Teokrase Sɔɔmɔ Skul He Gbɛjianɔtoo Kɛha 1999
Gbɛtsɔɔmɔi
Yɛ afi 1999 mli lɛ, nɔ ni nyiɛ sɛɛ nɛɛ baafee gbɛjianɔi ni ato kɛ́ aakwɛ Teokrase Sɔɔmɔ Skul lɛ nɔ.
WOJI NI AKƐBAATSU NII: Ga Biblia lɛ, Buu-Mɔɔ [w-GA], Awake! [g], “All Scripture Is Inspired of God and Beneficial” (Afi 1990 Nɔ̃) [si], Nɔ Diɛŋtsɛ Ni Kɛ Weku Miishɛɛ Baa [fy-GA], kɛ Insight on the Scriptures Kpo 2 [it-2] lɛ baafee nɔ ni abaadamɔ nɔ koni akɛtsu nifeemɔi ahe nii.
Esa akɛ aje skul lɛ shishi YƐ BE NAA kɛ lala, sɔlemɔ, kɛ hiɛkpamɔ wiemɔi ni akɛ hereɔ mɛi atuu, koni agbɛnɛ anyiɛ nɔ ni nyiɛ sɛɛ nɛɛ sɛɛ:
NIFEEMƆ NI JI 1: Minitii 15. Esa akɛ onukpa ko loo asafoŋ sɔɔlɔ ko atsu enɛ he nii, ni ebaadamɔ Buu-Mɔɔ, Awake!, loo “All Scripture Is Inspired of God and Beneficial” lɛ nɔ. Kɛ́ edamɔ Buu-Mɔɔ loo Awake! lɛ nɔ lɛ, esa akɛ akɛ minitii 15 aha akɛ tsɔsemɔ wiemɔ ni sanebimɔi kɛ hetooi fataaa he; kɛ́ edamɔ “All Scripture” wolo lɛ nɔ lɛ, esa akɛ akɛ minitii 10 kɛyashi 12 aha akɛ tsɔsemɔ wiemɔ ni akɛ minitii 3 kɛyashi 5 atsu sanebimɔi kɛ hetooi ahe nii, koni akɛ sanebimɔi ni akala yɛ wolo lɛ mli lɛ atsu nii. Oti ni ma hiɛ lɛ akafee akɛ agbe wolo lɛ mli nifeemɔ lɛ naa kɛkɛ, shi moŋ efee akɛ, aagbala jwɛŋmɔ kɛya sɛɛnamɔ ni yɔɔ saji ni asusuɔ he lɛ nɔ, ni ama nibii ni he baaba sɛɛnamɔ kɛha asafo lɛ nɔ mi. Esa akɛ akɛ saneyitso ni akɛha lɛ atsu nii.
Esa akɛ nyɛmimɛi hii ni akɛ nifeemɔ nɛɛ eha amɛ lɛ akwɛ jogbaŋŋ koni amɛye be ni akɛha lɛ nɔ. Kɛ́ akɛ ŋaawoo ha amɛ yɛ teemɔŋ lɛ, esa akɛ akɛ kadimɔnii ni sa awo amɛwiemɔ he ŋaawoo wolo lɛ nɔ.
BIBLIA KANEMƆ MLI OTII ANƆMIMAA: Minitii 6. Esa akɛ onukpa ko loo asafoŋ sɔɔlɔ ko atsu enɛ he nii, mɔ ni kɛ wiemɔ lɛ baatsu nii koni emɔ shi bɔ ni baasa asafoŋ bii lɛ ahiamɔ nii ahe. Esaaa akɛ enɛ feɔ nikanemɔ naamuamɔ ko kɛkɛ. Abaanyɛ akɛ hiŋmɛitswai 30 kɛyashi 60 ni akɛbaawie yitsei fɛɛ ni akɛha lɛ he kuku lɛ afata he. Ni kɛlɛ, oti titri lɛ ji, koni aye abua toibolɔi lɛ ni amɛná hiɛsɔɔ amɛha nɔ hewɔ kɛ gbɛ nɔ ni sane lɛ he yɔɔ sɛɛnamɔ kɛha wɔ. No sɛɛ lɛ, skul nɔkwɛlɔ lɛ baaja skulbii lɛ awo skultsũi srɔtoi lɛ amli.
NIFEEMƆ NI JI 2: Minitii 5. Enɛ ji Biblia kanemɔ yɛ sane ni akɛha lɛ mli ni nyɛmi nuu kɛbaaha. Abaafee nakai nɔŋŋ yɛ klɛŋklɛŋ skultsũ lɛ kɛ ekrokomɛi ni fata he lɛ amli. Bei pii lɛ, nikanemɔ nifeemɔi lɛ yɛ kuku bɔ ni sa akɛ ehaa skulnyo lɛ hegbɛ koni ekɛ saji amli tsɔɔmɔ kuku aha yɛ hiɛkpamɔ kɛ naagbee wiemɔi lɛ amli. Abaanyɛ akɛ yinɔsane mli saji, gbalɛi loo tsɔɔmɔi ni ekaaa, kɛ shishitoo mlai kɛ nitsumɔ afata he. Esa akɛ akane kukuji ni akɛha lɛ fɛɛ ni akafolɔ mli. Yɛ anɔkwale mli lɛ, yɛ hei ni kukuji lɛ tsaraaa nɔ lɛ, skulnyo lɛ baanyɛ atsɛ kuku ni nikanemɔ lɛ baatsa nɔ yɛ lɛ yisɛɛ.
