Gbekɛbii ni Wɔɔye Wɔbua Amɛ ni Amɛna Kpeei Ahe Sɛɛ
1 Yehowa Nyɔŋmɔ fɔɔ gbekɛbii kɛ onukpai fɛɛ nine ni amɛbabua amɛhe naa yɛ ehiɛ kɛha gbɛtsɔɔmɔ (5 Mose 31:12) No hewɔ lɛ esa yijiemɔ waa akɛ fɔlɔi Kristofoi kɛ amɛbii yaa asafoŋ kpeei ashishi daa nɛɛ. Mɛni abaanyɛ afee koni gbekɛbii Iɛ ana kpeei ahe sɛɛ babaoo?
2 Bɔ ni Fɔlɔi Baanyɛ Aye Abua: Kɛji gbekɛbii lɛ le nikanemɔ lɛ, no lɛ ehi jogbaŋŋ akɛ fɔlɔi lɛ ahe amɛ diɛŋtsɛ amɛ Biblia, Buu-Mɔɔ kɛ wolo ni akaseɔ yɛ Woloŋ Nikasemɔ shishi lɛ eko amɛha amɛ. Eyɛ mli akɛ shihilɛ lɛ mli wa moŋ, shi mumɔŋ nyɔmɔwoi ni jɛɔ mli baa, kɛ́ fɔlɔi ye amɛbua amɛbii yɛ nɛkɛ gbɛ nɔ lɛ dara waa.
3 Hesaamɔ kɛtsɔ hiɛ haa sane shishinumɔ kɛ ekaimɔ yɛ kpee shishi yaa hiɛ. No hewɔ lɛ. nyɛnaa nyɛbii lɛ afataa nyɛhe beni nyɛsaa nyɛhe kɛhaa kpeei daa otsi lɛ. Kɛ nyɛsaa nyɛhe kɛha nikasemɔ akɛ weku lɛ, ebaafee mlɛo kɛha gbekɛbii lɛ akɛ amɛkɛ amɛhe aaawo mli.
4 Aawo fɔlɔi hewalɛ waa ni amɛkɛ amɛbii lɛ atara shi kutuu yɛ kpeei ashishi. Yɛ nɛkɛ gbɛ nɔ lɛ, kɛ gbekɛbii lɛ eko bɔi shwɛmɔ lɛ, fɔlɔ Iɛ baanyɛ aye abua lɛ blɛoo ni ejwɛŋmɔ aba nikasemɔ lɛ nɔ ekoŋŋ.
5 Fɔlɔi lɛ ekomɛi woɔ amɛbii lɛ ahewalɛ ni amɛbo sane toi jogbaŋŋ yɛ kpeei ashishi kɛ shishinumɔ akɛ amɛbaagba nɔ ni amɛnu lɛ, kɛ amɛtee shia. Kɛkɛ lɛ fɔlɔi lɛ egbala sane lɛ mli jogbaŋŋ eha amɛ, kɛ bɔ ni amɛkɛaatsu nii hu. Okɛ miishɛɛ ajie gbekɛbii lɛ ayi, ekɔɔɔ he eko kɛ mɔdɛŋ fioo po amɛbɔɔ.
6 Nibii ni Gbalaa Jwɛŋmɔ lɛ ahe Nitsumɔ: Gbekɛbii lɛ ekomɛi yɛ su ko ni ji shitee kɛ niiamli-yaa loo nu-numɔ shii abɔ yɛ kpeei ashishi. Abaanyɛ atsɔse gbekɛbii lɛ ni amɛya niiamli yɛ shia, dani kpee be ashɛ. Ni yɛ gbekɛbii ni wɔɔ yɛ kpeei ashishi lɛ agbɛfaŋ lɛ, fɔlɔi lɛ baanyɛ aye abua amɛ ni amɛwɔ fioo yɛ shia. Efɔɔ kaa akɛ, gbekɛbii lɛ sumɔɔɔ ni amɛnuɔ nɛkɛ ŋaawoo nɛɛ. Amɛsumɔɔ ni amɛyashwɛ sɔŋŋ kɛkɛ, aloo kɛ anyɛ amɛnɔ akɛ amɛyawɔ lɛ, kɛkɛ lɛ amɛkɛ sune, kɛ saanɔbo—loo nɔ fɛɛ nɔ ni amɛbaana miishwɛ. Gbekɛbii, nyɛkɛ nyɛfɔlɔi afea ekome koni kpeei ahe aba sɛɛnamɔ babaoo aha nyɛ—Okɛto Luka 2:46 he.