Sanebimɔ He

◼ Mɛni abaanyɛ abu lɛ akɛ atade ni sa beni mɔ ko kɛ ehe haa kɛba baptisimɔ lɛ?

Eyɛ mli akɛ hesaamɔi yɛ sɔrɔtoi yɛ je lɛŋ hei sɔrɔtoi fɛɛ moŋ, shi Biblia lɛ ŋaawoo akɛ asaa he “kɛ hiɛ ni gboɔ nɔ kɛ jwɛŋmɔ ni sa” lɛ hiɔ shi nakai nɔŋŋ kɛhaa Kristofoi fɛɛ, ni he ni amɛyɔɔ kɔɔɔ he eko. (1 Tim. 2:⁠9) Eba akɛ akɛ nɛkɛ Shishitoo mla nɛɛ atsu nii beni asusuɔ nɔ ni ji atade ni sa kɛha baptisimɔ he lɛ.

June 1, 1985, Watchtower lɛ baafa 30 lɛ kɛ ŋaawoo nɛɛ haa mɔ ni abaabaptisi lɛ lɛ akɛ: “Eka shi faŋŋ akɛ esa akɛ hiɛshikamɔ aje kpo yɛ atade ni okɛbaaya nu lɛ mli Iɛ gbɛfaŋ Enɛ he miihia waa ŋmɛnɛ, beni atade kpɛlɔi sumɔɔ ni amɛtsɔɔ bulɛ ni amɛbɛ kɛha bɔlɛnamɔ, ni amɛsumɔɔ ni amɛshɛ yayai-nyiɛmɔ mli po Iɛ. Oti kroko hu ni sa akɛ osusu he ji akɛ, atadei lɛ ekomɛi tamɔ nɔ ni hi kɛji egbi, shi etamɔɔɔ nakai kwraa kɛji efɔ. Mɛi ni abaptisiɔ amɛ lɛ ateŋ mɔ ko sumɔŋ ni egbala mɛi ajwɛŋmɔ aloo etsɔ nanetɔtɔmɔ tɛ yɛ nifeemɔ ni hiɛdɔɔ yɔɔ he tamɔ baptisimɔ shishi.​—Filipibii 1:​10.”

Yɛ ŋaawoo nɛɛ kɛ gbeekpamɔ naa lɛ, mɛi ni abaptisiɔ amɛ lɛ baasumɔ ni amɛwo atadei ni sa, ni amɛha bɔ ni nakai nifeemɔ lɛ he hiaa ha lɛ ani amɛ, jwɛŋmɔ mli. Enɛ hewɔ lɛ, atadei ni mli yɔɔ haŋhaŋ aloo nɔ ni kpɛtɛɔ hewolo nɔ bɔ ni ehiii kwraa kɛji efɔ lɛ efeŋ atade ni sa kɛha Kristofonyo, ni no hewɔ lɛ esaaa akɛ awoɔ nomɛi. Nakai nɔŋŋ hu, esaŋ akɛ mɔ ko aaasaa ehe bɔ ni esaaa kwraa aloo jabejabe ko kɛkɛ. Kɛfata he lɛ, esaŋ hu akɛ mɔ lɛ aaawo T-shirts ni aŋmala je lɛŋ bii awiemɔi loo jarayeli he saji yɛ mli.

Kɛji onukpai ni ahala amɛ lɛ kɛ mɔ ni taoɔ ena baptisimɔ lɛ susu sanebimɔi kɛha baptisimɔ lɛ he amɛgbe naa lɛ, nɛkɛ be nɛɛ baafee be ni sa jogbaŋŋ ni akɛaasusu bɔ ni ehe hiaa ni awo atade kpakpa lɛ he. Yɛ nɛkɛ gbɛ nɔ lɛ, ebaaha wɔhiɛ bulɛ ni yɔɔ nifeemɔ lɛ he lɛ mli, ni wɔbaaya nɔ wɔhi shi akɛ mɛi ni esoro amɛ kwraa yɛ je lɛ he.​—Okɛto Yohane 15:19 he.