NIFEEMƆ NI JI 3: Minitii 5. Akɛ nifeemɔ nɛɛ baaha nyɛmi yoo. Nifeemɔ nɛɛ saneyitso baadamɔ Nɔ Diɛŋtsɛ ni Kɛ Weku Miishɛɛ Baa loo Insight on the Scriptures, Kpo 2 wolo lɛ nɔ. (Kwɛmɔ Nifeemɔ Ni Ji 4 lɛ mli kɛha saji ni kɔɔ bɔ ni abaafee ni atsu nifeemɔ ni baadamɔ Biblia mli gbɔmɔ ko nɔ lɛ he nii aha.) Shihilɛ lɛ baanyɛ afee trukaa odaseyeli ko, sɛɛsaramɔ ko, shia Biblia mli nikasemɔ, loo shiɛmɔ nitsumɔ lɛ mli nifeemɔ ko. Yɛ shihilɛi komɛi amli lɛ, ekolɛ abaanyɛ akɛ fɔlɔ ko ni kɛ ebi fioo ko miigba sane lɛ afata he. Nifeelɔi lɛ baanyɛ ni amɛdamɔ shi loo ni amɛtara shi. Nɔ titri ni skul nɔkwɛlɔ lɛ baasumɔ ni ekwɛ ji bɔ ni skulnyo lɛ baaye ebua shiatsɛ lɛ loo gbekɛ lɛ koni esusu sane lɛ he, ni enu shishi kɛ bɔ ni akɛ ŋmalɛi tsuɔ nii ahaa lɛ. Esa akɛ skulnyo ní baatsu nifeemɔ fã nɛɛ he nii lɛ ale nikanemɔ. Skul nɔkwɛlɔ lɛ baato shianyɛ kome he gbɛjianɔ, shi abaanyɛ akɛ shianyɛ kroko afata he. Skulnyo lɛ ji mɔ ni baakpɛ eyiŋ kɛji akɛ ebaaha shianyɛ lɛ akane kukuji lɛ fãi komɛi yɛ be mli ní amɛsusuɔ Weku Miishɛɛ wolo lɛ he lɛ. Jeee bɔ ni abaafee nii lɛ aha, shi moŋ esa akɛ bɔ ni nifeemɔ lɛ baamɔ shi aha lɛ afee oti titri ni abaasusu he.
NIFEEMƆ NI JI 4: Minitii 5. Kɛ́ nifeemɔ nɛɛ mli nibii lɛ damɔ saji ni kɔɔ Biblia mli gbɔmɔ ko he lɛ nɔ lɛ, akɛbaaha nyɛmi nuu loo yoo ko. Kɛ́ edamɔ Weku Miishɛɛ wolo lɛ nɔ lɛ, akɛbaaha nyɛmi nuu. Kɛha nifeemɔ fɛɛ nifeemɔ lɛ, akɛ saneyitso eha yɛ ehe gbɛjianɔtoo lɛ mli. Kɛ́ nifeemɔ nɛɛ damɔ Biblia mli gbɔmɔ ko nɔ lɛ, abaanyɛ ana ehe saji lɛ yɛ Insight on the Scriptures, Kpo 2 lɛ mli yɛ egbɛi ni akɛha lɛ shishi. Esa akɛ skulnyo lɛ akase Ŋmalɛi ni atsɛ yisɛɛ yɛ sane lɛ mli lɛ bɔni afee ni ená shishinumɔ ni ja yɛ Biblia mli gbɔmɔ lɛ he—saji ni kɔɔ eshihilɛ he, kɛ agbɛnɛ esubaŋ, sui ni mɔ lɛ ná kɛjɛ fɔmɔ mli, kɛ enifeemɔi lɛ he. No sɛɛ lɛ, esa akɛ skulnyo lɛ kɛ nifeemɔ lɛ saneyitso ni akɛha lɛ afee wiemɔ koni eha, ni ehala ŋmalɛi ni sa koni ekɛtsu nii. Abaanyɛ akɛ ŋmalɛi krokomɛi ni maa Biblia shishitoo mlai anɔ mi ni ekɛ saneyitso nɛɛ kpãa gbee lɛ afata he. Yiŋtoo ni yɔɔ Biblia mli gbɔmɔ ní asusuɔ ehe lɛ ji, koni atsɔɔ nɔ ni abaanyɛ akase kɛjɛ enɔkwɛmɔnɔ lɛ mli. Anɔkwayeli nifeemɔi, ekãa, heshibaa, kɛ pɛsɛmkunya ní afeee lɛ ji nɔkwɛmɔnii kpakpai ni sa akɛ akɛtsu nii; anɔkwa ni ayeee, kɛ nifeemɔi ni asumɔɔɔ, yɛ akɛ kɔkɔbɔɔ nɔ̃ kpele koni eha Kristofoi atsi amɛhe kɛjɛ gbɛ ni esaaa lɛ he. Kɛ́ akɛha nyɛmi nuu ko lɛ, esa akɛ ekɛ wiemɔ lɛ aha yɛ be mli ni ehaa toibolɔi ni yɔɔ Maŋtsɛyeli Asa lɛ nɔ lɛ hiɔ ejwɛŋmɔ mli lɛ. Kɛ́ akɛ nifeemɔ fã nɛɛ ha nyɛmi yoo ko lɛ, esa akɛ etsu he nii taakɛ atsɔɔ mli yɛ Nifeemɔ Ni Ji 3 lɛ mli lɛ.
*BIBLIA KANEMƆ HE GBƐJIANƆTOO NI AKƐFATA HE: Akɛ enɛ ewo akrabatsai amli ni etsa lala kɛha otsi fɛɛ otsi lɛ nɔ. Kɛ anyiɛ ehe gbɛjianɔtoo lɛ sɛɛ, ni akane aaafee baafa nyɔŋma daa otsi lɛ, abaanyɛ akane Biblia muu lɛ fɛɛ yɛ afii etɛ mli. Skul nifeemɔ lɛ fã ko loo niŋmaa kaa lɛ fã ko damɔɔɔ nikanemɔ he gbɛjianɔtoo ni akɛfata he lɛ nɔ.
