Sɔɔmɔ Kpeei Kɛha March
Otsi ni Jeɔ Shishi March 3
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wo mɛi fɛɛ hewalɛ ni amɛje shishi amɛfɔ̃ mɛi ni yɔɔ wiemɔ lɛ he miishɛɛ lɛ anine kɛba Kaimɔ lɛ shishi yɛ March 23. Okɛ wolo bibioo ni akɛfɔ̃ɔ mɛi anine kɛbaa Kaimɔ lɛ shishi lɛ eko atsɔɔ ni owo mɔ fɛɛ mɔ hewalɛ ni amɛnine ashɛ eko nɔ ni amɛbɔi jaa otsi nɛɛ.
15 min: “Tswaa Oshiabii lɛ Oma Shi.” Sanebimɔi kɛ hetooi. Okɛ niiashikpamɔi ni jɛ 1995 Yearbook lɛ baafa 228 lɛ afata he.
20 min: “Wekui ni Ayeɔ Abuaa Amɛ Koni Amɛná Wɔsɛɛ Shihilɛ ni Sɛɛ Tsɛɔ ni Yɔɔ Shweshweeshwe.” (Kukuji 1-5) Wiemɔ kuku 1 lɛ he sane fioo, koni no sɛɛ lɛ, otsɔɔ bɔ ni abaanyɛ afee ni aha aná Weku Miishɛɛ wolo lɛ he miishɛɛ yɛ be mli ni akɛ saneyitsei, mfonirii fɛfɛji, kɛ akrabatsai ni akɛtĩɔ saji amli lɛ tsuɔ nii lɛ. Ha shiɛlɔi ni he esa afee shiɛmɔ wiemɔi ni akɛha yɛ kukuji 2-5 lɛ he nɔkwɛmɔ nii. Wo mɛi fɛɛ hewalɛ koni amɛbɔ mɔdɛŋ krɛdɛɛ ni amɛkɛ wolo lɛ aha wekui ni jieɔ miishɛɛ kpo lɛ. Kaimɔ ni oha ale Biblia kasemɔ he gbɛjianɔ ni ato.
Lala 71 kɛ naagbee sɔlemɔ.
Otsi ni Jeɔ Shishi March 10
10 min: Asafoŋ adafitswai. Shika he akɔntaabuu. Kaimɔ mɛi fɛɛ ni amɛkwɛ koni amɛkane Kaimɔ Biblia kanemɔ ní ato he gbɛjianɔ kɛha March 18-23 lɛ, taakɛ ejeɔ kpo yɛ Ŋmalɛi lɛ Amli ni Wɔɔkwɛ Daa wolo bibioo lɛ mli lɛ.
20 min: “Nyɛlea Shidaa.” Sanebimɔi kɛ hetooi. Mɔ fɛɛ mɔ abɔ mɔdɛŋ waa ni efɔ̃ Biblia kaselɔi, mɛi ni yɔɔ wiemɔ lɛ he miishɛɛ, weku mli bii ni yɔɔ he miishɛɛ kɛ nyɛmimɛi hii loo nyɛmimɛi yei lɛ ateŋ mɔ fɛɛ mɔ ni kɛ asafo lɛ ebɔɔɔ waa lɛ anine kɛba Kaimɔ lɛ shishi. Afee nɔkwɛmɔ nɔ kuku, ní tsɔɔ bɔ ni shiɛlɔ ko fɔ̃ɔ mɔ ko ni yɔɔ wiemɔ lɛ he miishɛɛ lɛ nine kɛbaa Kaimɔ lɛ shishi, yɛ be mli ni ekɛ wolo bibioo ni akɛfɔ̃ɔ mɔ nine kɛbaa Kaimɔ lɛ shishi tsuɔ nii lɛ. Okɛ July 1, 1988, Watchtower lɛ, baafa 11 kukuji 16-17 lɛ mli saji afata he. Wo hewalɛ ni mɛi fɛɛ ni baanyɛ lɛ kɛ amɛhe awo gbɛgbalɔi awalɔ nitsumɔ lɛ mli yɛ April kɛ May mli.
