Sanebimɔ He

◼ Namɔ esa akɛ aha lɛ Wɔ Maŋtsɛyeli Sɔɔmɔ lɛ eko?

Afee Wɔ Maŋtsɛyeli Sɔɔmɔ lɛ ni eye ebua mɛi ni kɛ amɛhe woɔ shiɛmɔ nitsumɔ lɛ mli lɛ koni ewo amɛ hewalɛ. No hewɔ lɛ, ajaaa ahaaa mɔ fɛɛ mɔ. Esa akɛ aha shiɛlɔi ni abaptisi amɛ kɛ shiɛlɔi ni abaptisiko amɛ fɛɛ eko. Esa akɛ aha mɛi ni baa Sɔɔmɔ Kpee lɛ daa ni yaa amɛhiɛ koni amɛkɛ amɛhe awo shiɛmɔ nitsumɔ lɛ mli lɛ eko. Nyɛkwɛa ni nyɛkɔa eko koni nyɛkɛtoa nyɛ Maŋtsɛyeli Asa wojiatoohe lɛ mli. Esaaa akɛ ahaa mɛi ni ashwie amɛ kɛjɛ asafo lɛ mli lɛ Wɔ Maŋtsɛyeli Sɔɔmɔ lɛ eko. Asafoi komɛi ena akɛ sɛɛnamɔ yɛ he akɛ amɛaaŋmala mɛi fɛɛ ni esa akɛ aha amɛ eko lɛ agbɛi amɛshwie shi, ni amɛjaraa mli yɛ Asafo Woloŋ Nikasemɔ kui lɛ anaa. Woloŋ nikasemɔ nɔkwɛlɔi lɛ baanyɛ amɛkɛ nɛkɛ gbɛi ni aŋmala ashwie shi nɛɛ atsu nii koni eha ejaa afee mlɛo, ni amɛbaanyɛ amɛtaipi aloo amɛŋmala mɔ fɛɛ mɔ gbɛi yɛ enɔ̃ nɔ fɛfɛo po.