Woji Bibii Kɛha Mɛi ni Yɔɔ Jamɔi ni Jeee Kristojamɔ Lɛ Amli
Lasting Peace and Happiness—How to Find Them
Kɛ́ ooye China skul nikaselɔ ko odase lɛ, obaanyɛ okɛɛ akɛ:
“Nɔ ko ni miyɔse akɛ skul nikaselɔi pii susuɔ he waa ji akɛ amɛ fɛɛ amɛmiisumɔ ni amɛná toiŋjɔlɛ kɛ miishɛɛ. Ani osusuɔ akɛ ehe miihia ni asusu nɔ ko tamɔ nɛkɛ he? [Ŋmɛɛ gbɛ ni eha hetoo.] Ani efeŋ nɔ ni yɔɔ miishɛɛ akɛ aaana akɛ wiemɔ ni aŋma yɛ blema nɛɛ eba mli?” Kanemɔ Lala 37:11, ni okɛ wolo bibioo lɛ aha.—km-GA 2/98 bf. 5.
“Naa! Miifee Nii Fɛɛ Ehee”
Obaanyɛ okɛɛ mɔ ko ni eda ni eji Buddhanyo lɛ akɛ:
“Ekolɛ susumɔi gbohii ni efa babaoo, kɛ bɔ ni enɛɛmɛi náa wɔbii lɛ anɔ hewalɛ ehaa lɛ gbáa onaa tamɔ mi nɔŋŋ. Mɛni hewɔ oblahii kɛ oblayei babaoo kɛ amɛhe ewo jeŋba shara mli nɛkɛ? [Ŋmɛɛ gbɛ ni eha hetoo.] Ani ole akɛ agba enɛ he sane afɔ̃ shi yɛ wolo ko ni aje eŋmaa shishi jeeŋmɔ dani Muslim jamɔ, Kristofoi ajamɔ, kɛ Hindu jamɔ je shishi lɛ mli? [Kanemɔ 2 Timoteo 3:1-3.] Kadimɔ akɛ, yɛ nii ni mɛi yaa nɔ amɛkaseɔ lɛ fɛɛ sɛɛ lɛ, nɛkɛ shihilɛi nɛɛ miiya nɔ. [Kanemɔ kuku 7 lɛ.] Wolo nɛɛ eye ebua mi ni minu anɔkwalei ni gbɔmɛi pii leko lɛ ashishi. Ani obaasumɔ ni okane?”—km-GA 8/99 bf. 8.
Our Problems—Who Will Help Us Solve Them?
Obaanyɛ okɛɛ Hindunyo ni edako lɛ akɛ:
“Ŋwanejee ko bɛ he akɛ oheɔ Nyɔŋmɔ nɔ oyeɔ. Mɛni osusuɔ akɛ no ji yiŋtoo hewɔ ni Nyɔŋmɔ bɔ wɔ? [Ŋmɛɛ gbɛ ni eha hetoo. No sɛɛ lɛ, kanemɔ 1 Mose 1:28.] Gbɔmɛi ayi efá kɛteke nɔ yɛ maji babaoo amli, ni amɛshihilɛ mli eyi obɔ kɛ naagbai sɔŋŋ. Ani osusuɔ akɛ Bɔlɔ lɛ baasumɔ koni eye ebua wɔ kɛná wɔnaagbai lɛ anaa tsabaa?” Ŋmɛɛ gbɛ ni eha hetoo. No sɛɛ lɛ, okɛ wolo bibioo lɛ aha lɛ.—km-GA 9/99 bf. 8.