KADIMƆ: Kɛha adafitswai kɛ gbɛtsɔɔmɔi krokomɛi ni kɔɔ ŋaawoo, be, niŋmaa kaai, kɛ hesaamɔ kɛha nifeemɔi lɛ ahe lɛ, ofainɛ kwɛmɔ October 1996 Wɔ Maŋtsɛyeli Sɔɔmɔ lɛ baafa 3 lɛ mli.
NIFEEMƆ HE GBƐJIANƆTOO
Jan. 4 Biblia kanemɔ: Kpojiemɔ 16-18
Lala No. 23 [*2 Maŋtsɛmɛi 16-19]
No. 1: Gbɛ nɔ Ni Nyɔŋmɔ Tsɔ̃ Eha Aŋma Biblia lɛ (w97-GA 6/15 bf. 4-8)
No. 2: Kpojiemɔ 16:1-16
No. 3: Buu Obi lɛ He Kɛjɛ Nii ni Baanyɛ Aye lɛ Awui He (fy-GA bf. 61-63 kk. 24-28)
No. 4: Mateo—Saneyitso: Nyɔŋmɔ Jeee Mɛi Ahiɛaŋkwɛlɔ
Jan. 11 Biblia kanemɔ: Kpojiemɔ 19-22
Lala No. 126 [*2 Maŋtsɛmɛi 20-25]
No. 1: Kpojiemɔ—Nɔ Hewɔ ni Ehe Yɔɔ Sɛɛnamɔ (si bf. 268-269 kk. 28-34)
No. 2: Kpojiemɔ 22:1-15
No. 3: Fɔlɔi—Nyɛhaa Sanegbaa Hegbɛi Ahiaa Shi (fy-GA bf. 64-66 kk. 1-7)
No. 4: Matia—Saneyitso: Nyɔŋmɔ Biɔ Ní Nɔkwɛlɔi Afee Mumɔŋ Gbɔmɛi
Jan. 18 Biblia kanemɔ: 1 Mose 1-3
Lala No. 84 [*1 Kronika 1-6]
No. 1: Mose Klɛŋklɛŋ Wolo lɛ Hiɛkpamɔ (si bf. 13-14 kk. 1-8)
No. 2: 1 Mose 1:1-13
No. 3: Tsɔɔmɔ Obii lɛ Jeŋba Kpakpai kɛ Mumɔŋ Nibii ni Jara Wa (fy-GA bf. 67-70 kk. 8-14)
No. 4: Melkizedek—Saneyitso: Yesu Kristo, Osɔfonukpa yɛ Melkizedek Gbɛjianɔ lɛ Naa
Jan. 25 Biblia kanemɔ: 1 Mose 4-6
Lala No. 66 [*1 Kronika 7-13]
No. 1: Kwɛmɔ Jogbaŋŋ ni Okaná Nifeemɔi Ahe Jwɛŋmɔ Fɔŋ (w97-GA 5/15 bf. 26-29)
No. 2: 1 Mose 4:1-16
No. 3: Nɔ Hewɔ ni Tsɔsemɔ kɛ Bulɛ He Hiaa (fy-GA bf. 71-72 kk. 15-18)
No. 4: Mefiboshet (No. 2)—Saneyitso: Suɔmɔ Mlihilɛ—Nyɔŋmɔ Anɔkwa Tsuji Akadimɔ Nii
Feb. 1 Biblia kanemɔ: 1 Mose 7-9
Lala No. 108 [*1 Kronika 14-21]
No. 1: Biblia Mli Sane ni Kɔɔ Nu Afua lɛ He lɛ Ji Anɔkwale (g97 2/8 bf. 26-27)
No. 2: 1 Mose 7:1-16
No. 3: Tsɔɔmɔ Gbekɛbii lɛ Bɔ ni Nyɔŋmɔ Buɔ Nitsumɔ kɛ Shwɛmɔ Ehaa (fy-GA bf. 72-75 kk. 19-25)
No. 4: Meshak—Saneyitso: Emuuyeli Mlihiɛmɔ yɛ Oblahiiaŋ kɛ Oblayeiaŋ Kɛ Nyɔmɔwoi Baa
Feb. 8 Biblia kanemɔ: 1 Mose 10-12
Lala No. 132 [*1 Kronika 22-29]
No. 1: Anɔkwa Saji ni Kɔɔ Amale He (g97 2/22 bf. 17-19)
No. 2: 1 Mose 12:1-20
No. 3: Gbekɛbii Ní Tseɔ Atua kɛ Nibii ni Kɛbaa (fy-GA bf. 76-79 kk. 1-8)
No. 4: Mika (No. 7)—Saneyitso: Bɔ ni Nɔkwɛmɔnii Náa Mɔ Nɔ Hewalɛ Ehaa
Feb. 15 Biblia kanemɔ: 1 Mose 13-15
Lala No. 49 [*2 Kronika 1-8]
No. 1: Adesa Gbɔjɔmɔ Hãa Yehowa Hewalɛ Daa Agbo (w97-GA 6/1 bf. 24-27)
No. 2: 1 Mose 14:8-20
No. 3: Mikaia (No. 2)—Saneyitso: Shiɛmɔ Kɛ Ekãa
No. 4: Kaafee Mɔ ni Ŋmɛɔ Nɔ Fɛɛ Nɔ Feemɔ Gbɛ loo Mɔ ni Yɔɔ Keketee (fy-GA bf. 80-81 kk. 10-13)
Feb. 22 Biblia kanemɔ: 1 Mose 16-19
Lala No. 188 [*2 Kronika 9-17]
No. 1: Nɔ ni Osɔlemɔi Jieɔ lɛ Kpo (w97-GA 7/1 bf. 27-30)
No. 2: 1 Mose 18:1-15
