Sɔɔmɔ Kpeei Kɛha December
KADIMƆ: Ato gbɛjianɔ koni akɛ minitii 25 atĩ kpee wiemɔi lɛ amli yɛ Sɔɔmɔ Kpee lɛ shishi, yɛ December 28 otsi ni jeɔ shishi lɛ mli. Asafoi ni miiya amɛkpee lɛ yɛ nakai otsi lɛ mli aloo yɛ otsi ni nyiɛ sɛɛ lɛ mli lɛ baanyɛ atsake gbɛjianɔtoo lɛ bɔni afee ni amɛnyɛ amɛtsu saji amlitĩi ni tamɔ nɛkɛ lɛ he nii yɛ otsi ni baanyiɛ sɛɛ lɛ mli. Esa akɛ atsɔ hiɛ akɛ saji amlitĩi ni kɔɔ otii ni he hiaa waa ni asaa he jogbaŋŋ yɛ mli ni kɔɔ gbi lɛ eko fɛɛ eko mli gbɛjianɔtoo lɛ he lɛ he nitsumɔ aha nyɛmimɛi hii enyɔ loo etɛ. Esa akɛ saji ahetooi kɛ niiashikpamɔi ni toibolɔi lɛ kɛbaaha lɛ afee kuku, kɛ nɔ ni wieɔ oti lɛ diɛŋtsɛ he.
Otsi ni Jeɔ Shishi December 7
Lala 186
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Agbɛnɛ hu, “Wɔteke Oti ni Ji Akpei Nyɔŋmai Ekpaa Lɛ!” Wiemɔ August shiɛmɔ nitsumɔ he akɔntaabuu kɛha maŋ lɛ kɛ nyɛ asafo lɛ he. Kanyamɔ shiɛlɔi lɛ yɛ amɛfaishitswaa akɛ amɛaabu amɛshiɛmɔ nitsumɔ lɛ he akɔntaa daa, ni amɛkɛha oya yɛ nyɔŋ fɛɛ nyɔŋ nɔ lɛ.
15 min: “Esa akɛ Wɔya Amɛŋɔɔ Shii Abɔ.” Sanebimɔi kɛ hetooi. Wiemɔ Ezekiel 3:17-19 lɛ he kuku, ni oma gbɛnaa nii ni kã wɔnɔ akɛ wɔya nɔ wɔbɔ shɛɛ sane lɛ he kɔkɔ lɛ nɔ mi.
20 min: “New World Translation lɛ Kɛhamɔ.” Nyɛminuu ko kɛ shiɛlɔi enyɔ loo etɛ ni he esa asusu sane lɛ he. Okɛ otii fioo ni he hiaa ni yɔɔ “All Scripture” wolo lɛ baafai 327-331 lɛ afata he. Afee bɔ ni abaanyɛ akɛ wolo ni akɛbaatsu nii yɛ December mli lɛ baaha, kɛ gbɛ ni aaatsɔ nɔ atsĩ Biblia mli nikasemɔ he gbɛjianɔtoo tã lɛ he nɔkwɛmɔnɔ.
Lala 176 kɛ naagbee sɔlemɔ.
Otsi ni Jeɔ Shishi December 14
Lala 206
10 min: Asafoŋ adafitswai. Shika he akɔntaabuu. Okɛ ŋaawoi komɛi ni tsɔɔ bɔ ni wɔɔfee wɔtsɔ ŋaa gbɛ nɔ wɔhere hejɔɔmɔ gbi ŋamɔi anɔ aha lɛ aha. Kɛ́ Asafo lɛ yɛ Gbɔmɔ ni Fe Fɛɛ loo Tsɔɔlɔ Kpele woji lɛ eko lɛ, no lɛ atsɔɔ bɔ ni abaanyɛ akɛtsu nii kɛmɔ shi yɛ sɔɔmɔ nitsumɔ lɛ mli yɛ Blonya hejɔɔmɔ gbii juji ayeli lɛ mli lɛ mli. Tsɔɔmɔ shiɛmɔyaa he gbɛjianɔi krɛdɛɛ kɛha December 25 kɛ January 1 lɛ mli.
