Adafitswai

◼ Woji ni akɛbaatsu nii yɛ March: Nɔ Diɛŋtsɛ ni Kɛ Weku Miishɛɛ Baa. April kɛ May: Buu-Mɔɔ kɛ Awake! lɛ shɛɛ. June: Nilee Ni Kɛ Mɔ Yaa Naanɔ Wala Mli. Gbalamɔ jwɛŋmɔ kɛya shia Biblia mli nikasemɔi ni aaaje shishi nɔ.

◼ Onukpai asɛinɔtalɔ loo mɔ ko ni ehala lɛ lɛ akwɛ asafo lɛ shika mli yɛ March 1 loo no sɛɛ nɔŋŋ. Tswaa asafo lɛ adafi kɛ́ áfee enɛ.

◼ Abaaha afi nɛɛ Kaimɔ be lɛ he maŋshiɛmɔ krɛdɛɛ lɛ yɛ asafoi babaoo mli yɛ Hɔgbaa, April 6. Wiemɔ lɛ yitso ji “Tsi Ohe Kɛjɛ Je Lɛŋ Nibii ni Buleɔ Mɔ lɛ Ahe.” Esa akɛ wɔ fɛɛ wɔya eko, ni wɔye wɔbua mɛi ni yɔɔ wiemɔ lɛ he miishɛɛ ni ba Kaimɔ lɛ koni amɛbabo wiemɔ lɛ toi. Eka shi faŋŋ akɛ, nɔ ni wɔbaanu lɛ baawo fai shi ni wɔtswa akɛ wɔɔsa Nyɔŋmɔ hiɛ lɛ mli hewalɛ ekoŋŋ.

◼ Bɔni afee ni ona asafo woloŋ nikasemɔi ni akɛ Gbɔmɔ ni Fe Fɛɛ wolo lɛ feɔ lɛ ahe sɛɛ jogbaŋŋ kɛmɔ shi lɛ, ofainɛ, susumɔ gbɛtsɔɔmɔi ni nɔ bɛ ni jeɔ kpo yɛ October 1992 Wɔ Maŋtsɛyeli Sɔɔmɔ lɛ baafã 1 lɛ mli lɛ he. Sane lɛ tsɔɔ bɔ ni esa akɛ asaa he kɛha nikasemɔ fɛɛ nikasemɔ, kɛ gbɛtsɔɔmɔ ni Asafo Woloŋ Nikasemɔ lɛ baanyiɛ sɛɛ. Nikasemɔ nɔkwɛlɔi kɛ mɛi fɛɛ ni baa lɛ baana sane nɛɛ ni amɛbaatĩ mli lɛ he sɛɛ.

◼ Je lɛŋ hejɔɔmɔ gbii komɛi yɛ ni baa yɛ akutso fɛɛ akutso mli yɛ bei sɔrɔtoi amli yɛ afi lɛ mli ni haaa gbekɛbii aya skul, ni haaa aya nitsumɔ. Enɛɛmɛi kɛ hegbɛi ni sa jogbaŋŋ haa asafo lɛ koni akɛ bei babaoo ana shiɛmɔ nitsumɔ lɛ mli gbɛfaŋnɔ. Esa akɛ onukpai lɛ atsɔ hiɛ ale beni be nɛɛ baaba, ni amɛha asafo lɛ ale gbɛjianɔ sɔrɔtoi ni atoɔ kɛhaa kutuu odaseyeli yɛ hejɔɔmɔ gbii nɛɛ amli lɛ kɛtsɔ hiɛ.