Sɔɔmɔ Kpee He Gbɛjianɔtoo

Otsi ni Jeɔ Shishi July 12

Lala 108

Min. 12: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha akɛ gbɛtsɔɔmɔi ni yɔɔ baafa 4 lɛ atsu nii (kɛ́ ehi ha nyɛ asafo lɛ shikpɔŋkuku lɛ) ni akɛfee nɔkwɛmɔnii ni tsɔɔ bɔ ni abaafee akɛ July 1 Buu-Mɔɔ kɛ July 8 Awake! lɛ aha. Yɛ eko fɛɛ eko mli lɛ, ha shiɛlɔ lɛ kɛ naanyobɔɔ su awie wiemɔ kuku ko kɛkpa hiɛ. Tsii tã otsɔɔ akɛ no feemɔ baanyɛ eha shiatsɛ lɛ aná miishɛɛ.

Min. 18: “Kasemɔ Yehowa Jalɛsaneyeli Lɛ.”a Ha toibolɔi lɛ awie ŋmalɛi ni atsɛ yisɛɛ lɛ ahe bɔ ni be baaŋmɛ gbɛ.

Min. 15: Wiemɔ “Kpee Krɛdɛɛ Gbi He Gbɛjianɔtoo Hee” lɛ he. Tsɔɔmɔ gbi nɔ ni abaafee kpee krɛdɛɛ gbi ni baa lɛ, koni owo mɛi fɛɛ hewalɛ ni amɛya. Tsĩi tã akɛ mɛi fɛɛ ni miisumɔ ni abaptisi amɛ lɛ aha onukpai asɛinɔtalɔ lɛ ale.

Lala 16 kɛ naagbee sɔlemɔ.

Otsi ni Jeɔ Shishi July 19

Lala 83

Min. 10: Asafoŋ adafitswai. Wiemɔ bɔ ni ehe hiaa ni aya nɔ ahiɛ daa gbi Biblia kanemɔ he gbɛjianɔtoo mli kɛ́ afã gbɛ kɛtee he ko kɛha hejɔɔmɔ po lɛ he. Okɛ saji ni yɔɔ August 15, 2000 Buu-Mɔɔ lɛ baafa 32 lɛ afata he.

Min. 15: Biblia Lɛ—Wolo ko ni Gbalɛi ni Anyɛɔ akɛ He Fɔ̃ɔ nɔ Yɔɔ Mli. Wiemɔ kɛ toibolɔi ni akɛaagba sane ni damɔ wolo bibioo ni ji Wolo Kɛha Gbɔmɛi Fɛɛ lɛ baafa 27-29 lɛ nɔ. Wɔkɛ mɛi ni yɔɔ wɔsɛɛ be he miishɛɛ lɛ fɔɔ kpee yɛ wɔshiɛmɔ nitsumɔ lɛ mli. Biblia lɛ kɛ saji ni anyɛɔ akɛ he fɔ̃ɔ nɔ, ni tsɔɔ wɔsɛɛ be ni yɔɔ miishɛɛ kɛha adesai ni feɔ toiboo lɛ haa. Wiemɔ Biblia mli gbalɛi komɛi ni woɔ hekɛnɔfɔɔ ni wɔyɔɔ yɛ Biblia gbalɛi kɛha wɔsɛɛ be lɛ mli hewalɛ lɛ ahe. Ha shiɛlɔ ko afee bɔ ni abaanyɛ akɛ Biblia mli saji atsu nii ni akɛye abua mɔ ko ni yɔɔ wiemɔ lɛ he miishɛɛ koni ená hekɛnɔfɔɔ yɛ Biblia lɛ mli lɛ he nɔkwɛmɔnɔ kuku.

Min. 20: “Ní Wɔɔfee Biblia Mli Nikasemɔi ni Yaa Hiɛ—Fã 1.” Wiemɔ ko ni sɔɔmɔ nitsumɔ nɔkwɛlɔ lɛ baatsu he nii. Ha toibolɔi lɛ awie saji ni yɔɔ Proclaimers wolo lɛ baafa 572-574 lɛ ni tsɔɔ bɔ ni Biblia mli nikasemɔ nitsumɔ lɛ etee nɔ eha yɛ ŋmɛnɛŋmɛnɛ beaŋ lɛ ahe. Teemɔ nyɛmimɛi lɛ amiishɛɛ shi kɛha saji ni baanyiɛ sɛɛ kɛba lɛ ahe. Saji ni abaasusu he lɛ ekomɛi ji, bɔ ni asaa he koni akwɛ nikasemɔ nɔ, bɔ ni ayeɔ abuaa nikaselɔ lɛ koni esaa ehe kɛha nikasemɔ lɛ, nii abɔ ni esa akɛ akase, bɔ ni akɛ ŋmalɛi lɛ tsuɔ nii jogbaŋŋ ahaa, bɔ ni esa akɛ atsu saji ni nikaselɔ lɛ biɔ lɛ he nii aha, bɔ ni esa akɛ aje sɔlemɔ shishi aha, kɛ bɔ ni aaafee atsɔɔ nikaselɔ lɛ gbɛ kɛba gbɛjianɔtoo lɛ mli. Wo mɛi fɛɛ hewalɛ ni amɛkɛ gbɛtsɔɔmɔi ni akɛha lɛ atsu nii ni amɛkɛ wolo nɛɛ ato kɛha niiamlipɛimɔ wɔsɛɛ.