No. 3: Ní Aaatsu Gbekɛ Daa Gbi Hiamɔ Nii Ahe Nii lɛ Baanyɛ Atsĩ Atuatsemɔ Naa (fy-GA bf. 82-85 kk. 14-18)
No. 4: Miriam (No. 1)—Saneyitso: Kwɛmɔ Jogbaŋŋ yɛ Huhuuhu Wiemɔ He
Mar. 1 Biblia kanemɔ: 1 Mose 20-23
Lala No. 54 [*2 Kronika 18-24]
No. 1: Bɔ ni Ooofee Otsɔse Ohenilee (w97-GA 8/1 bf. 4-6)
No. 2: 1 Mose 23:1-13
No. 3: Modekai (No. 2)—Saneyitso: Anɔkwayeli, Su ni Nyɔmɔwoo Yɔɔ Mli
No. 4: Gbɛ̀i Anɔ ni Aaatsɔ Aye Abua Gbekɛ ni Tɔ̃ɔ (fy-GA bf. 85-87 kk. 19-23)
Mar. 8 Biblia kanemɔ: 1 Mose 24-25
Lala No. 121 [*2 Kronika 25-31]
No. 1: Mɛni Mli Anɔkwale lɛ Haa Wɔyeɔ Wɔhe Kɛjɛɔ? (w97-GA 2/1 bf. 4-7)
No. 2: 1 Mose 24:1-4, 10-21
No. 3: Mose—Saneyitso: Ná Hiɛsɔɔ Oha Yehowa Tsɔsemɔ
No. 4: Mɔ ni Etswa Efai Shi Akɛ Eji Atuatselɔ lɛ He Nitsumɔ (fy-GA bf. 87-89 kk. 24-27)
Mar. 15 Biblia kanemɔ: 1 Mose 26-28
Lala No. 197 [*2 Kronika 32-36]
No. 1: Lala Gbɛhe yɛ Ŋmɛnɛŋmɛnɛ Beaŋ Jamɔ Mli (w97-GA 2/1 bf. 24-28)
No. 2: 1 Mose 26:1-14
No. 3: Buu Oweku lɛ He Kɛjɛ Hewalɛi ni Kpataa Mɔ Hiɛ lɛ Ahe (fy-GA bf. 90-92 kk. 1-7)
No. 4: Naeman (No. 2)—Saneyitso: Heshibaa Kɛ Jɔɔmɔi Babaoo Baa
Mar. 22 Biblia kanemɔ: 1 Mose 29-31
Lala No. 4 [*Ezra 1-7]
No. 1: Shikpɔŋ lɛ Baŋ Naagbee yɛ La Mli (g97 1/8 bf. 26-27)
No. 2: 1 Mose 31:1-18
No. 3: Nabal—Saneyitso: Okɛ Efɔŋ Akato Ekpakpa Najiaŋ
No. 4: Bɔ ni Nyɔŋmɔ Susuɔ Bɔlɛnamɔ He Ehaa (fy-GA bf. 92-95 kk. 8-13)
Mar. 29 Biblia kanemɔ: 1 Mose 32-35
Lala No. 143 [*Ezra 8–Nehemia 4]
No. 1: Naakpɛɛ Tsamɔ ni Jɛ Nyɔŋmɔ Ŋɔɔ—Mɛɛ Be? (w97-GA 7/1 bf. 4-7)
No. 2: 1 Mose 35:1-15
No. 3: Ye Obua Obii lɛ Koni Amɛhala Nanemɛi Kpakpai (fy-GA bf. 95-97 kk. 14-18)
No. 4: Nadab (No. 1)—Saneyitso: Hegbɛi ni Akɛtsuɔ Nii yɛ Gbɛ ni Ejaaa Nɔ Kɛ Yehowa Mlifu Baa
Apr. 5 Biblia kanemɔ: 1 Mose 36-38
Lala No. 106 [*Nehemia 5-11]
No. 1: Yiwalaheremɔ—Nɔ ni Etsɔ̃ɔ Diɛŋtsɛ (w97-GA 8/15 bf. 4-7)
No. 2: 1 Mose 38:6-19, 24-26
No. 3: Natan (No. 2)—Saneyitso: Okɛ Jajemɔ Aha Mɔ ni Ehe Ehia lɛ Lɛ
No. 4: Weku Hiɛtserɛjiemɔ Kpakpai Ní Aaahala (fy-GA bf. 98-102 kk. 19-27)
Apr. 12 Biblia kanemɔ: 1 Mose 39-41
Lala No. 34 [*Nehemia 12–Ester 5]
No. 1: Mɛni Hewɔ Esa akɛ Abɔ Nɔ ni Ehiii He Amaniɛ? (w97-GA 8/15 bf. 26-29)
No. 2: 1 Mose 40:1-15
No. 3: Ŋmalɛ Naa Sɛɛyoomɔ Kɛha Fɔlɔ-Kome Wekui (fy-GA bf. 103-105 kk. 1-8)
No. 4: Natanael—Saneyitso: Tsi Ohe Kɛjɛ Mɔ Lakamɔ He
Apr. 19 Biblia kanemɔ: 1 Mose 42-44
Lala No. 124 [*Ester 6–Hiob 5]
No. 1: Nɔ Hewɔ Ni Esa akɛ Akudɔ Mlifu (g97 6/8 bf. 18-19)
No. 2: 1 Mose 42:1-17
No. 3: Shihilɛ Mli Hiamɔ Nii Namɔ lɛ He Kaa akɛ Fɔlɔ-Kome (fy-GA bf. 105-107 kk. 9-12)
No. 4: Nebukadnezar—Saneyitso: Yehowa Baa Mɛi ni Woɔ Amɛhe Nɔ lɛ Ashi
Apr. 26 Niŋmaa Kaa. Agbe Kpojiemɔ 16–1 Moses 44 lɛ Naa