The Guidance of God—Our Way to Paradise
Kɛ́ okɛ Muslimnyo miiwie lɛ, obaanyɛ okɛɛ akɛ:
“Miibɔ mɔdɛŋ jogbaŋŋ koni mikɛ Muslimbii agba sane. Miná mile akɛ Muslimbii heɔ anɔkwa Nyɔŋmɔ kome lɛ kɛ gbalɔi lɛ fɛɛ anɔ amɛyeɔ. Ani eji anɔkwale? [Ŋmɛɛ gbɛ ni eha hetoo.] Masumɔ ni mikɛ bo asusu blema gbalɛ ko ní kɔɔ shikpɔŋ lɛ ni abaatsake lɛ afee lɛ paradeiso lɛ he. Ani obaasumɔ ni makane nɔ ni gbalɔ lɛ ŋma lɛ matsɔɔ bo? [Ŋmɛɛ gbɛ ni eha hetoo. No sɛɛ lɛ, kanemɔ Yesaia 11:6-9.] Nɛkɛ gbalɛ nɛɛ haa mikaiɔ wiemɔ ko ni yɔɔ Koran lɛ mli ní atsɛ́ yisɛɛ yɛ wolo bibioo nɛɛ mli lɛ.” Gbelemɔ kɛya baafa 9 lɛ, ni okane wiemɔi ni atsɛ yisɛɛ ni akɛ niŋmaa okadii ni mli ti eŋma lɛ. Kɛ́ ená he miishɛɛ lɛ, nyɛtsáa sanegbaa lɛ nɔ kɛtsɔ kuku 7-9 ni yɔɔ baafa ni tsá nɔ lɛ ni nyɛaasusu he lɛ nɔ.—km-GA 11/99 bf. 8.
Why Should We Worship God in Love and Truth?
Ekolɛ Hindunyo ko ni yɔɔ weku lɛ baanyá shiɛmɔ wiemɔ nɛɛ he:
“Miisara mɛi ni susuɔ bɔ ni weku shihilɛ yɔɔ ha ŋmɛnɛ yɛ shikpɔji babaoo anɔ lɛ he lɛ. Mɛni osusuɔ akɛ no baaye abua koni weku mli bii kɛ amɛhe ahi shi yɛ ekomefeemɔ mli? [Ŋmɛɛ gbɛ ni eha hetoo.] Mɛi komɛi le nɔ ni Hindu ŋmalɛi lɛ kɛɔ yɛ weku shihilɛ he, shi amɛnáko hegbɛ akɛ amɛkɛ enɛ aaato nɔ ni Biblia lɛ hu yɔɔ kɛɛmɔ yɛ sane nɛɛ he lɛ he. Masumɔ ni mikɛ bo asusu sane nɛɛ he. [Kanemɔ Kolosebii 3:12-14.] Wolo bibioo nɛɛ pɛiɔ India ŋmalɛi krɔŋkrɔŋi lɛ kɛ Biblia lɛ hu mli.” Okɛ wolo bibioo lɛ aha lɛ, ni otsĩ saji otii ni yɔɔ baafa 8-9 kɛ 20-21 lɛ atã.—km-GA 9/99 bf. 8.
Will There Ever Be a World Without War?
Kɛ́ ooye Yuda jamɔ mlinyo ko odase lɛ, obaanyɛ okɛɛ akɛ:
“Wɔteŋ mɛi babaoo werɛ eho wɔhe waa pɛŋ yɛ wɔsuɔlɔ ko gbele hewɔ. Mɛni osusuɔ akɛ ebaa mɛi anɔ kɛ́ amɛgboi?” Ŋmɛɛ gbɛ ni eha hetoo. No sɛɛ lɛ, okɛ akrabatsa ni yitso ji “Death and the Soul—What Are They?” (Mɛni Ji Gbele kɛ Susuma Lɛ?) ni yɔɔ wolo bibioo lɛ baafa 22 lɛ atsɔɔ lɛ. Kanemɔ kuku 17 ni yɔɔ baafa 23 ní kɔɔ gbohiiashitee lɛ he lɛ. Tsĩi tã otsɔɔ lɛ akɛ blematsɛ Hiob hé gbohiiashitee he hiɛnɔkamