Adafitswai

◼ Wolo ni akɛbaaha yɛ November: Mɛni Nyɔŋmɔ Taoɔ yɛ Wɔdɛŋ? loo Nilee Ni Kɛ Mɔ Yaa Naanɔ Wala Mli. Kɛ mɛi yɛ woji nɛɛ ekomɛi momo lɛ, no lɛ abaanyɛ akɛ Já Anɔkwa Nyɔŋmɔ Kome Lɛ loo wolo ko ni etsɛ aha. December: Gbɔmɔ ni Fe Mɔ Fɛɛ Mɔ ni Ehi Shi Pɛŋ. Kɛ́ enɛ eko bɛ lɛ, abaanyɛ akɛ Mi-Wolo ni Gbaa Biblia Mli Saji, The Bible-God’s Word or Man’s?, loo Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ lɛ aha. January: Wolo fɛɛ wolo ni afee dani afi 1988 shɛ ni ekolɛ nyɛ asafo lɛ yɔɔ eko. Kɛji akɛ nyɛbɛ enɛɛmɛi eko kwraa yɛ nyɛwojiatoohe lɛ, no lɛ nyɛfainɛ nyɛkwɛa akɛ ani asafoi ni bɛŋkɛ nyɛ lɛ yɛ woji ni etsɛ lɛ eko ni eshwɛ yɛ amɛwojiatoohe lɛ ni nyɛbaanyɛ nyɛkɛtsu nii lo. Asafoi ni bɛ woji ni etsɛ lɛ baanyɛ amɛkɛ Nyɔŋmɔ Sɛɛ Gbɛ ni Adesai Taoɔ wolo lɛ aha. February: Tsi Obɛŋkɛ Yehowa. Kɛji akɛ nyɛbɛ wolo nɛɛ eko lɛ, nyɛbaanyɛ nyɛkɛ Life—How Did It Get Here? By Evolution or by Creation? loo Kpojiemɔ—Enaagbee Kwraa lɛ Ebɛŋkɛ lɛ aha.

◼ Onukpai asɛinɔtalɔ lɛ loo mɔ ko ni ehala lɛ lɛ akwɛ asafo lɛ shika mli yɛ December 1 loo no sɛɛ nɔŋŋ. Kɛ́ akwɛ mli agbe naa lɛ, esa akɛ atswa asafo lɛ adafi beni akaneɔ shika he akɔntaabuu ni baanyiɛ sɛɛ lɛ.

◼ Esa akɛ asafoi abɔi The Watchtower kɛ Awake! wolokpoi kɛha afi 2003 lɛ shɛɛ kɛfata woji ni amɛbaashɛ kɛnyiɛ sɛɛ lɛ he.

◼ Esa akɛ asafo fɛɛ asafo woloŋmalɔ lɛ ayana nitsumɔhe nine lɛ amrɔ nɔŋŋ kɛji akɛ abi toowoo loo gbɛjianɔtoo ko he sane.

◼ Esa akɛ aŋma “Jehovah’s Witnesses” yɛ tsɛk ni akɛtsuɔ onia ni akɛwoɔ oniatsumɔ adekai kɛha jeŋ muu fɛɛ nitsumɔ kɛ Maŋtsɛyeli Asa Tsumaa Fotro adekai ni yɔɔ nyɛ Maŋtsɛyeli Asa lɛ nɔ lɛ mli lɛ nɔ. Esa akɛ aŋma “Watch Tower” yɛ tsɛk ni akɛhaa ákɛ oniatsumɔ yɛ kpokpaa wulu nɔ kpeei ashishi kɛ nɔ ni akɛmajeɔ kɛyaa nitsumɔhe nine lɛ nɔ ákɛ mɛi ni abaawo aha. Nitsumɔhe nine lɛ shika gbɛjianɔtoo he adrɛs ji Watch Tower Bible and Tract Society of Ghana, P. O. Box GP 760, ACCRA.

◼ OFAINƐ KADIMƆ: Bɔni afee ni mɛi babaoo ayifalɛ lɛ kɛ naagba akaba hewɔ lɛ, esa akɛ kpokpai amli bii ni atsɔɔ akɛ amɛya Accra kɛ Kumasi majimaji ateŋ kpeei lɛ pɛ aya jɛmɛ.