Lala 10 kɛ naagbee sɔlemɔ.

Otsi ni Jeɔ Shishi July 26

Lala 216

Min. 12: Asafoŋ adafitswai. Shika he akɔntaabuu. Kaimɔ shiɛlɔi koni amɛkɛ amɛshiɛmɔyaa he akɔntaabui kɛha July aha. Ha akɛ gbɛtsɔɔmɔi ni yɔɔ baafa 4 lɛ atsu nii ni akɛfee nɔkwɛmɔnii ni tsɔɔ bɔ ni abaafee akɛ July 15 Buu-Mɔɔ kɛ July 22 Awake! lɛ aha. Ha afee nɔkwɛmɔnɔ ko ni miitsɔɔ wolo tɛtrɛɛ lɛ eko ni akɛmiiha mɔ ko ni nyɛɛɛ awie nyɛmaŋ wiemɔ lɛ jogbaŋŋ lɛ yɛ nɔkwɛmɔnɔ lɛ ekome mli.

Min. 8: Sanebimɔ He. Onukpa ko baatsu he nii. Kanemɔ ni owie sane muu lɛ fɛɛ he.

Min. 25: “Bɔ ni Ashiɛɔ yɛ Shikpɔŋkuku ni Nitsumɔhei Yɔɔ Mli lɛ Mli Ahaa.”b Tsii gbɛjianɔi ni nyɛto ni akɛtsuɔ nii yɛ shikpɔŋkuku ni nitsumɔhei yɔɔ mli lɛ atã. Ha afee shiɛmɔ wiemɔi enyɔ ni yɔɔ kuku 4-5 lɛ, loo shiɛmɔ wiemɔ kroko ni mɔɔ shi jogbaŋŋ yɛ heni nyɛyɔɔ lɛ he nɔkwɛmɔnɔ kuku. Ha toibolɔi lɛ agba niiashikpamɔi ni woɔ mɔ hewalɛ ni amɛná beni amɛtsuɔ nii yɛ shikpɔŋkuku ni nitsumɔhei yɔɔ mli lɛ amli lɛ bɔ ni be baaŋmɛ gbɛ.

lala 173 kɛ naagbee sɔlemɔ.

Otsi ni Jeɔ Shishi August 2

Lala 60

Min. 8: Asafoŋ adafitswai.

Min. 22: Ani Otsɔɔ Yiŋtoo ni Yɔɔ Sɛɛ Lɛ? Wiemɔ kɛ sanegbaa ni damɔ Sɔɔmɔ Skul wolo lɛ baafa 254 lɛ kuku 1-2 lɛ nɔ. Kɛ́ wɔtsɔɔ nii yɛ shiɛmɔ nitsumɔ lɛ mli loo wiemɔ kpoku lɛ nɔ, ni wɔtsɔɔ ŋmalɛ ko mli ni wɔtsɔɔ bɔ ni abaanyɛ akɛtsu nii, ni wɔtsɔɔ yiŋtoo hewɔ ni wɔkɛɔ nakai lɛ mli lɛ, wɔnitsɔɔmɔ lɛ baamɔ shi jogbaŋŋ fe ni wɔɔwie kɛkɛ akɛ nakai eji lɛ. Okɛ nɔkwɛmɔnii ni jɛ Reasoning wolo lɛ kɛ woji krokomɛi amli ni hi kɛha nyɛshikpɔŋkuku lɛ atsu nii ni okɛtsɔɔ bɔ ni aaafee ni (1) ahala ŋmalɛ ko mli wiemɔ otii ni atsɔɔ mli, (2) akɛ wiemɔ ko ni yɔɔ nakai ŋmalɛ loo ŋmalɛ kroko mli ni wieɔ nakai sane lɛ he lɛ afi sɛɛ, (3) okɛ nɔkwɛmɔnii atsu nii ni okɛtsɔɔ jwɛŋmɔ ni yɔɔ nɔ ni okɛɛ lɛ mli, kɛ (4) ni okɛ sanebimɔi atsu nii kɛye abua toibolɔi lɛ koni amɛjwɛŋ sane lɛ he. Maa sɛɛnamɔi ni yɔɔ yiŋtoi ni yɔɔ sɛɛ lɛ ni wɔɔha ale lɛ nɔ mi.

Min. 15: Asafoŋ niiashikpamɔi. Ha toibolɔi lɛ agba niiashikpamɔi ni woɔ mɔ hewalɛ ni amɛná beni amɛtee kpokpaa wulu nɔ kpee, amɛkɛ amɛhe wo gbɛgbalɔi awamɔ nitsumɔ lɛ mli, loo ni amɛkɛ amɛhe wo jamɔ he nitsumɔi krokomɛi amli nyɛsɛɛ nɛɛ lɛ he sane.

Lala 32 kɛ naagbee sɔlemɔ.

[Shishigbɛ niŋmai]