Lala No. 18 [*Hiob 6-14]
May 3 Biblia kanemɔ: 1 Mose 45-47
Lala No. 90 [*Hiob 15-23]
No. 1: Ani Nikpamɔ Gbii Juji Saa Nyɔŋmɔ Hiɛ? (w97-GA 9/15 bf. 8-9)
No. 2: 1 Mose 45:16–46:4
No. 3: Tsɔsemɔ Mlihiɛmɔ yɛ Fɔlɔ-Kome Shia Mli (fy-GA bf. 107-110 kk. 13-17)
No. 4: Nebuzaradan—Saneyitso: Yehowa Wiemɔ lɛ Efeee Efolo
May 10 Biblia kanemɔ: 1 Mose 48-50
Lala No. 76 [*Hiob 24-33]
No. 1: Mose Klɛŋklɛŋ Wolo—Nɔ Hewɔ ni Ehe Yɔɔ Sɛɛnamɔ (si bf. 17-19 kk. 30-35)
No. 2: 1 Mose 49:13-28
No. 3: Shoofeemɔ He Ta lɛ Nɔ Kunim ni Aaaye (fy-GA bf. 110-113 kk. 18-22)
No. 4: Nehemia (No. 3)—Saneyitso: Feemɔ Nɔkwɛmɔnɔ Kpakpa Oha Asafoku Lɛ
May 17 Biblia kanemɔ: 2 Mose 1-4
Lala No. 2 [*Hiob 34-42]
No. 1: Mose Wolo Ni Ji Enyɔ lɛ Hiɛkpamɔ (si bf. 19-20 kk. 1-8)
No. 2: 2 Mose 4:1-17
No. 3: Nikodemo—Saneyitso: Gbɔmɛi Ahe Gbeyeishemɔ Tsɔɔ Mɔ Tsɔne
No. 4: Gbɛ ni Aaatsɔ Nɔ Aye Abua Fɔlɔ-Kome Wekui (fy-GA bf. 113-115 kk. 23-27)
May 24 Biblia kanemɔ: 2 Mose 5-8
Lala No. 42 [*Lala 1-17]
No. 1: Ohiafoi Kɛ̃lɛ Niiatsɛmɛi—Te Eeefee Tɛŋŋ Eba lɛ Nakai Hu? (w97-GA 9/15 bf. 3-7)
No. 2: 2 Mose 7:1-13
No. 3: Noa (No. 1)—Saneyitso: Toiboo He Miihia Kɛha Wala
No. 4: Sɛɛnamɔi ni Yɔɔ Hela ni Aaakpee Naa Kɛ Nyɔŋmɔ Gbeyeishemɔ Su (fy-GA bf. 116-119 kk. 1-9)
May 31 Biblia kanemɔ: 2 Mose 9-12
Lala No. 24 [*Lala 18-28]
No. 1: Nɔ ni Je lɛ Fã ni Ajeee lɛ Tsɔɔ (g97 9/8 bf. 12-13)
No. 2: 2 Mose 12:21-36
No. 3: Sɛɛnamɔ ni Yɔɔ Mumɔ ni Tsaa Mɔ lɛ He (fy-GA bf. 120-121 kk. 10-13)
No. 4: Obadia (No. 4)—Saneyitso: Ná Ekãa ni Ojie Suɔmɔ Kpo Otsɔɔ Nyɔŋmɔ Tsuji
June 7 Biblia kanemɔ: 2 Mose 13-16
Lala No. 58 [*Lala 29-38]
No. 1: Bɔ ni Ooofee Oná Hiɛnɔkamɔ yɛ Nijiaŋwujee Mli (w97-GA 5/15 bf. 22-25)
No. 2: 2 Mose 15:1-13
No. 3: Too Nibii ni He Hiaa Titri lɛ Ahe Gbɛjianɔ ni Oye Obua Gbekɛbii lɛ ni Amɛkpee Hela Naa yɛ Weku lɛ Mli (fy-GA bf. 122-123 kk. 14-18)
No. 4: Onesimo—Saneyitso: Hiɛmɔ Henilee Kpakpa Mli
June 14 Biblia kanemɔ: 2 Mose 17-20
Lala No. 115 [*Lala 39-50]
No. 1: Bɔ ni Kristofoi Kɛ Woo Haa Fɔlɔi ni Egbɔlɔ Lɛ (w97-GA 9/1 bf. 4-7)
No. 2: 2 Mose 17:1-13
No. 3: Paulo—Saneyitso: Anɔkwale lɛ He Henyɛlɔi Baanyɛ Atsake
No. 4: Bɔ ni Sa akɛ Akwɛ Tsofafeemɔ Aha (fy-GA bf. 124-127 kk. 19-23)
June 21 Biblia kanemɔ: 2 Mose 21-24
Lala No. 5 [*Lala 51-65]
No. 1: Anɔkwa Jeŋ Nilee kɛ Biblia lɛ Kpãa Gbee (g97 7/8 bf. 26-27)
No. 2: 2 Mose 21:1-15
No. 3: Mɛɛ Gbɛ Nɔ Ŋa ni Heɔ Eyeɔ lɛ Baanyɛ Ahiɛ Toiŋjɔlɛ Mli yɛ Shia ni Mli Egbala Mli? (fy-GA bf. 128-132 kk. 1-9)
No. 4: Petro—Saneyitso: Ná Ekãa kɛ Hewalɛ Kɛha Anɔkwa Jamɔ
June 28 Biblia kanemɔ: 2 Mose 25-28
Lala No. 47 [*Lala 66-74]