15 min: “Nɔkwɛlɔi ni Nyiɛɔ Hiɛ—Buu-Mɔɔ Nikasemɔ Nɔkwɛlɔ Lɛ.” Wiemɔ ni Buu-Mɔɔ Nikasemɔ nɔkwɛlɔ lɛ kɛbaaha. Etsɔɔ enitsumɔi, kɛ bɔ ni mɛi fɛɛ ni baa lɛ baanyɛ aye abua ni nikasemɔ lɛ afee nɔ ni yɔɔ miishɛɛ, nɔ ni kɛ nilee haa, ni etswaa mɔ emaa shi yɛ mumɔŋ.—Kwɛmɔ Our Ministry baafa 67.
20 min: “Amɛbaanyɛ Amɛna akɛ Wɔyɛ Srɔto.” Sanebimɔi kɛ Hetooi. Wiemɔ subaŋ fɛɛ subaŋ ni haa esoroɔ wɔ lɛ he kuku. Tsĩi bɔ ni abaanyɛ akɛ saji nɛɛ atsu nii kɛgbala mɛi ni yɔɔ wiemɔ lɛ he miishɛɛ lɛ kɛba gbɛjianɔtoo lɛ mli, ni atsɔɔ amɛ bɔ ni anɔkwale lɛ haa mɛi ni hiɛɔ shi yɛ naa lɛ náa Kristofoi asui.
Lala 146 kɛ naagbee sɔlemɔ.
Otsi ni Jeɔ Shishi December 21
Lala 163
20 min: Asafoŋ adafitswai. Kɛ́ nyɛ asafo lɛ baatsake kpeeiyaa bei kɛha afi hee lɛ, belɛ okɛ hewalɛwoo ni jɛ mlijɔlɛ mli ni baatsirɛ mɔ fɛɛ mɔ ni ekã he ekɛ asafo lɛ akpe daa yɛ bei hee lɛ mli lɛ aha. Kaimɔ shiɛlɔi koni amɛkai Biblia mli nikaselɔi, kɛ mɛi krokomɛi ni yɔɔ he miishɛɛ lɛ tsakemɔi lɛ. Wo shiɛlɔi fɛɛ hewalɛ ni amɛkɛ amɛ diɛŋtsɛ amɛ Wɔ Maŋtsɛyeli Sɔɔmɔ lɛ ato, titri lɛ, nɔ ni aŋma ahɔ mli lɛ. Ekolɛ wɔbaatsɛ yisɛɛ wɔsɛɛ.
12 min: Sanebimɔ He. Sanebimɔi kɛ hetooi. Tsɔɔmɔ bɔ ni ajaa Wɔ Maŋtsɛyeli Sɔɔmɔ lɛ ahaa yɛ he ni nyɛ yɔɔ lɛ.
25 min: “Tswaa Oshihilɛ Oma Yehowa Sɔɔmɔ Nɔ.” Sanebimɔi kɛ hetooi. Okɛ mɔ ko ni boteko gbalashihilɛ mli, kɛ weku yitso ko ni amɛye omanye yɛ gbɛjianɔ ni amɛto kɛha shiɛmɔyaa daa otsi lɛ agba sane. Ha amɛtsɔɔ gbɛjianɔtoo ni he hiaa bɔni afee ni akɛ mumɔŋ nibii aye klɛŋklɛŋ gbɛhe.
Lala 119 kɛ naagbee sɔlemɔ.
Otsi ni Jeɔ Shishi December 28
Lala 178
10 min: Asafoŋ adafitswai. Kaimɔ mɛi fɛɛ ni amɛkɛ amɛshiɛmɔyaa he akɔntaabui kɛha December aha. Tsɔɔmɔ woji memeji ni afee dani 1985 shɛ ni ayɔɔ eko kɛha wolo ni akɛbaatsu nii yɛ January lɛ. Wo shiɛlɔi hewalɛ koni amɛŋɔ eko ní amɛkɛha yɛ otsi nɛɛ naagbee mli.
10 min: “Ná 1999 Teokrase Sɔɔmɔ Skul Gbɛjianɔtoo lɛ He Sɛɛ.” Wiemɔ ni Teokrase Sɔɔmɔ Skul nɔkwɛlɔ lɛ kɛbaaha. Ha shiɛlɔi komɛi atsɔɔ bɔ ni amɛná “Biblia Kanemɔ He Gbɛjianɔtoo ni Fata He” ni amɛkaneɔ daa otsi lɛ he sɛɛ yɛ. Wo mɛi fɛɛ hewalɛ koni amɛkane Nyɔŋmɔ Wiemɔ lɛ daa gbi.
25 min: Kpokpaa wulu nɔ kpee wiemɔi otii lɛ amlitĩi.
Lala 195 kɛ naagbee sɔlemɔ.