Teokrase Lɛ He Saji

Albania: Ashɛ shiɛlɔi ayifalɛ hee ni fe fɛɛ, ni ji 353 he yɛ July mli, kɛ agbɛnɛ hu woji tɛtrɛbii ni fa fe fɛɛ ni akɛha. Kɛ aja mli lɛ, asafoŋ shiɛlɔi kɛ ŋmɛlɛtswai 22.4 tsuɔ nii yɛ shiɛmɔ mli, ni amɛfee shia Biblia mli nikasemɔi 1,073.

Cameroon: Ato nitsumɔ he nine hee shishi yɛ July, ni ekɛ shiɛlɔi ayifalɛ hee ni fe fɛɛ, ni ji 21,323 lɛ ba yɛ be kome mli.

Greenland: Shiɛlɔi ni buɔ shiɛmɔyaa he akɔntaa lɛ fɛɛ ayibɔ fee 134 yɛ July mli. Yifalɛ hee ni fe fɛɛ nɛ.

Zaire: Yɛ jaramɔ shihilɛ ni amɛkɛkpe, ni ji abobalɔi akpei ohai abɔ ni baa Zaire lɛ fɛɛ sɛɛ lɛ, amɛshɛ shiɛlɔi ayifalɛ hee ni fe fɛɛ, ni ji 83,442 he yɛ July mli. Nyɛmimɛi lɛ ebɔ mɔdɛŋ waa diɛŋtsɛ akɛ amɛaaye amɛbua amɛhe, ni amɛwieɔ akɛ amɛhiɛ esɔ yeli­kɛ­bua­mɔ nitsumɔi ni ajɛ maji krokomɛi anɔ abatsu aha amɛ lɛ waa.