15 min: “Wekui ni Ayeɔ Abuaa Amɛ Koni Amɛná Wɔsɛɛ Shihilɛ ni Sɛɛ Tsɛɔ ni Yɔɔ Shweshweeshwe.” (Kukuji 6-8) Okɛ ŋaawoi komɛi ni tsɔɔ bɔ ni akɛ Weku Miishɛɛ wolo lɛ baaha beni ayeɔ odase trukaa yɛ nitsumɔ hé, yɛ skul, yɛ shwɛmɔ hé, loo yɛ tsɔnei ni maŋbii taraa mli lɛ amli, kɛ beni ayasaraa wekumɛi hu lɛ aha. Ha shiɛlɔ ni he esa afee shiɛmɔ wiemɔi ni akɛha yɛ kukuji 6 kɛ 7 lɛ he nɔkwɛmɔ nii. Esa akɛ sanegbaa ni baaya nɔ yɛ sɛɛsaramɔ lɛ mli lɛ aye abua mɔ lɛ koni ehiɛ asɔ bɔ ni Biblia lɛ kasemɔ baanyɛ awo wekukpaa ni yɔɔ weku lɛ mli lɛ mli hewalɛ aha. Esa akɛ akɛ Mɛni Nyɔŋmɔ Taoɔ yɛ Wɔdɛŋ? wolo bibioo lɛ afee nikasemɔi kɛ oti ni ma hiɛ ákɛ abaatsake nikasemɔ lɛ kɛya Nilee wolo lɛ mli, loo ní akɛ Nilee wolo lɛ diɛŋtsɛ aje nikasemɔ lɛ shishi.
Lala 72 kɛ naagbee sɔlemɔ.
Otsi ni Jeɔ Shishi March 17
15 min: Asafoŋ adafitswai. Atĩ “Kaimɔ lɛ He Kaimɔi” lɛ mli ni atsɔɔ gbɛjianɔ ni nyɛ asafo lɛ eto kɛha Kaimɔ lɛ. Esa akɛ mɔ fɛɛ mɔ ato gbɛjianɔ jogbaŋŋ ni eye ebua Biblia kaselɔi kɛ mɛi ni yɔɔ wiemɔ lɛ he miishɛɛ lɛ ni amɛnyɛ amɛba.
15 min: Asafoŋ hiamɔ nii. Aloo wiemɔ ni onukpa ko baaha ni ji, “Ani Ehe Miihia Diɛŋtsɛ ni Okpa Fai?” ni jɛ September 15, 1996, Buu-Mɔɔ ni je kpo lɛ baafai 22-24 lɛ mli lɛ.
15 min: Okɛ 1997 Yearbook of Jehovah’s Witnesses lɛ atsu nii jogbaŋŋ kɛmɔ shi. Tsɛ lɛ kɛ eweku lɛ gba saji otii komɛi ni je kpo yɛ baafai 3-9 lɛ he sane. Etsɔɔ nɔ hewɔ ni wɔyɔɔ miishɛɛ akɛ wɔɔna bɔ ni teokrase shweremɔ baa ehaa yɛ je lɛŋ he fɛɛ he lɛ. Tsɛ lɛ tsɔɔ bɔ ni yɛ afi ni baa lɛ mli lɛ, amɛbaanyɛ amɛŋɔ minitii fioo ko gbi fɛɛ gbi yɛ niyeli bei amli ni amɛkɛkane Yearbook lɛ baafai lɛ fiofio kɛ Ŋmalɛi lɛ Amli ni Wɔɔkwɛ Daa lɛ hu hesusumɔ.
Lala 75 kɛ naagbee sɔlemɔ.
Otsi ni Jeɔ Shishi March 24
9 min: Asafoŋ adafitswai. Tsɔɔmɔ mli akɛ, ekpeko sɛɛ tsɔ ákɛ akɛ gbɛbimɔ wolo baaha kɛha gbɛgbalɔi awalɔ feemɔ yɛ April mli. Tsɔɔmɔ gbɛjianɔ krokomɛi ni nyɛ asafo lɛ eto kɛha kpeei kɛha shiɛmɔyaa yɛ nyɔŋ lɛ mli.
24 min: “Ná Ekãa ni Okɛfee Sɛɛsaramɔi.” (Kukuji 1-20) Sanebimɔi kɛ hetooi. Feemɔ kuku 16 lɛ he nɔkwɛmɔ nɔ fioo ko.