No. 1: Lé Yehowa, Nyɔŋmɔ ni Yɔɔ Diɛŋtsɛ Lɛ (w97-GA 10/1 bf. 4-8)
No. 2: 2 Mose 25:17-30
No. 3: Filipo (No. 1)—Saneyitso: Okɛ Ŋaalee kɛ Hiɛshikamɔ Atsu Nii
No. 4: Mɛɛ Gbɛ Nɔ Wu ni Heɔ Eyeɔ lɛ Baanyɛ Ahiɛ Toiŋjɔlɛ Mli yɛ Shia ni Mli Egbala Mli? (fy-GA bf. 132 kk. 10-11)
July 5 Biblia kanemɔ: 2 Mose 29-32
Lala No. 174 [*Lala 75-85]
No. 1: Kaaŋmɛ Gbɛ Ni Je lɛ Mumɔ lɛ Kɛ Ebɔɔ Miigbe Bo (w97-GA 10/1 bf. 25-29)
No. 2: 2 Mose 29:1-14
No. 3: Ŋmalɛ Naa Tsɔsemɔ ni Akɛhaa Gbekɛbii yɛ Shia ni Mli Egbala Mli (fy-GA bf. 133-134 kk. 12-15)
No. 4: Filipo (No. 2)—Saneyitso: Feemɔ Ohe Mumɔŋ Gbɔmɔ
July 12 Biblia kanemɔ: 2 Mose 33-36
Lala No. 214 [*Lala 86-97]
No. 1: Feemɔ Mɔ ni Akɛ He Fɔ̃ɔ Enɔ ni Ohiɛ Emuuyeli Mli (w97-GA 5/1 bf. 4-7)
No. 2: 2 Mose 34:17-28
No. 3: Ní Akɛ Fɔlɔi ni Yɔɔ Jamɔ Kroko Mli Aaahiɛ Wekukpaa ni Toiŋjɔlɛ Yɔɔ Mli lɛ Mli (fy-GA bf. 134-135 kk. 16-19)
No. 4: Pinehas (No. 1)—Saneyitso: Kpɛɛ Oyiŋ yɛ Nɔ ni Ja He
July 19 Biblia kanemɔ: 2 Mose 37-40
Lala No. 38 [*Lala 98-106]
No. 1: Mose Wolo ni Ji Enyɔ—Nɔ Hewɔ ni Ehe Yɔɔ Sɛɛnamɔ (si bf. 24-25 kk. 26-31)
No. 2: 2 Mose 40:1-16
No. 3: Banuma Fɔlɔ ni Oji lɛ He Kaa (fy-GA bf. 136-139 kk. 20-25)
No. 4: Pinehas (No. 2)—Saneyitso: Kaafee Ohe Mɔ ni Bɛ Bulɛ Kɛha Yehowa
July 26 Biblia kanemɔ: 3 Mose 1-4
Lala No. 26 [*Lala 107-118]
No. 1: Mose Wolo ni Ji Etɛ lɛ Hiɛkpamɔ (si bf. 25-26 kk. 1-10)
No. 2: 3 Mose 2:1-13
No. 3: Kaaŋmɛ Gbɛ ni Heloonaa Nibii Asɛɛdii Miigbála Oweku lɛ Mli (fy-GA bf. 140-141 kk. 26-28)
No. 4: Foibe—Saneyitso: Okɛ Ekãa Afã Onyɛmimɛi lɛ Ahe
Aug. 2 Biblia kanemɔ: 3 Mose 5-7
Lala No. 9 [*Lala 119-125]
No. 1: Nɔ ni Kɛ Miishɛɛ Diɛŋtsɛ Baa (w97-GA 10/15 bf. 5-7)
No. 2: 3 Mose 6:1-13
No. 3: Nibii ni Dãanumɔ Fiteɔ (fy-GA bf. 142-143 kk. 1-4)
No. 4: Pilato—Saneyitso: Ní Aaakpɛlɛ Mɛi Babaoo Nifeemɔi Anɔ kɛ Sɔ̃ Tereɔ Mɔ
Aug. 9 Biblia kanemɔ: 3 Mose 8-10
Lala No. 210 [*Lala 126-143]
No. 1: Shishitoo Mla lɛ Yɔsemɔ Tsɔ̃ɔ Mumɔŋ Dalɛ (w97-GA 10/15 bf. 28-30)
No. 2: 3 Mose 10:12-20
No. 3: Yelikɛbuamɔ ní Akɛaaha Weku lɛ Mlinyo ko ni Tɔɔ Dãa (fy-GA bf. 143-147 kk. 5-13)
No. 4: Rabshake—Saneyitso: Esaaa akɛ Aliɔ Nyɔŋmɔ
Aug. 16 Biblia kanemɔ: 3 Mose 11-13
Lala No. 80 [*Lala 144–Abɛi 5]
No. 1: Kwɛmɔ Ohe Nɔ Jogbaŋŋ yɛ “Epikuromɛi” lɛ Ahe (w97-GA 11/1 bf. 23-25)
No. 2: 3 Mose 13:1-17
No. 3: Shia Mli Yiwalɛ Nifeemɔ kɛ Bɔ ni Aaafee ni Atsĩ Naa (fy-GA bf. 147-150 kk. 14-22)
No. 4: Rahel—Saneyitso: Kpɛlɛmɔ Shihilɛ Mli Amanehului Anɔ ni Hetsɛ̃ loo Nijiaŋwujee Bɛ Mli
Aug. 23 Biblia kanemɔ: 3 Mose 14-15
Lala No. 137 [*Abɛi 6-14]
No. 1: Naagbee Gbii lɛ Nɛ Lɛɛlɛŋ (w97-GA 4/1 bf. 4-8)
No. 2: 3 Mose 14:33-47
