Ghana Betel Mligbelemɔ Nɔyaa He Amaniɛbɔɔ

Yɛ October nyɔŋ lɛ mli lɛ, aje he ni tsutsu lɛ akɛ tsɔnei mamɔɔ lɛ he nitsumɔ shishi koni akɛ niiahefɔmɔhe kɛ yikuu kɛ yitsɔi saamɔ nitsumɔhe lɛ aba jɛmɛ kɛha be kuku ko. Enɛ baaŋmɛ gbɛ koni atsu niiahefɔmɔhe hee lɛ he nii.

Ahà nihoomɔhe hee lɛ tsũ lɛ yiteŋ, ni ágbe tsũ ni ama koni akɛjɔɔ nibii ahe ŋanii yɛ mli lɛ hu naa. Shi wɔkɛtsuŋ nii bianɛ. Aku sɛɛ aatsake bɔ ni niyeli tsũ lɛ yɔɔ lɛ mli ekoŋŋ.

Wɔmiiya wɔhiɛ jogbaŋŋ yɛ wɔ gbɛjegbɛi ahe nitsumɔ lɛ mli. Ágbe gbɛ ni kɛ mɔ yaa shihilɛhe hee lɛ tsũi lɛ ahe lɛ mli oha mlijaa 95 naa. Áje gbɛ ni yaa sarawa hewalɛ tsɔne tsũ lɛ he lɛ nɔ saamɔ shishi, ni gbɛ ni yaa nubu lɛ he lɛ anaabui lɛ asaamɔ eba naagbee.

Ágbe sɛmɛnti faneshii kɛha shihilɛhe tsũi heei lɛ fɛɛ naa, ja ɔfis tsũi lɛ amlilɛɛmɔ lɛ pɛ. Blɔkii gbogboi atswaa kɛha shihilɛhe tsũ Ni Ji 3 lɛ je shishi yɛ October mli. Aakpa gbɛ akɛ etsɛŋ ni ŋtayaa loo brikishi ni akɛbaama hiɛtserɛjiemɔ asese tsũi bibii lɛ baanyiɛ sɛɛ.

Akɛni nitsumɔ lɛ miiya hiɛ oyayaayai hewɔ lɛ, nyɛmimɛi pii ni jɛɔ asafoi lɛ amli ni jɛɔ amɛsuɔmɔ mli amɛkɛ amɛhe haa lɛ ayelikɛbuamɔ he miihia. Nyɛmimɛi hii kɛ yei fɛɛ ahe miihia. Wɔhiɛ sɔɔ sɛɛfimɔ ni nyɛ fɛɛ nyɛyaa nɔ nyɛkɛhaa koni nitsumɔ lɛ aye omanye lɛ waa diɛŋtsɛ.