Ani Nyɛ Kpee Bei Baatsake?

Yɛ hei ni asafoi pii kpeɔ yɛ Maŋtsɛyeli Asa kome mli lɛ, ekolɛ amɛbaasumɔ gbɛjianɔ ni abaato ni atsake kpee bei amli daa afi lɛ jogbaŋŋ diɛŋtsɛ. Shi kɛlɛ, esa akɛ enɛ afee bɔ ni ehaŋ anu he akɛ asafo kome ko naa hegbɛi komɛi be fɛɛ be. (Okɛto Wɔ Maŋtsɛyeli Sɔɔmɔ, Sep­tem­ber 1976, baafa 6 he.) Akɛ nɔkwɛmɔ nɔ lɛ, kɛ ahala January klɛŋklɛŋ gbi lɛ kɛha tsakemɔ lɛ, no lɛ miishɛɛ mli ni aaajɛ akpɛlɛ nakai gbɛjianɔtoo lɛ nɔ lɛ tsɔɔ suɔmɔ kɛ mɔ hesusumɔ ni nyɛ­yɔɔ kɛha nyɛhe. Bei pii lɛ, kpee bei atsakemɔ nɛɛ he baaba sɛɛnamɔ kɛha bo, ni ebaaha kpeeiyaa afee mlɛo kwraa hu.

Yɛ gbɛ kroko nɔ lɛ, ekolɛ tsakemɔ ni eba lɛ kɛ onifeemɔi ahe gbɛjianɔtoo eyaaa jogbaŋŋ. Ekolɛ ebaabi tsakemɔi komɛi yɛ nibii ni ofeɔ daa lɛ agbɛfaŋ, ni ekolɛ ebaagba onaa fioo yɛ gbɛi komɛi anɔ. Suɔmɔ mli ni mɔ fɛɛ mɔ baajɛ akpɛlɛ nɔ lɛ tsɔɔ hiɛsɔɔ ni wɔyɔɔ kɛha gbɛjianɔtoo muu lɛ fɛɛ, ni no haa mɔ fɛɛ mɔ ni esaa ehe lɛ naa he sɛɛ.

Eji anɔkwale akɛ, ekolɛ obaasumɔ kpee bei atsakemɔ ni abaafee ekoŋŋ lɛ waa. Shi dani no baaba lɛ, wɔmiiwo bo hewalɛ ni ofee tsa­ke­mɔi komɛi ni he hiaa yɛ ogbɛfaŋ lɛ bɔni afee ni onyɛ oya daa otsi kpeei fɛɛ yɛ gbɛjianɔtoo ni asafo lɛ ekpɛ eyiŋ yɛ he lɛ naa. Bɔɔ mɔdɛŋ akɛ ooohiɛ jwɛŋmɔ ni lalatsɛ David ná lɛ mli daa, mɔ ji jaje akɛ: “Mimii shɛɔ mihe, kɛ akɛɛ mi akɛ: ‘Ba ni wɔtee Yehowa we lɛ!’ ”​—⁠Lala 122:⁠1.