Adafitswai

◼ Woji ni akɛbaatsu nii yɛ January: Woji fɛɛ ni etsu ni hiɛ baafai 416 loo 384 loo 192 ni ekolɛ asafo lɛ yɔɔ yɛ woji atoohe lɛ ni abaanyɛ akɛha yɛ jara ni atsɔɔ lɛ naa loo woji krokomɛi fɛɛ ni hiɛ baafai 192 yɛ jara ni akɛhaa daa lɛ naa. February: Akɛ Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ lɛ baaha. Esa akɛ sɛɛsaramɔ feemɔ anyiɛ wolo nɛɛ ni akɛbaaha lɛ sɛɛ, ni esa akɛ abɔ mɔdɛŋ koni aje Biblia mli nikasemɔi ashishi. March: Kpojiemɔ—Enaagbee Kwraa lɛ Ebɛŋkɛ! April kɛ May: Buu-Mɔɔ kɛ Awake! woji tɛtrɛbii lɛ shɛɛ.

◼ Yɛ majimaji ateŋ copyright mla lɛ kɛ gbeekpamɔ naa lɛ, ebafeŋ nɔ ni ja gbɛ akɛ mɔ ko aaamɔmɔ Asafo lɛ video sɔrɔtoi lɛ eko ewo kpaa nɔ yɛ be mli ni eŋmako wolo kɛbiko gbɛ kɛjɛko Watch Tower Asafo lɛ ŋɔɔ.

◼ Asafoi lɛ ato gbɛjianɔ ni sa koni aye Kaimɔ lɛ yɛ Sohaa, April 14, afi nɛɛ, beni hulu enyɔ shi sɛɛ. Yɛ he ni asafoi komɛi kpeɔ yɛ Maŋtsɛyeli Asa kome too lɛ nɔŋŋ mli lɛ, ekolɛ asafo kome loo nɔ ni fa fe nakai baanyɛ atao he kroko kɛha nakai gbɛkɛ lɛ. Esaaa akɛ ahaa je naa tsɔ fe nine dani ajeɔ Kaimɔ lɛ shishi koni no hu akagba mɛi heei ni yɔɔ he miishɛɛ akɛ amɛaaba lɛ anaa. Kɛfata he lɛ, esaaa akɛ bei ni kamɔ gbɛjianɔ ni ato lɛ teŋ lɛ feɔ kukuji bɔ ni eeeba lɛ akɛ anaaa be yɛ Kaimɔ lɛ hiɛ kɛ esɛɛ fɛɛ ni akɛaaŋaŋaa gbɔi ni ba lɛ, ni anaaa be hu ni akɛaato gbɛjianɔ koni aya nɔ aye abua mɛi komɛi yɛ mumɔŋ, loo ni be bɛ ni akɛaawowoo mɔ fɛɛ mɔ hewalɛ.

◼ Abaaha maŋshiɛmɔ krɛdɛɛ ni hiɛ saneyitso ni ji, “Apasa Jamɔ Naagbee Ebɛŋkɛ” lɛ yɛ asafoi fɛɛ mli yɛ Hɔgbaa, April 23, 1995. Kwɛmɔ ni ofɔ nine otsɛ mɛi fɛɛ ni ba Kaimɔ lɛ afi nɛɛ. Abaato gbɛjianɔ krɛdɛɛ koni akɛye abua nikaselɔi akpekpei abɔ ni akɛ amɛ feɔ shia Biblia mli nikasemɔ lɛ. Sane ni akɛbaaha beni agbe kpee lɛ naa nakai gbi lɛ baakanya amɛ kɛ wɔ nyɛmimɛi lɛ fɛɛ koni amɛkpa gbɛ akɛ amɛbaana dɛhiɛmɔ wolo krɛdɛɛ ko ni abaaja lɛ mli gbɛfaŋnɔ.

◼ Maŋshiɛmɔ hee ni kpokpaa nɔkwɛlɔi baaha kɛjɛ March kɛyaa ji “Ŋwɛi Nitsɔɔmɔ Yeɔ Kunim yɛ Jeŋ Fɛɛ.” Enɛ baafee mfonirii ni abaajie atsɔɔ ni miitsɔɔ majimaji ateŋ “Ŋwɛi Nitsɔɔmɔ” Kpeei krɛdɛɛi ni afee yɛ 1993 kɛ 1994 sɔɔmɔ afii lɛ amli. Yɛ hei ni ajieŋ mfonirii lɛ yɛ ja be ko sɛɛ lɛ, kpokpaa nɔkwɛlɔi baaha wiemɔ ni ji, “Okɛ Ohiɛ Afɔ Miishɛjemɔi Fɛɛ Nyɔŋmɔ lɛ Nɔ” kɛyashi be mli ni abaajie mfonirii nɛɛ atsɔɔ. Kɛ asafoi fɛɛ kwɛ mfonirii nɛɛ amɛgbe naa lɛ, kpokpaa nɔkwɛlɔi baaya nɔ aha wiemɔ ni ji, “Okɛ Ohiɛ Afɔ Miishɛjemɔi Fɛɛ Nyɔŋmɔ lɛ Nɔ” kɛyashi beni abaatsɔɔ kpokpaa nɔkwɛlɔi awiemɔ hee ni akɛbaaha lɛ yɛ 1996 mra be mli.

◼ Yɛ Sɔɔmɔ Kpee ni abaafee yɛ otsi ni jeɔ shishi January 9 lɛ shishi lɛ, abaaha shiɛlɔi fɛɛ ni eba ni abaptisi amɛ lɛ Advance Medical Directive/Release wolo kɛ Identity Card hu kɛha amɛbii.