Sɔɔmɔ Kpeei Kɛha May
Otsi ni Jeɔ Shishi May 1
10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
15 min: “Sanekpakpa Kɛha Heshibalɔi Lɛ.” Okɛ toibolɔi agba nikasemɔ lɛ he sane, koni oha afee shiɛmɔ wiemɔ kome loo enyɔ he nɔkwɛmɔ nii.
20 min: “Maŋtsɛyeli Sane Krɛdɛɛ ko Kɛha Mɔ Fɛɛ Mɔ.” Wiemɔ kɛ sane ni sɔɔmɔ nitsumɔ nɔkwɛlɔ lɛ kɛ toibolɔi baagba. Nyɛtĩa nɔ ni anyɛ atsu yɛ Maŋtsɛyeli Sane lɛ jaa mli lɛ mli, titri lɛ akadi shiɛmɔyaa he gbɛjianɔtoo ni afi sɛɛ jogbaŋŋ, kɛ bɔ ni mɛi heei ni tee shiɛmɔ klɛŋklɛŋ kwraa lɛ kɛ amɛhe wo mli amɛha lɛ. Bɔɔ shikpɔŋkuku lɛ mli nitsumɔ he amaniɛ; tsɔɔmɔ nɔ ni he hiaa ni afee kɛ asafo kroko babi yelikɛbuamɔ. Wo mɛi fɛɛ hewalɛ koni amɛbɔ mɔdɛŋ waa koni amɛja Maŋtsɛyeli Sane ni akɛha amɛ lɛ. Maa nɔ mi otsɔɔ bɔ ni ehe hiaa ni akadi miishɛɛ ni afee sɛɛsaramɔi akɛ mɔdɛŋ ni abɔɔ koni aje Biblia mli nikasemɔi ashishi. Ha afee shiɛmɔ wiemɔ ni atsɔɔ lɛ he nɔkwɛmɔ nɔ.
Lala 55 kɛ naagbee sɔlemɔ.
Otsi ni Jeɔ Shishi May 8
15 min: Asafoŋ adafitswai. “Bo Hu Obaanyɛ Ona Niiashikpamɔi Kpakpai Amli Ŋɔɔmɔ!” Kɛ be yɛ lɛ, tsɛ toibolɔi ni amɛgba niiashikpamɔi ni woɔ mɔ hewalɛ ni amɛna beni amɛkɛ Maŋtsɛyeli Sane lɛ haa lɛ he sane.
15 min: Asafoŋ hiamɔ nii. Aloo wiemɔ ni damɔ sane ni ji “Bɔ ni Kristofoi Feɔ Amɛ Nii yɛ Amɛhe Guɔ ni Agbeɔ yɛ Maŋ lɛ He” ni yɔɔ April 1, 1995 Buu-Mɔɔ lɛ baafai 26-9 lɛ nɔ.
15 min: “Mɛni Hewɔ Esa akɛ Okadi Mɛi ni Bɛ Shia Lɛ?” Sanebimɔi kɛ hetooi.
Lala 60 kɛ naagbee sɔlemɔ.
Otsi ni Jeɔ Shishi May 15
10 min: Asafoŋ adafitswai. Shika he amaniɛbɔɔ.
15 min: “Wɔ Nɔkwɛmɔ Nɔ Feelɔ lɛ Sɛɛnyiɛmɔ akɛ La Hiɛlɔi.” Sanebimɔi kɛ hetooi.
20 min: “Ani Nyɛ Asafo lɛ Maŋtsɛyeli Asa lɛ Sa?” Sanebimɔ-kɛ-hetoo ni onukpa ko kɛaatsu klɛŋklɛŋ sane ni yɔɔ nɔ ni hɔ mli lɛ he nii. Okɛ ekãa kɛ miishɛɛ atsu he nii.
Lala 118 kɛ naagbee sɔlemɔ.
Otsi ni Jeɔ Shishi May 22
10 min: Asafoŋ adafitswai. Wo gbɛgbalɔi awalɔ ni aaafee yɛ gbɛhamɔ nyɔji amli lɛ he hewalɛ. Tĩi hesaai ni atsɔɔ yɛ Our Ministry wolo lɛ baafai 113-14 lɛ mli.
15 min: “Kadimɔ ni kɛ Yiwalaheremɔ Baa.” Toibolɔi kɛ sanegbaa. Okɛ nɔkwɛmɔ nɔ kome loo enyɔ ni tsɔɔ gbɛ ni aaatsɔ nɔ afee sɛɛsaramɔi afata he.
20 min: “Okɛ Shika Aye Abua Ghana Nitsumɔ He Nine lɛ.” Nɔ ni hɔ mli lɛ sane ni ji enyɔ lɛ he sanebimɔ-kɛ-hetoo. Onukpa atsu he nii.
Lala 30 kɛ naagbee sɔlemɔ.
Otsi ni Jeɔ Shishi May 29
15 min: Asafoŋ adafitswai. Okɛ ŋaawoo ni baawo shiɛlɔi ahewalɛ koni amɛbɔ mɔdɛŋ ni amɛkane Ŋmalɛ ko ákɛ amɛ shiɛmɔ wiemɔ yɛ shinaai anaa lɛ fa aha. Mɛi pii yɛ bulɛ kɛha Biblia lɛ ni amɛmiisumɔ ni amɛbo toi beni akaneɔ lɛ. Emli ŋaawoo lɛ mli tsii ni ebaakanya mɔ ko ni yeɔ anɔkwale. Ebaahi akɛ ooohiɛ o-Biblia lɛ beni oyaa shinaa naa lɛ. Esa akɛ akɛ henumɔ kɛ naatselɛ akane ŋmalɛi.—Kwɛmɔ School Guidebook lɛ baafai 32-3 lɛ kukuji 12-15.
12 min: Sanebimɔ He. Sanebimɔi kɛ hetooi. Tsɔɔmɔ nɔ hewɔ ni wɔnaa kpeei ahe sɛɛ babaoo kɛji wɔsaa wɔhe kɛtsɔ hiɛ ni wɔkɛ woji ni abaakase lɛ fata he kɛtee lɛ.
18 min: Okɛ Creation Wolo lɛ Aha yɛ June. Gbaa nɔ ni mɛi ni yɔɔ he miishɛɛ ni amɛnya Life—How Did It Get Here? By Evolution or by Creation? wolo lɛ he lɛ kɛɛ lɛ he sane otsɔɔ. (Kwɛmɔ March 15, 1987 Blɔfo Buu-Mɔɔ lɛ baafa 32; May 1, 1986 Blɔfo Buu-Mɔɔ lɛ baafa 32; September 1, 1986 Blɔfo Buu-Mɔɔ lɛ baafa 31.) Tsɔɔmɔ mfonirii ni yɔɔ baafai 6, 236-7, 243, kɛ 245 lɛ, ni otsɔɔ bɔ ni abaanyɛ akɛ enɛɛmɛi atsu nii ni akɛje sanegbaai ashishi. Ha shiɛlɔ ni he esa afee shiɛmɔ wiemɔ ni tsɔɔ nɔ ni esa akɛ mɔ fɛɛ mɔ ahala kɛha naanɔ wala namɔ lɛ he nɔkwɛmɔ nɔ, yɛ be mli ni okɛ saji ni asusu he kɛ ŋmalɛi ni yɔɔ baafai 250-1 tsuɔ he nii. Kaimɔ ni mɔ fɛɛ mɔ ana eko kɛha shiɛmɔyaa otsi nɛɛ naagbee.
Lala 63 kɛ naagbee sɔlemɔ.