Adafitswai

◼ Wolo ni akɛbaaha yɛ January: Abaanyɛ akɛ woji fɛɛ ni hiɛ baafai 192, ni afee dani afi 1987 shɛ, ni nyɛyɔɔ yɛ nyɛ asafo lɛ mli lɛ eko fɛɛ eko aha. Asafoi ni yɔɔ Nyɔŋmɔ Sɛɛ Gbɛ ni Adesai Taoɔ lɛ eko lɛ baanyɛ amɛkɛ no hu aha. February: Life—How Did It Get Here? By Evolution or by Creation?, Kpojiemɔ—Enaagbee Kwraa lɛ Ebɛŋkɛ! aloo woji fɛɛ ni hiɛ baafai 192 ni nyɛyɔɔ yɛ nyɛ asa lɛ nɔ. March: Nilee Ni Kɛ Mɔ Yaa Naanɔ Wala Mli. Abaabɔ mɔdɛŋ krɛdɛɛ koni aje shia Biblia mli nikasemɔi ashishi. April: Buu-Mɔɔ kɛ Awake! woji tɛtrɛbii lɛ. Hei ni abaajie miishɛɛ kpo yɛ, yɛ sɛɛsaramɔi lɛ amli lɛ, abaanyɛ aha ashɛ woji tɛtrɛbii lɛ. Okɛ Taoɔ wolo bibioo lɛ aha kɛ yiŋtoo akɛ oooje Biblia mli nikasemɔi ashishi.

◼ Aná shiɛlɔi ayifalɛ ni fe fɛɛ ni ji 68, 165! Nakai ji bɔ ni wɔná yɛ September 2001 lɛ. Enɛ tsɔɔ akɛ wɔje sɔɔmɔ afi lɛ shishi yɛ gbɛ kpakpa nɔ kɛ shiɛlɔi babaoo bɔ ni wɔbaanyɛ ni miiná gbɛfaŋnɔ yɛ shiɛmɔ nitsumɔ lɛ mli. Wɔfee Biblia mli nikasemɔi ni shɛɔ 156, 607, kɛji aja mli lɛ shiɛlɔ fɛɛ shiɛlɔ kɛ mɛi enyɔ kase nii. Kɛji akɛto wɔ akɔntaabuu kɛha September 2000 lɛ he lɛ etsɔɔ nɔyaa ni woɔ mɔ hewalɛ yɛ nɔ ni miihe ashɛ nitsumɔ lɛ fãi srɔtoi lɛ fɛɛ amli. Nyɛfainɛ nyɛyaa nɔ kɛ nitsumɔ kpakpa lɛ!

◼ Mɛi fɛɛ ni abaptisi amɛ ni eba Sɔɔmɔ Kpee lɛ yɛ otsi ni ji January 14 lɛ anine baanyɛ ashɛ Advance Medical Directive/Release card lɛ kɛ Identity Card kɛha amɛbii bibii lɛ anɔ.

◼ Kɛjɛ March kɛyaa lɛ, maŋshiɛmɔ hee ni kpokpaa nɔkwɛlɔi baaha lɛ ji “Ni Aaaná Shweshweeshwe Shihilɛ yɛ Jeŋ ko ni Mli Yɔɔ Oshara Mli.”

◼ Esa akɛ asafoi ato gbɛjianɔ ni sa koni aye afi nɛɛ Kaimɔ lɛ Soo, March 28, beni hulu enyɔ shi. Eyɛ mli akɛ abaanyɛ aje wiemɔ lɛ shishi mra moŋ, shi esaaa ni akɛ okadi nibii lɛ haa, ja hulu enyɔ shi dã. Eyɛ mli akɛ ehi akɛ asafo fɛɛ asafo aaaye amɛ diɛŋtsɛ amɛ Kaimɔ gbi jurɔ lɛ moŋ, shi ekolɛ enɛ nyɛŋ aba lɛ nakai daa. Yɛ hei ni asafoi babaoo kpeɔ yɛ Maŋtsɛyeli Asa kome mli lɛ, ekolɛ asafo kome loo asafoi babaoo baanyɛ atao he kroko kɛha nakai gbɛkɛ lɛ. Yɛ hei ni eeehi feemɔ yɛ lɛ, wɔmiiwo ŋaa akɛ kɛ́ hoo lɛ aha minitii 40 aho dani gbɛjianɔtoo kɛha kpee kroko lɛ aje shishi, koni mɛi fɛɛ anyɛ aná nifeemɔ lɛ he sɛɛ kɛmɔ shi, bɔni afee ni aná be ni aŋa gbɔi lɛ, ni awo mɛi heei ni yɔɔ wiemɔ lɛ he miishɛɛ lɛ hewalɛ. Esa akɛ asusu tsɔnei agbɛtsĩi kɛ tsɔnei ashimaamɔhei ahe naagbai ahe, kɛ hei ni mɛi yiɔ shi yɛ tsɔnei amli kɛ hei ni amɛkwɔɔ yɛ lɛ he. Esa akɛ onukpai akuu lɛ asusu gbɛjianɔtoi ni baahi jogbaŋŋ kɛha amɛ yɛ he ni amɛyɔɔ lɛ he.

◼ Kɛji onukpai asɛinɔtalɔ lɛ nine shɛ wolo nɔ kɛjɛ Asafo lɛ dɛŋ daa nyɔŋ nɔ lɛ, ekwɛ koni akane tooyelii kɛha Society Kingdom Hall Fund lɛ kɛ jeŋ muu fɛɛ nitsumɔ lɛ fɛɛ ni nine eshɛ nɔ lɛ aha asafo lɛ, kɛfata shika he akɔntaabuu lɛ he.

◼ Aatsake Awake! ni akalaa yɛ Chinese wiemɔ kɛ Chinese ni afee lɛ Mlɛo lɛ mli lɛ kɛmiijɛ nyɔŋ fã kɛmiiya daa nyɔŋ.

◼ Aatsake Awake! ni akalaa daa otsii enyɔ yɛ Zulu wiemɔ mli lɛ koni akala lɛ daa nyɔŋ nɔ.

◼ Vidio Kasɛt Hee ni Nine Eshɛ Nɔ:

Kɔkɔbɔɔ He Nɔkwɛmɔnii Kɛha Wɔbe Nɛɛ (Drama)—Amerika Mumuii Awiemɔ.