Adafitswai
◼ Wolo ni akɛbaatsu nii yɛ August: Abaanyɛ akɛ woji bibii ni hiɛ baafai 32 nɛɛ eko aha: Ani Esa akɛ Ohe Triniti lɛ Oye?, Ani Nyɔŋmɔ Susuɔ Wɔhe Lɛlɛŋ?, Beni Mɔ Ko ni Osumɔɔ Lɛ Egbo, Mɛni Baa Wɔnɔ Kɛ́ Wɔgboi?, Mɛni Ji Yiŋtoo ni Yɔɔ Shihilɛ Sɛɛ—Te Ooofee Tɛŋŋ Ole Hu?, “Naa! Miifee Nii Fɛɛ Ehee,” Na Wala Mli Ŋɔɔmɔ yɛ Shikpɔŋ Nɔ Kɛya Naanɔ!, kɛ Nɔyeli Ni Kɛ Paradeiso Baaba. Abaanyɛ akɛ woji bibii ni ji Gbohii lɛ Amumɔi—Ani Amɛbaanyɛ Amɛye Amɛbua Bo Loo Amɛhao Bo? Ani Amɛyɛ Diɛŋtsɛ?, Our Problems—Who Will Help Us Solve Them?, Will There Ever Be a World Without War? kɛ Wolo Kɛha Gbɔmɛi Fɛɛ lɛ aha yɛ he ni sa. September: Nilee Ni Kɛ Mɔ Yaa Naanɔ Wala Mli. October: Buu-Mɔɔ kɛ Awake! lɛ shɛɛ. November: Mɛni Nyɔŋmɔ Taoɔ yɛ Wɔdɛŋ? aloo Nilee Ni Kɛ Mɔ Yaa Naanɔ Wala Mli.
◼ Akɛ woji ni akɛbaatsu nii yɛ afi 2000 sɔɔmɔ afi lɛ mli lɛ emaje asafo fɛɛ asafo. Nyɛfainɛ, nyɛkɛ woji nɛɛ atsuɔ nii yɛ hiɛshikamɔ mli. Esa akɛ akɛtsu yiŋtoo hewɔ ni akɛha lɛ pɛ he nii. August 3, 1998 wolo ni wɔkɛmaje onukpai asɛinɔtalɔi kɛ woloŋmalɔi fɛɛ lɛ, kɛ April 1999 Wɔ Maŋtsɛyeli Sɔɔmɔ baafa 7 lɛ tsɔɔ nibii ni esa akɛ asafo lɛ ashɛ.
◼ Akɛ “Literature Inventory” woji lɛ (S-18) etɛ baamaje asafo fɛɛ asafo. Esa akɛ woloŋmalɔ lɛ ana mɔ ni kwɛɔ woji anɔ lɛ yɛ August shishijee mli, koni amɛto gbɛjianɔ ni abu woji ni asafo lɛ yɔɔ lɛ ahe akɔntaa yɛ nyɔŋ lɛ naagbee mli. Esa akɛ akane woji ni ayɔɔ lɛ fɛɛ ekomekome ni aŋmala enɛ yɛ “Literature Inventory” wolo lɛ nɔ. Nine baanyɛ ashɛ woji tɛtrɛbii ni ayɔɔ lɛ anɔ kɛjɛ woji tɛtrɛbii anɔkwɛlɔ lɛ dɛŋ. Nyɛfainɛ, nyɛkɛ klɛŋklɛŋ wolo ni nyɛŋmala nɔ nii lɛ amajea Asafo lɛ dani September 6 aho. Nyɛkɛ wolo nɛɛ eko atoa nyɛ woji amli. Abaanyɛ akɛ nɔ ni ji etɛ lɛ atsu nii akɛ nɔ ni abuɔ akɔntaa yɛ nɔ. Esa akɛ woloŋmalɔ lɛ akwɛ koni atsu enɛɛmɛi ahe nii, koni onukpai asɛinɔtalɔ lɛ akwɛ mli. Woloŋmalɔ lɛ kɛ onukpai asɛinɔtalɔ lɛ kɛ amɛwaonaa gbɛi baawo shishi.
◼ Akɛ woji ni akɛshɛɔ woji ni ashɛɛɛ ashwieee shi ni ashɛɔ daa afi, tamɔ Yearbook, Watchtower Wolo Kpoi lɛ, kɛ tsitsinaa-tsɛɛ nii lɛ miimaje asafoi fɛɛ. Onukpai lɛ baanyɛ akwɛ FA:SH May 13, 1994 wolo ni aŋma amɛ lɛ mli koni amɛle gbɛ ni atsɔɔ nɔ atsuɔ enɛ he nii. Esa akɛ Sɔɔmɔ Ajinafoi Akuu lɛ akwɛ koni aŋmala nibii ni ashɛɔ lɛ jogbaŋŋ, ni amɛkɛmaje nitsumɔhe nine lɛ dani September 30, 1999 aho.
◼ Ato lalai ni wɔláa yɛ wɔ asafoŋ kpeei ashishi lɛ koni akɛma saji ni abaasusu he lɛ nɔ mi. Ní aaalá yɛ asafo lɛ wiemɔ ni amɛkɛtsuɔ nii mli lɛ baaha kpeei lɛ aya hiɛ. Enɛ hewɔ lɛ, Asafo lɛ ebɔ mɔdɛŋ ni etsɔɔ lala wolo lɛ shishi kɛtee Ewe kɛ Twi wiemɔ mli. Shi akadi akɛ, Ewe kɛ Twi asafoi lɛ pii láaa yɛ amɛ diɛŋtsɛ amɛwiemɔi lɛ amli yɛ kpeei lɛ ashishi. Akɛni amrɔ nɛɛ lɛ, wɔyɛ Ewe lala wolo lɛ yɛ niŋmaa wuji amli kɛ Twi lala wolo bibioo lɛ hewɔ lɛ, wɔmiiwo asafoi ni wieɔ wiemɔi enyɔ nɛɛ hewalɛ koni amɛŋɔ hegbɛ ni Asafo lɛ kɛha amɛ lɛ, ni amɛlá yɛ amɛmaŋ wiemɔ mli.