No. 3: Rahab—Saneyitso: Hemɔkɛyeli ni Nitsumɔi Bɛ He lɛ Ji Hemɔkɛyeli Gbonyo
No. 4: Ani Mligbalamɔ Ji Enaa Tsabaa Lɛ? (fy-GA bf. 150-152 kk. 23-26)
Aug. 30 Niŋmaa Kaa. Agbe 1 Mose 45–3 Moses 15 lɛ Naa
Lala No. 145 [*Abɛi 15-22]
Sept. 6 Biblia kanemɔ: 3 Mose 16-18
Lala No. 222 [*Abɛi 23-31]
No. 1: Beni Amanehulu Bɛ Dɔŋŋ (w97-GA 2/15 bf. 4-7)
No. 2: 3 Mose 16:20-31
No. 3: Rebeka—Saneyitso: Okɛ Yehowa Afata He Beni Ohalaa Hefatalɔ Lɛ
No. 4: Ŋmalɛ Naa Gbɛ ni Akɛaatsu Gbalashihilɛ Mli Naagbai Ahe Nii (fy-GA bf. 153-156 kk. 1-9)
Sept. 13 Biblia kanemɔ: 3 Mose 19-21
Lala No. 122 [*Jajelɔ 1-12]
No. 1: Nɔ Hewɔ ni Henaatsii Jeee Nɔ ni Kɛ Nilee Baa (g97 10/8 bf. 20-21)
No. 2: 3 Mose 19:16-18, 26-37
No. 3: Rehoboam—Saneyitso: Kwa Henɔwomɔ kɛ Ŋaawoo Fɔŋ
No. 4: Gbalashihilɛ Gbɛnaa Nii lɛ He Nitsumɔ (fy-GA bf. 156-158 kk. 10-13)
Sept. 20 Biblia kanemɔ: 3 Mose 22-24
Lala No. 8 [*Salomo Lalai 1–Yesaia 5]
No. 1: Ani Huhuuhu Wiemɔi Fɛɛ Ejaaa? (w97-GA 12/1 bf. 29-31)
No. 2: 3 Mose 23:15-25
No. 3: Reuben (No. 1)—Saneyitso: Nifeemɔi ni Ejaaa lɛ Baanyɛ Ekɛ Piŋmɔi ni Hiɔ Shi Daa Aba
No. 4: Biblia Mli Nɔdaamɔ Nɔ Kɛha Gbalamlitsemɔ (fy-GA bf. 158-159 kk. 14-16)
Sept. 27 Biblia kanemɔ: 3 Mose 25-27
Lala No. 120 [*Yesaia 6-14]
No. 1: Mose Wolo ni Ji Etɛ—Nɔ Hewɔ ni Ehe Yɔɔ Sɛɛnamɔ (si bf. 28-30 kk. 28-39)
No. 2: 3 Mose 25:13-28
No. 3: Rut—Saneyitso: Anɔkwa Suɔmɔ Yeɔ Anɔkwa
No. 4: Nɔ ni Ŋmalɛi lɛ Kɛɔ yɛ Mligbalamɔ He (fy-GA bf. 159-162 kk. 17-22)
Oct. 4 Biblia kanemɔ: 4 Mose 1-3
Lala No. 30 [*Yesaia 15-25]
No. 1: Mose Wolo ni Ji Ejwɛ lɛ Hiɛkpamɔ (si bf. 30-31 kk. 1-10)
No. 2: 4 Mose 1:44-54
No. 3: Ní Nyɛaafee Ekome Kɛdara (fy-GA bf. 163-165 kk. 1-9)
No. 4: Salome (No. 1)—Saneyitso: Okɛ Heshibaa Asɔmɔ Yehowa
Oct. 11 Biblia kanemɔ: 4 Mose 4-6
Lala No. 97 [*Yesaia 26-33]
No. 1: Yehowa Kɛ Musuŋtsɔlɛ Yeɔ Nɔ (w97-GA 12/15 bf. 28-29)
No. 2: 4 Mose 4:17-33
No. 3: Gbalashihilɛ Tsakpaa lɛ Mli Hewalɛwoo (fy-GA bf. 166-167 kk. 10-13)
No. 4: Samson—Saneyitso: Buu Okɛ Yehowa Teŋ Wekukpaa ni Jara Wa lɛ He
Oct. 18 Biblia kanemɔ: 4 Mose 7-9
Lala No. 96 [*Yesaia 34-41]
No. 1: Heni Abaanyɛ Aná Anɔkwa Miishɛɛ Yɛ (w97-GA 3/15 bf. 23)
No. 2: 4 Mose 9:1-14
No. 3: Ná Onabii lɛ Ahe Miishɛɛ ni Otsake Oshihilɛ Beni Odaa Lɛ (fy-GA bf. 168-170 kk. 14-19)
No. 4: Samuel—Saneyitso: Sɔ̃mɔmɔ Nyɔŋmɔ Kɛjɛ Oblahiiaŋ kɛ Oblayeiaŋ Kɛyaa
Oct. 25 Biblia kanemɔ: 4 Mose 10-12
Lala No. 125 [*Yesaia 42-49]
No. 1: Yehowa Jwɛŋɔ Nɔ̃nalɔi Ahe (w97-GA 4/15 bf. 4-7)
No. 2: 4 Mose 10:11-13, 29-36
No. 3: Wu loo Ŋa Gbele Naadaamɔ (fy-GA bf. 170-172 kk. 20-25)
No. 4: Safira—Saneyitso: Kaaná Mɔ Lakamɔ Mli Gbɛfaŋnɔ
