OKƐTO
Ŋaawoi ni Abaanyɛ Akɛtsu Nii Kɛ́ Akɛ Woji Bibii Miiha
Akɛ ŋaawoi srɔtoi ni obaanyɛ okɛtsu nii kɛsaa ohe yɛ nɔ ni obaawie yɛ woji bibii lɛ ahe koni onyɛ okɛha lɛ ewo nɔ ni akɛhɔ mli nɛɛ mli. Obaanyɛ odamɔ bɔ ni shihilɛ lɛ yɔɔ ha yɛ he ni oyɔɔ lɛ nɔ otsake wiemɔi nɛɛ amli. Abaanyɛ akɛ shiɛmɔ wiemɔi krokomɛi hu atsu nii. Abaanyɛ akwɛ ŋaawoi ni akɛha nɛɛ anɔ asaa he kɛha shiɛmɔ wiemɔi ni akɛbaatsu nii kɛ́ akɛ woji bibii ni atsĩko tã yɛ enɛ mli lɛ miiha.—Kwɛmɔ January afi 2005 Wɔ Maŋtsɛyeli Sɔɔmɔ lɛ baafa 8 lɛ mli.
Ŋaawoi ni akɛha yɛ baafa nɛɛ mli lɛ ateŋ eko fɛɛ eko hiɛ (1) sanebimɔ ko ni haa asusuɔ nii ahe ní akɛbaaje sanegbaa lɛ shishi, (2) wolo bibioo lɛ mli he ni sane ni awieɔ he lɛ jeɔ kpo yɛ, kɛ (3) ŋmalɛ ko ni sa jogbaŋŋ ni abaanyɛ akane yɛ sanegbaa lɛ mli. Obaanyɛ odamɔ hetoo ni mɔ lɛ baaha lɛ nɔ okɛ bo diɛŋtsɛ owiemɔi atsu nii kɛtsa sanegbaa lɛ nɔ.
Wolo Kɛha Gbɔmɛi Fɛɛ
“Ani osusuɔ akɛ ŋaawoi komɛi yɛ Biblia lɛ mli ni abaanyɛ akɛtsu nii ŋmɛnɛ?”—Niŋmaa ni akpa lɛ afã ni yɔɔ bf. 22 lɛ; bf. 23 akrabatsa lɛ mli kk. 3; Abɛi 25:11.
Shihilɛ ni Yɔɔ Miishɛɛ—Bɔ ni Aaafee Aná
“Gbɔmɛi ni yɔɔ je lɛŋ fɛɛ lɛ miitao shihilɛ kpakpa. Ani osusuɔ akɛ abaanyɛ aná shihilɛ ni yɔɔ miishɛɛ diɛŋtsɛ be ko?”—bf. 29, kk. 6; 2 Pet. 3:13.
Ná Wala Mli Ŋɔɔmɔ yɛ Shikpɔŋ Nɔ Kɛya Naanɔ!
“Mɛi pii susuɔ akɛ ja amɛtee ŋwɛi dani amɛbaanyɛ amɛhi shi kɛya naanɔ, shi mɛni ji osusumɔ yɛ shikpɔŋ lɛ nɔ ní abaahi kɛya naanɔ lɛ he?”—Mfoniri ni yɔɔ ehiɛ kɛ esɛɛ lɛ; Kpoj. 21:4.
Ani Esa akɛ Ohe Triniti lɛ Oye?
“Mɛi hiɛ susumɔi srɔtoi yɛ mɔ ni Nyɔŋmɔ ji diɛŋtsɛ lɛ he. Ani osusuɔ akɛ esa akɛ wɔkpɛlɛ susumɔi nɛɛ amli eko fɛɛ eko kɛkɛ nɔ?”—bf. 3, kk. 3, 7-8; Yoh. 17:3.
The Divine Name That Will Endure Forever
“Wɔteaŋ mɛi babaoo le sɔlemɔ ni ajeɔ shishi akɛ “Wɔtsɛ ni yɔɔ ŋwɛi, ogbɛi lɛ he atse” lɛ. (Mat. 6:9) Shi ani ole akɛ ja wɔle nakai gbɛi lɛ dani abaahere wɔyiwala?”—bf. 28, kk. 1; Rom. 10:13.
Nɔyeli Ni Kɛ Paradeiso Baaba
“Mɛi babaoo miishwe koni aná naagbai ni wɔkɛkpeɔ ŋmɛnɛ lɛ anaa tsabaa. Ani osusuɔ akɛ nɔyeli ni baanyɛ aha naagbai nɛɛ asɛɛ afo lɛ baaba be ko?”—bf. 3, kk. 1; Mat. 6:9, 10.
Mɛni Baa Wɔnɔ Kɛ́ Wɔgboi?
“Kɛ́ wɔsuɔlɔi gboi lɛ, bei pii lɛ wɔsusuɔ shihilɛ mli ni amɛyaje lɛ he, ni wɔyiŋ feɔ wɔ kɔshikɔshi kɛji wɔɔnyɛ wɔna amɛ ekoŋŋ. Ani osusu sanebimɔi ni tamɔ enɛɛmɛi ahe pɛŋ?”—Sanebimɔi ni yɔɔ wolo lɛ sɛɛ; Hiob 14:14, 15.
Beni Mɔ Ko ni Osumɔɔ Lɛ Egbo
“Wɔkɛ wolo bibioo ni eshɛje mɛi akpei abɔ ni amɛsuɔlɔi egboi lɛ amii ní eha amɛná hiɛnɔkamɔ hu lɛ miiha mɛi ŋmɛnɛ. Ani osusu hiɛnɔkamɔ ni yɔɔ kɛha mɛi ni egboi lɛ he pɛŋ?”—bf. 27, kk. 3; Yoh. 5:28, 29.
“Ani osusu bɔ ni ooofee oshɛje mɔ ko ni suɔlɔ egbo lɛ mii lɛ he pɛŋ?”—bf. 20, kk. 1; Abɛi 17:17.