Vidio Gbɛjianɔtooi ni Akɛwo DVD Nɔ

Vidio gbɛjianɔtoi etɛ yɛ DVD ni gbɛi ji Transfusion Alternatives—Documentary Series lɛ mli. Afee Transfusion-Alternative Strategies—Simple, Safe, Effective lɛ aha datrɛfoi kɛ helatsamɔ he nikaselɔi, ni no hewɔ lɛ tsofafeemɔ he mfoniri babaoo yɛ no mli fe vidio krokomɛi enyɔ lɛ. Afee Transfusion-Alternative Health Care—Meeting Patient Needs and Rights lɛ titri aha tsofafeemɔ he woloŋmalɔi, gbɔmɔtsoŋ hewalɛnamɔ he nitsulɔi, adesai ashihilɛi ahe nitsulɔi, kɛ kojolɔi. Etsɔɔ bɔ ni afeɔ atsuɔ helatsɛmɛi atsofafeemɔ mli hiamɔ nii ahe nii, ni yɛ nakai bei amli nɔŋŋ lɛ ayɔse hegbɛ ni amɛyɔɔ lɛ hu. Afee No Blood—Medicine Meets the Challenge lɛ aha maŋbii titri. Wiemɔi ni fata DVD ni afee yɛ Blɔfo wiemɔ mli lɛ he ji France, Germany, Italy, Japan, Portugal (Brazil), Russia, kɛ Spain wiemɔi. Ofainɛ jɛɛ heyeli mli koni okɛ odatrɛfonyo, Biblia mli nikaselɔi, ohefatalɔ, owekumɛi ni jeee Odasefoi, otsɔɔlɔi, onanemɛi nitsulɔi, kɛ onanemɛi skulbii lɛ akwɛ vidio nɛɛ.