Adifitswai

◼ Wolo ni akɛbaatsu nii yɛ January kɛ February: Oweku Shihilɛ Ni Oooha Efee Miishɛɛ. March: Nilee Ni Kɛ Mɔ Yaa Naanɔ Wala Mli. April: Buu-Mɔɔ kɛ Awake! lɛ shɛɛ. KADIMƆ: Asafoi ni eshɛko woji kɛha tafaa ni atsi ta yɛ yiteŋgbɛ lɛ lolo lɛ kɛ amɛ daa nyɔŋ nɔ Literature Order Form (S-14) ni baanyiɛ sɛɛ lɛ ashɛ eko.

◼ Asafoi lɛ ato gbɛjianɔ jogbaŋŋ koni amɛye Kaimɔ lɛ afi nɛɛ yɛ Jufɔ, April 2 beni hulu enyɔ shi sɛɛ. Eyɛ mli akɛ aasumɔ ni asafo fɛɛ asafo diɛŋtsɛ aye Kaimɔ lɛ moŋ, shi ekolɛ jeee be fɛɛ be enɛ baahi feemɔ. Yɛ hei ni asafoi babaoo kpeɔ yɛ Maŋtsɛyeli Asa kome nɔ daa lɛ, ekolɛ asafo kome loo nɔ ni fa fe nakai baanyɛ atao tsu kroko kɛha nakai gbɛkɛ lɛ. Esaaa akɛ je naa tsɔ dani ajeɔ Kaimɔ lɛ shishi, ni no hewɔ lɛ mɛi heei ni yɔɔ wiemɔ lɛ he miishɛɛ lɛ nyɛɛɛ ana hegbɛ ni amɛya eko. Agbɛnɛ hu, esaaa akɛ gbɛjianɔ ni atoɔ lɛ feɔ nɔ ni be bɛ mli kwraa ni no hewɔ lɛ be bɛ yɛ gbɛjianɔtoo lɛ shishijee mli loo beni agbe naa ni akɛaaŋa gbɔi, ni aaato gbɛjianɔ akɛwo mɛi komɛi ahewalɛ yɛ mumɔŋ kɛtsara nɔ, loo ni be bɛ ni akɛaana hewalɛwoo mli miishɛɛ. Beni asusu hegbɛi lɛ fɛɛ he sɛɛ lɛ, esa akɛ onukpai lɛ atsɔɔ gbɛjianɔtoo ni baaye abua mɛi fɛɛ ni baa Kaimɔ lɛ shishi koni amɛna nifeemɔ lɛ he sɛɛ kɛmɔ shi.

◼ Abaaha maŋshiɛmɔ krɛdɛɛ kɛha 1996 Kaimɔ be lɛ yɛ Hɔgbaa, April 21. Wiemɔ lɛ saneyitso ji, “Ní Aaahi Shi akɛ Mɔ ni He Bɛ Shwamɔ ko Yɛ Yinɔ Kɔdɔŋ Mli.” Akɛ wiemɔ he gbɛjianɔtoo wolo lɛ baaha. Esa akɛ asafoi ni kpokpaa nɔkwɛlɔ lɛ yɔɔ amɛŋɔɔ loo ni baaya kpokpaa nɔ kpee nakai otsi lɛ naagbee lɛ aha wiemɔ krɛdɛɛ lɛ yɛ otsi ni baanyiɛ sɛɛ lɛ mli. Asafo ko kwraa akaha wiemɔ krɛdɛɛ lɛ beni April 21 shɛko.

◼ Kɛjɛ March kɛyaa lɛ, maŋshiɛmɔ hee ni kpokpaa nɔkwɛlɔi baaha lɛ yitso ji “Anɔkwa Asafo ni Yɔɔ Kristo Hiɛnyiɛmɔ Shishi.”

◼ Wolo ni abaakase yɛ asafo woloŋ nikasemɔi ashishi kɛjɛ April 29, 1996 ji Nilee Ni Kɛ Mɔ Yaa Naanɔ Wala Mli.

◼ Aakai Sɔɔmɔ Nitsumɔ Ajinafoi ni yɔɔ asafoi amli ni kɛ amɛhe ewo shikpɔŋ ni akɛwoko mɔ ko dɛŋ lɛ amli nitsumɔ mli lɛ ni amɛkɛ amɛ Unassigned Territory Appointment Letter (S-91) ni amɛŋmala enɔ nii amɛgbe naa lɛ amaje Asafo lɛ kɛ amɛgbe tafaa krɛdɛɛ nɛɛ naa nɔŋŋ.

◼ Woji Heei ni Nine Eshɛ nɔ Ekoŋŋ:

Blɔfo: Sing Praises to Jehovah (Lala-wolo Bibioo Lɛ), Kingdom Interlinear Bible, New World Translation Bible (Deluxe), Reading Aid, Gbɔmɔ ni Fe Mɔ Fɛɛ Mɔ ni Ehi Shi Pɛŋ, Your Youth—Getting the Best Out of It.

Ewe: Gbɔmɔ ni Fe Mɔ Fɛɛ Mɔ ni Ehi Shi Pɛŋ kɛ, Organized to Accomplish Our Ministry. Twi: My Book of Bible Stories.