Sɔɔmɔ Kpeei Kɛha November
Otsi ni Jeɔ Shishi November 2
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ July shiɛmɔyaa he akɔntaabuu kɛha maŋ lɛ kɛ nyɛ asafo lɛ he.
15 min: “Esa akɛ Mɛi Fɛɛ ‘Akpɛlɛ Wiemɔ lɛ Nɔ kɛ Tsuijurɔ’!” Sanebimɔi kɛ hetooi. Akɛ ŋaawoi ni yɔɔ nɔ ni aŋma ahɔ July 1996 Wɔ Maŋtsɛyeli Sɔɔmɔ lɛ mli, kuku 21 lɛ afata he.
20 min: “Miitao Biblia Mli Nikasemɔ!” Toibolɔi kɛ sanegbaa ni sɔɔmɔ nitsumɔ nɔkwɛlɔ lɛ baatsu he nii. Tsɔɔmɔ bɔ ni abaanyɛ ato nɛkɛ mɔdɛŋ ni abɔɔ koni afee sɛɛsaramɔi yɛ nyɛ asafo lɛ mli lɛ he gbɛjianɔ lɛ mli. Abaanyɛ aha shiɛlɔi ni he esa kɛ shiɛlɔi heei atsu nii kɛyashɛ he ko. Esa akɛ afee kui lɛ bibii bɔni afee ni anyɛ aya mɛi pii aŋɔɔ. Atĩ ŋaawoi ni yɔɔ nɔ ni aŋma ahɔ April 1998 Wɔ Maŋtsɛyeli Sɔɔmɔ lɛ kukuji 12-15 lɛ mli lɛ mli. Aha shiɛlɔ ni he esa afee bɔ ni afeɔ nikasemɔ yɛ sɛɛsaramɔ mli lɛ he nɔkwɛmɔnɔ. Wo mɔ fɛɛ mɔ hewalɛ koni ebɔ mɔdɛŋ ni eje nikasemɔ hee shishi.
Lala 35 kɛ naagbee sɔlemɔ.
Otsi ni Jeɔ Shishi November 9
Lala 187
10 min: Asafoŋ adafitswai. Shika he akɔntaabuu.
12 min: Sanebimɔ He.
23 min: “1998 ‘Nyɔŋmɔ Shihilɛ Gbɛ’ Kpokpaa Wulu nɔ Kpeei.” (Kukuji 1-17) Sanebimɔi kɛ hetooi. Kanemɔ kukuji 11 kɛ 12. Maa bɔ ni ehe hiaa yɛ Ŋmalɛ naa akɛ wɔhiɛɔ Kristofoi ahesaamɔ ni sa kɛ jeŋba kpakpa kɛ wɔbii lɛ anɔ kwɛmɔ jogbaŋŋ lɛ nɔ mi.
Lala 48 kɛ naagbee sɔlemɔ.
Otsi ni Jeɔ Shishi November 16
Lala 182
7 min: Asafoŋ adafitswai. Tsɔɔmɔ shiɛmɔyaa he gbɛjianɔi ni ato kɛha otsi lɛ naagbee.
18 min: “Nɔkwɛlɔi ni Nyiɛɔ Hiɛ—Teokrase Sɔɔmɔ Skul Nɔkwɛlɔ Lɛ.” Wiemɔ ni skul nɔkwɛlɔ lɛ kɛbaaha. Tĩi School Guidebook lɛ baafai 10-11, kuku 6-12 lɛ mli.
20 min: “1998 ‘Nyɔŋmɔ Shihilɛ Gbɛ’ Kpokpaa Wulu nɔ Kpeei.” (Kukuji 18-24) Sanebimɔi kɛ hetooi. Akane kuku 18 lɛ, kɛ ŋmalɛ ni atsɛ yisɛɛ lɛ. Ama bɔ ni gbɛjianɔtoo kpakpa kɛ mɛi krokomɛi ahesusumɔ he hiaa lɛ nɔ mi, titri lɛ, yɛ shitaramɔ gbɛfaŋ lɛ nɔ mi. Akɛ “Kpeei He Kaimɔi” lɛ wiemɔ mlitĩi kuku amu naa.
