔ diɛŋtsɛ hetsemɔ he, ni damɔ June 1, 1989 Watchtower lɛ baafai 15-20 nɔ. Esa akɛ aha wiemɔ lɛ yɛ mlihilɛ kɛ hiɛshikamɔ mli.
Lala 165 kɛ naagbee sɔlemɔ
Otsi Ni Jeɔ Shishi August 23
Lala 170
15 min: Asafoŋ adafitswai. Onukpa ko baasusu asafo lɛ July shiɛmɔ he akɔntaabuu he, ni ekɛ yijiemɔ kɛ hewalɛwoo aha. Agbɛnɛ hu, asusu woji tɛtrɛbii lɛ amli otii enyɔ loo etɛ ni abaanyɛ akɛtsu nii yɛ shiɛmɔ mli yɛ otsi nɛɛ naagbee lɛ ahe.
15 min: ‘Krɔs’ Reasoning wolo lɛ baafai 89-93. Abaatsu he nii akɛ sɛɛsaramɔ yɛ shiatsɛ ko ni ehe Happiness wolo lɛ ŋɔɔ. Shiatsɛ lɛ gbele wolo lɛ baafa 108 ni ebi nɔ hewɔ ni afee Yesu he mfoniri yɛ tso nɔ, shi jeee yɛ krɔs nɔ lɛ. Nyɛminuu lɛ kɛ Reasoning wolo lɛ baatsu nii ni ekɛye ebua shiatsɛ lɛ ni ele bɔ ni Biblia tsɔɔ yɛ he.
20 min: “Buu-Mɔɔ kɛ Awake! lɛ ni Wɔkɛaatsu Nii Jogbaŋŋ.” Sanebimɔ-kɛ-hetoo ni akɛaasusu he. Aye abua mɛi fɛɛ ni amɛle hegbɛi babaoo ni wɔnaa daa gbi ni wɔkɛ woji tɛtrɛbii aaaha, ehee kɛ ememeji fɛɛ.
Lala 192 kɛ naagbee sɔlemɔ.
Otsi ni Jeɔ Shishi August 30
Lala 184
15 min: Asafoŋ adafitswai. Asusu hewalɛwoo ni kpokpaa nɔkwɛlɔ lɛ kɛha yɛ enaagbee saramɔ lɛ mli lɛ he. Akai nyɛmimɛi lɛ ni amɛkwɛ ni amɛkɛ akɔntaabui fɛɛ kɛha 1993 sɔɔmɔ afi lɛ aha.
15 min: Bɔ ni Gbii Ahe Hiaa ha yɛ Wɔ Biblia lɛ Kasemɔ Mli. Yɛ wiemɔ kuku ni damɔ “Definition” (Shishitsɔɔmɔ) nɔ yɛ Reasoning wolo lɛ baafa 93 sɛɛ lɛ, akɛ toibolɔi asusu saji ni eshwɛ yɛ “Dates” shishi lɛ ahe. Asusu ‘Mɛni hewɔ ni Yehowa Odasefoi kɛɔ akɛ akɛ Nyɔŋmɔ Maŋtsɛyeli lɛ ma shi yɛ 1914?’ lɛ he. Ama bɔ ni sane nɛɛ yeɔ ebuaa mɛi heei lɛ ni amɛsaa amɛhe koni amɛfã Maŋtsɛyeli lɛ he sane lɛ he lɛ nɔ mi.
15 min: “Mɛni Ejaaa yɛ Shika Suɔmɔ He?” Wiemɔ ni onukpa ko ni he esa baaha kɛjɛ February 15, 1993 Buu-Mɔɔ lɛ baafai 8-11.
Lala 174 kɛ naagbee sɔlemɔ.