Adafitswai

◼ Wolo ni akɛbaaha yɛ March: Nilee Ni Kɛ Mɔ Yaa Naanɔ Wala Mli. Abaabɔ mɔdɛŋ krɛdɛɛ ni aje shia Biblia mli nikasemɔi ashishi. April kɛ May: Buu-Mɔɔ lɛ kɛ Awake! woji tɛtrɛbii lɛ. Esa akɛ shiɛlɔi aha shiatsɛmɛi lɛ ale akɛ amɛbaanyɛ amɛye too kɛha jeŋ muu fɛɛ nitsumɔ lɛ kɛji amɛmiisumɔ. Yɛ he ni abaajie miishɛɛ kpo lɛ akɛ Taoɔ wolo bibioo lɛ aha, ni abɔ mɔdɛŋ jogbaŋŋ koni aje shia Biblia mli nikasemɔi ashishi. June: Mɛni Nyɔŋmɔ Taoɔ yɛ Wɔdɛŋ? loo Nilee Ni Kɛ Mɔ Yaa Naanɔ Wala Mli. Kɛ́ shiatsɛmɛi lɛ yɛ woji nɛɛ eko lɛ, no lɛ abaanyɛ akɛ woji bibii ni sa ni asafo lɛ yɔɔ eko lɛ aha.

◼ Esa akɛ shiɛlɔi ni miisumɔ ní amɛsɔmɔ akɛ gbɛgbalɔi awalɔi yɛ April mli lɛ ato gbɛjianɔ bianɛ ni amɛkɛ amɛ gbɛbimɔ woji lɛ aha mra. Enɛ baaye abua onukpai lɛ koni amɛto gbɛjianɔ ni he hiaa kɛha shiɛmɔyaa, ní aná woji tɛtrɛbii kɛ woji krokomɛi ni fa saŋŋ. Esa akɛ atsɛ́ mɛi fɛɛ ni akpɛlɛɔ amɛnɔ ákɛ gbɛgbalɔi awalɔi lɛ agbɛi atsɔɔ asafo lɛ.

◼ Abaaye Kaimɔ lɛ Soo, March 28, 2002. Kɛ Soo ji gbi ni nyɛ asafo lɛ feɔ kpeei lɛ, no lɛ esa akɛ atsake kpeei nɛɛ kɛya otsi lɛ mli gbi kroko nɔ, beni Maŋtsɛyeli Asa lɛ kã shi efolo. Kɛ enɛ ehiii feemɔ ni esa nyɛ Sɔɔmɔ Kpee lɛ he lɛ, no lɛ abaanyɛ akɛ efãi ni kɔɔ nyɛ asafo lɛ he titri lɛ awo Sɔɔmɔ Kpee kroko mli.

◼ Nitsumɔhe Nine (Asafo) lɛ kɛ woji ní shiɛlɔi aŋkroaŋkroi shɛɔ lɛ emajeee amɛ. Esa akɛ onukpai asɛinɔtalɔ lɛ ato gbɛjianɔ koni atswa adafi daa nyɔŋ nɔ koni mɛi fɛɛ ni miisumɔ ní amɛná amɛ diɛŋtsɛ amɛ woji lɛ aha nyɛmi nuu ni kwɛɔ woji anɔ lɛ ale, dani akɛ asafo daa nyɔŋ nɔ nibii ashɛɛ he wolo lɛ amaje Asafo lɛ. Nyɛfainɛ nyɛhaa woji ni ashɛɛɛ ashwieee shi lɛ ahia nyɛjwɛŋmɔ mli.

◼ Ehe miihia ní kui ni feɔ mɛi 20 loo nɔ ni fe nakai ní miito gbɛjianɔ ni amɛbasara Asafo lɛ nitsumɔhei lɛ aha (Nitsumɔhe Nine) (Asafo) lɛ ale enɛ kɛtsɔ woloŋmaa nɔ klɛŋklɛŋ. Nyɛkɛ wolo lɛ atsɔa adrɛs ni ji Watch Tower Society, P. O. Box GP 760, Accra nɔ. Nyɛfainɛ, nyɛkɛ saji ni tsɔɔ yibɔ ni baa, kɛ gbi (date) kɛ be ni amɛbaaba lɛ amajea. Dani nyɛbaaba lɛ, nyɛfainɛ nyɛtĩa March 1998 Wɔ Maŋtsɛyeli Sɔɔmɔ Sanebimɔ He ni kɔɔ hesaamɔ kɛ atadewoo ni sa beni ayasaraa Betel shiai amli lɛ mli.

◼ Ákala Buu-Mɔɔ lɛ agboi agbɛnɛ yɛ Efik, Igbo, kɛ Yoruba wiemɔi amli.

◼ Akɛ Roman (loo, Latin) niŋmaa okadii baakala woji ni yɔɔ Azerbaijani wiemɔi amli lɛ fɛɛ wɔsɛɛ. Yɛ be komɛi amli lɛ, abaakala ekomɛi yɛ Cyrillic wiemɔi amli.

◼ Woji Heei ni Yɔɔ:

Nilee Ni Kɛ Mɔ Yaa Naanɔ Wala Mli (Agbo lɛ)—Blɔfo

Yesaia Gbalɛ Lɛ—La Kɛha Adesai Fɛɛ II (Agbo lɛ)—Blɔfo

◼ Kasɛt Heei ni Yɔɔ:

Respect Jehovah’s Authority—Blɔfo

◼ Woji ni Nine Eshɛ nɔ Ekoŋŋ:

Mi-Wolo ni Gbaa Biblia Mli Saji—Blɔfo, Twi

Questions Young People Ask—Answers That Work—Blɔfo