Lala 139 kɛ naagbee sɔlemɔ.
Otsi ni Jeɔ Shishi November 23
10 min: Asafoŋ adafitswai. Gbaa niiashikpamɔi ni aŋmala yɛ August 8, 1998 Awake! ni tsɔɔ hewalɛ ni Gbɔmɔ ni Fe Fɛɛ wolo lɛ ená yɛ gbɔmɛi anɔ lɛ he sane. Esa akɛ shiɛlɔi fɛɛ hiɛ ahi amɛhe nɔ koni amɛkɛ wolo nɛɛ aha yɛ bei ni sa amli.
15 min: ‘Tsakemɔ ni Anaa Faŋŋ—Ani Ja Ana Dani Aheɔ Ayeɔ?’ Wiemɔ ni onukpa ni he esa kɛbaaha, ni damɔ June 8, 1998, Awake! baafai 13-15 lɛ nɔ, koni ekɛ sane lɛ ato nibii ni yaa nɔ yɛ he ni nyɛyɔɔ lɛ he.
20 min: Ŋaawoi ni Baaha o-Biblia Kanemɔ Aya Hiɛ. Wiemɔ ni damɔ May 1, 1995 Buu-Mɔɔ baafai 16-17 lɛ nɔ. Maa mumɔŋ sɛɛnamɔi ni anáa kɛjɛɔ daa gbi Biblia kanemɔ mli lɛ nɔ mi. Tĩi ŋaawoi ni akɛha lɛ mli, ni ogba bɔ ni aaafee akɛtsu nii lɛ he sane. Ha shiɛlɔi enyɔ loo etɛ agba bɔ ni amɛnáa Nyɔŋmɔ Wiemɔ lɛ ni amɛkaneɔ daa lɛ he sɛɛ lɛ amɛtsɔɔ.
Lala 46 kɛ naagbee sɔlemɔ.
Otsi ni Jeɔ Shishi November 30
15 min: Asafoŋ adafitswai. Kaimɔ mɛi fɛɛ ni amɛkɛ amɛshiɛmɔyaa he akɔntaabui lɛ aha. Wo mɛi ni ejeee nikasemɔ shishi yɛ November lɛ hewalɛ koni amɛya nɔ amɛbɔ mɔdɛŋ yɛ December mli, beni akɛ Nilee wolo lɛ kɛ New World Translation lɛ tsuɔ nii lɛ. Ha shiɛlɔ ni he esa kɛ akrabatsa ni yɔɔ Nilee wolo lɛ baafa 19 lɛ atsu nii ni ekɛfee sɛɛsaramɔ he nɔkwɛmɔnɔ; shiɛlɔ lɛ atsɔɔ bɔ ni abaanyɛ akɛ wolo lɛ atsu nii koni aná Biblia tsɔɔmɔi lɛ ahe shishinumɔ ni ja, kɛ bɔ ni anyɛɔ akɛjeɔ nikasemɔ shishi lɛ mli.
10 min: Asafoŋ hiamɔ nii.
20 min: “Nyɛtswaa Nyɛhe Nyɛmaa Shi Kɛtsɔ Saji Ahetoohamɔi Anɔ yɛ Kpeei Ashishi.” Sanebimɔi kɛ hetooi. Tsɔɔmɔ bɔ ni sane hetoohamɔ haa wɔyaa hiɛ yɛ mumɔŋ lɛ mli. (Kwɛmɔ School Guidebook, nikasemɔ 38 lɛ, kuku 4 lɛ.) Ha mɛi komɛi atsɔɔ bɔ ni amɛfee amɛye shishashaomɔ akɛ amɛaaha saji ahetooi lɛ anɔ kunim, kɛ jɔɔmɔi ni amɛná kɛjɛ amɛhe ni amɛkɛwoɔ kpee lɛ mli lɛ mli.
Lala 51 kɛ naagbee sɔlemɔ.