Adafitswai
◼ Woji ni akɛbaaha yɛ May: Buu-Mɔɔ kɛ Awake! Hiɛmɔ Taoɔ wolo bibioo lɛ kɛha mɛi ni yɔɔ wiemɔ lɛ he miishɛɛ, ni obɔ mɔdɛŋ ni oje shia Biblia mli nikasemɔi ashishi. June: Mɛni Nyɔŋmɔ Taoɔ yɛ Wɔdɛŋ? Gbalamɔ jwɛŋmɔ kɛya shia Biblia mli nikasemɔi ashishijee nɔ. July kɛ August: Abaanyɛ akɛ woji bibii ni hiɛ baafai 32 nɛɛ eko aha: Ani Esa akɛ Ohe Triniti lɛ Oye?, Ani Nyɔŋmɔ Susuɔ Wɔhe Lɛlɛŋ?, Beni Mɔ Ko ni Osumɔɔ Lɛ Egbo, Mɛni Baa Wɔnɔ Kɛ́ Wɔgboi?, Mɛni Ji Yiŋtoo ni Yɔɔ Shihilɛ Sɛɛ—Te Ooofee Tɛŋŋ Ole Hu?, Na Wala Mli Ŋɔɔmɔ yɛ Shikpɔŋ Nɔ Kɛya Naanɔ!, Nɔyeli Ni Kɛ Paradeiso Baaba, kɛ The Divine Name That Will Endure Forever. Abaanyɛ akɛ woji bibii ni ji Gbohii lɛ Amumɔi—Ani Amɛbaanyɛ Amɛye Amɛbua Bo Loo Amɛhao Bo? Ani Amɛyɛ Diɛŋtsɛ?, Our Problems—Who Will Help Us Solve Them?, Will There Ever Be a World Without War?, kɛ Wolo Kɛha Gbɔmɛi Fɛɛ lɛ aha yɛ he ni sa.
◼ Onukpai asɛinɔtalɔ lɛ atswa Woji Amajemɔ Nitsumɔhe ni yɔɔ Betel lɛ tɛlifoŋ kɛji enine shɛɛɛ Wɔ Maŋtsɛyeli Sɔɔmɔ kɛha asafo lɛ nɔ yɛ nyɔŋ ni tsɔɔ no hiɛ lɛ gbi ni ji 25 lɛ nɔ lɛ.
◼ Kaimɔ: Esa akɛ shiɛlɔi fɛɛ nine ashɛ amɛ woji tɛtrɛbii lɛ anɔ kɛjɛ amɛ asafo lɛ mli. Enɛ tsɔɔ akɛ esaaa akɛ shiɛlɔi kɛ woji ni aŋmalaa nɔ nii majeɔ ní amɛkɛmiishɛ woji tɛtrɛbii kɛmiiha amɛhe.
◼ Ehe miihia ni wɔkai shiɛlɔi fɛɛ akɛ mɔ ko mɔ ko kɛ adrɛs ni Asafo lɛ nine shɛɔ woloŋmaa nɔ kɛtsɔɔ nɔ lɛ akatsu nii kɔkɔɔkɔ kɛha ehe. Nɔ ni fata enɛ he ji woji fɛɛ ni aŋmaa kɛmajeɔ kɛ woji wuji fɛɛ ni akɛmajeɔ ni akɛyeɔ mɛi ni yɔɔ wiemɔ lɛ he miishɛɛ kɛ mɛi ni bɛ shia lɛ odase, aloo ni akɛyeɔ mɛi ni yɔɔ hei ni nine nyɛɛɛ ashɛ amɛnɔ lɛ odase lɛ. Kɛ ooye odase kɛmiitsɔ woloŋmaa nɔ lɛ, okɛ adrɛs ni onine shɛɔ woloŋmaa nɔ kɛtsɔɔ nɔ lɛ loo nyɛ Maŋtsɛyeli Asa lɛ adrɛs atsu nii. Ofainɛ okɛ Asafo lɛ adrɛs lɛ akatsu nii.
◼ Aawo shiɛlɔi fɛɛ hewalɛ koni amɛkɛ amɛshiɛmɔyaa he akɔntaabuu lɛ aha mra yɛ nyɔŋ fɛɛ nyɔŋ naagbee. Esa akɛ woloŋmalɔ lɛ akwɛ koni ekɛ shiɛmɔyaa he akɔntaabuu lɛ amaje dani nyɔŋ fɛɛ nyɔŋ gbi ni ji 6 lɛ aho.
◼ Woji ni Nine Eshɛ nɔ Ekoŋŋ:
Mi-Wolo ni Gbaa Biblia Mli Saji—Blɔfo
Mɛni Nyɔŋmɔ Taoɔ yɛ Wɔdɛŋ?—Ewe
Shihilɛ yɛ Toiŋjɔlɛ Jeŋ Hee ko Mli (Tract No. 15)—French
◼ Kasɛtii Heei ni Nine Eshɛ Nɔ:
Hiɛsɔɔ ní Wɔɔna Wɔha Wɔmumɔŋ Gboshinii Lɛ—Blɔfo