Nov. 1 Biblia kanemɔ: 4 Mose 13-15
Lala No. 64 [*Yesaia 50-58]
No. 1: Nɔ̃ Hewɔ ni Naakpɛɛ Nii Pɛ Haaa Aná Hemɔkɛyeli (w97-GA 3/15 bf. 4-7)
No. 2: 4 Mose 14:13-25
No. 3: Sara—Saneyitso: Hefɛo ni Ŋa ni Sheɔ Nyɔŋmɔ Gbeyei lɛ Yɔɔ
No. 4: Woo ni Akɛaaha Fɔlɔi ni Egbɔlɔ yɛ Kristofoi Agbɛ̀i Anɔ (fy-GA bf. 173-175 kk. 1-5)
Nov. 8 Biblia kanemɔ: 4 Mose 16-19
Lala No. 78 [*Yesaia 59-66]
No. 1: Nɔ̃ Hewɔ ni Ohia Shihilɛ Haaa Juu Afee Nɔ ni Ja (g97 11/8 bf. 18-19)
No. 2: 4 Mose 18:1-14
No. 3: Jiemɔ Suɔmɔ kɛ Mlitsɔlɛ Kpo (fy-GA bf. 175-178 kk. 6-14)
No. 4: Saul (No. 1)—Saneyitso: Nifitemɔ Hewalɛ ni Hetsɛ̃ kɛ Henɔwomɔ Kɛbaa
Nov. 15 Biblia kanemɔ: 4 Mose 20-22
Lala No. 46 [*Yeremia 1-6]
No. 1: Bɔ ni Fee ni Wɔnine Shɛ Biblia lɛ Nɔ—Fã 1 (w97-GA 8/15 bf. 8-11)
No. 2: 4 Mose 20:14-26
No. 3: Kwɛmɔ Yehowa Gbɛ Kɛha Hewalɛ Daa (fy-GA bf. 179-182 kk. 15-21)
No. 4: Sanherib—Saneyitso: Yehowa Hereɔ Ewebii Lɛ
Nov. 22 Biblia kanemɔ: 4 Mose 23-26
Lala No. 59 [*Yeremia 7-13]
No. 1: Bɔ ni Fee ni Wɔnine Shɛ Biblia lɛ Nɔ—Fã 2 (w97-GA 9/15 bf. 25-29)
No. 2: 4 Mose 23:1-12
No. 3: Ná Nyɔŋmɔ Jamɔ Hetuu-Kɛhamɔ kɛ Henɔyeli (fy-GA bf. 183-184 kk. 1-5)
No. 4: Shadrak—Saneyitso: Hii Shi akɛ Mɔ ni He Bɛ Kpa ko yɛ Jeŋ ni Leee Nyɔŋmɔ lɛ Mli
Nov. 29 Biblia kanemɔ: 4 Mose 27-30
Lala No. 180 [*Yeremia 14-21]
No. 1: Bɔ ni Fee ni Wɔnine Shɛ Biblia lɛ Nɔ—Fã 3 (w97-GA 10/15 bf. 8-12)
No. 2: 4 Mose 27:1-11
No. 3: Yitsoyeli He Jwɛŋmɔ Kpakpa (fy-GA bf. 185-186 kk. 6-9)
No. 4: Sheba (No. 4)—Saneyitso: Mɛi ni Woɔ Efɔŋ Mli Hewalɛ lɛ Kpaa Nɔ ni Amɛduɔ Lɛ
Dec. 6 Biblia kanemɔ: 4 Mose 31-32
Lala No. 170 [*Yeremia 22-28]
No. 1: Ŋmɛnɛŋmɛnɛ Beaŋ Blonya Shishifãi (w97-GA 12/15 bf. 4-7)
No. 2: 4 Mose 31:13-24
No. 3: Nitsumɔ ni He Hiaa ni Suɔmɔ Tsuɔ yɛ Weku lɛ Mli (fy-GA bf. 186-187 kk. 10-12)
No. 4: Shekem (No. 1)—Saneyitso: Nibii ni Jɛɔ Bɔlɛnamɔ Mli Jeŋba Shara Mli Kɛbaa lɛ Baanyɛ Afee Hiɛkpatamɔ
Dec. 13 Biblia kanemɔ: 4 Mose 33-36
Lala No. 51 [*Yeremia 29-34]
No. 1: Mose Wolo ni Ji Ejwɛ—Nɔ Hewɔ ni Ehe Yɔɔ Sɛɛnamɔ (si bf. 34-35 kk. 32-38)
No. 2: 4 Mose 36:1-13
No. 3: Shimei (No. 12)—Saneyitso: Toiboo Baanyɛ Ahere Oyiwala
No. 4: Ní Aaafee Nyɔŋmɔ Suɔmɔnaa Nii Akɛ Weku (fy-GA bf. 188-189 kk. 13-15)
Dec. 20 Biblia kanemɔ: 5 Mose 1-3
Lala No. 159 [*Yeremia 35-41]
No. 1: Mose Wolo ni Ji Enumɔ lɛ Hiɛkpamɔ (si bf. 36-37 kk. 1-9)
No. 2: 5 Mose 2:1-15
No. 3: Simeon (No. 1)—Saneyitso: Mlifu ni Anyɛɛɛ Nɔ Aye lɛ Kɛ Heguɔgbee kɛ Awerɛho Baa
No. 4: Weku lɛ kɛ Owɔsɛɛ Be (fy-GA bf. 190-191 kk. 16-18)
Dec. 27 Niŋmaa Kaa. Agbe 3 Mose 16–5 Mose 3 lɛ Naa
Lala No. 192 [*Yeremia 42-48]