Ghana Betel Mligbelemɔ Nɔyaa He Amaniɛbɔɔ

Bɔ ni Yehowa ye ebua Noa ni efi esɛɛ yɛ adeka lɛ kpɛɛ mli lɛ, Eejɔɔ wɔ yɛ nitsumɔ nɛɛ hu mli. (Lala 127:1) Wɔkɛ miishɛɛ miiha nyɛle akɛ, awo wɔɔhe tsũi enyɔ lɛ amli kɔnkret lɛ agbe naa. Wɔmiito gbɛjianɔ koni wɔwo wɔɔhe tsũ ni ji etɛ lɛ kɛ He ni Ahere Gbɔi Hiɛmɛɛ Yɛ (Reception) kɛ Maŋtsɛyeli Asa hee lɛ hu mli kɔnkret lɛ. Kɛbashi amrɔ nɛɛ, awo bu ni shɛɔ mitai 2,500 koji ejwɛ lɛ mli kɔnkret.

Wɔ kapintɛfoi ni tsuɔ nii waa lɛ hu kɛ mplaŋi miishwie nihoomɔhe tsũ hee lɛ nɔ. Wɔkɛ friza kɛ tsɔnei ní akɛbaabaa niyenii ayi miiwo nihoomɔhe lɛ. Etsɛŋ ni abaahà eyiteŋ. Gbɛjegbɛi bibii ni akɛbaaya nitsumɔhei kɛ shihilɛhei srɔtoi lɛ hu agbálamɔ miiya nɔ jogbaŋŋ. Etsɛŋ ni abaagbe sɛmɛnti ni akɛkpáa nubu lɛ he kɛ emli hu lɛ naa.

Nyɛmimɛi babaoo jɛɔ amɛsuɔmɔ mli amɛbayeɔ amɛbuaa wɔ yɛ be mli ni nitsumɔ lɛ yaa nɔ lɛ. Wɔmiikpa gbɛ akɛ etsɛŋ ni wɔyi baafa babaoo yɛ otsii ni baa lɛ amli. (Lala 127:3) Yɛ be mli ni wɔsusuɔ nitsumɔ ni wɔtsu lɛ kɛ nɔ ni eshwɛ ni abaatsu lɛ he lɛ, ehaa wɔheɔ wɔyeɔ akɛ, “kɛ jeee Yehowa maa tsũ lɛ, no lɛ yakatswaa mɛi ni maa lɛ gboɔ he deŋme.” Hɛɛ, Yehowa miijɔɔ enitsumɔ lɛ nɔ jogbaŋŋ diɛŋtsɛ!