Kpee Krɛdɛɛ Gbi he Gbɛjianɔtoo Hee
1 Wɔ kpee krɛdɛɛ gbi he gbɛjianɔtoo ni jeɔ shishi yɛ July lɛ baawie saneyitso ni ji, “Yaa nɔ Oye Anɔkwale lɛ he Odase” lɛ he. Gbɛjianɔtoo muu lɛ baagbala jwɛŋmɔ kɛya Yesu nɔkwɛmɔ nɔ ni eshi eha wɔ kɛ bɔ ni ekɛ hegbɛ fɛɛ hegbɛ tsu nii jogbaŋŋ kɛye mɛi krokomɛi anɔkwale lɛ he odase lɛ nɔ. Ebaama gbɛnaa nii ni ka wɔnɔ akɛ Kristo kaselɔi lɛ nɔ mi, koni wɔkase lɛ yɛ anɔkwale lɛ he odaseyeli mli.—1 Kor. 11:1.
2 Abaasusu gbɛfaŋnɔ ni asafo lɛ naa yɛ anɔkwale lɛ he nitsumɔ mli lɛ he. Abaama wɔ woji tɛtrɛbii lɛ kɛ woji krokomɛi ni wɔkɛaatsu nii jogbaŋŋ lɛ hu nɔ mi.
3 Wiemɔ krɛdɛɛ ni wielɔ ni baaba abasara lɛ kɛbaaha lɛ saneyitso ji, “Anɔkwale lɛ He Odaseyeli—Nɔ ni Etsuɔ.” (Yohane 8:32) Eka shi faŋŋ akɛ nɛkɛ kpee krɛdɛɛ gbi he gbɛjianɔtoo nɛɛ baaha wɔhiɛ asɔ anɔkwale lɛ babaoo ni eye ebua ni wɔya nɔ wɔdamɔ shi shiŋŋ ni ‘wɔnane amɔ shi yɛ anɔkwale lɛ mli.’—2 Pet. 1:12; 1 Kor. 15:58.