12 min: Shiɛlɔ Hee ní Oooye Obua Lɛ ni Eje Shishi. Tĩi nɔ ni aŋma ahɔ July 1996 Wɔ Maŋtsɛyeli Sɔɔmɔ lɛ mli lɛ kuku 19 lɛ mli. Ha afee bɔ ni shiɛlɔ ko ni he esa yeɔ ebuaa Biblia kaselɔ ko ni kpaako kwraa onukpai lɛ ekpɛlɛ enɔ akɛ shiɛlɔ ni abaptisiko lɛ lɛ he nɔkwɛmɔ nɔ. Amɛfee ekome kɛtĩ Our Ministry wolo lɛ baafa 111 lɛ kuku 2 lɛ mli. Shiɛlɔ ni he esa lɛ tsɔɔ nɔ ni ekolɛ akɛbaakpe beni anáa shia-kɛ-shia odaseyeli nitsumɔ lɛ mli gbɛfaŋnɔ lɛ, ni ákɛ esaaa akɛ nijiaŋ jeɔ wui kɛ gbɔmɛi babaoo booo toi. Shiɛlɔ lɛ agba niiashikpamɔ ko ni woɔ mɔ hewalɛ ni tsɔɔ miishɛɛ ni wɔnaa kɛ wɔná anɔkwafo ni baabo toi lɛ. Amɛfee ekome kɛsaa amɛhe kɛha woji tɛtrɛbii lɛ kɛhamɔ he wiemɔ kuku, ni no sɛɛ lɛ amɛfee kɛtsɔɔ amɛhe. Akɛ yijiemɔ ni woɔ mɔ hewalɛ aha ní ato gbɛjianɔ kpakpai ni afee ekome kɛná shiɛmɔ nitsumɔ lɛ mli gbɛfaŋnɔ otsi nɛɛ.
Lala 89 kɛ naagbee sɔlemɔ.
Otsi ni Jeɔ Shishi March 31
15 min: Asafoŋ adafitswai. Fɔ̃ɔ mɛi fɛɛ ni yɔɔ wiemɔ lɛ he miishɛɛ lɛ anine ni amɛbabo maŋshiɛmɔ krɛdɛɛ ni abaaha yɛ April 6 lɛ toi. Kaimɔ mɛi fɛɛ ni amɛkɛ amɛ shiɛmɔyaa he akɔntaabui kɛha March lɛ aha. Tsɛ mɛi fɛɛ ni miifee gbɛgbalɔi awalɔi yɛ April mli lɛ agbɛi otsɔɔ. Tĩi Sanebimɔ He lɛ mli.
20 min: “Ná Ekãa ni Okɛfee Sɛɛsaramɔi.” (Kukuji 21-35) Sanebimɔi kɛ hetooi. Tĩi akrabatsa ni yɔɔ baafa 3 lɛ mli. Wo mɛi fɛɛ hewalɛ ni amɛbu sɛɛsaramɔ fɛɛ sɛɛsaramɔ ni amɛfee yɛ nyɔŋ lɛ mli lɛ he akɔntaa beni amɛkɛ amɛ shiɛmɔyaa he akɔntaabuu haa lɛ.
10 min: Tĩi Wolo ni Akɛbaatsu Nii yɛ April Mli lɛ Mli. Aha ashɛ Buu-Mɔɔ kɛ Awake! lɛ. Tsɔɔmɔ ŋaawoi ni akɛha ni tsɔɔ bɔ ni afeɔ woji tɛtrɛbii kɛhamɔ he shiɛmɔ wiemɔi taakɛ ejeɔ kpo yɛ October 1996 Wɔ Maŋtsɛyeli Sɔɔmɔ lɛ baafa 8 lɛ kukuji 3, 4, kɛ 8 lɛ mli kuku. Ha shiɛlɔi enyɔ afee shiɛmɔ wiemɔ kome loo enyɔ he nɔkwɛmɔ nii kuku. Esa akɛ shiɛlɔi aŋmala mɛi ni heɔ woji tɛtrɛbii lɛ agbɛi ashwie shi ni amɛkɛfata mɛi ni amɛyahaa amɛ woji tɛtrɛbii daa lɛ agbɛi ahe.
Lala 92 kɛ naagbee sɔlemɔ.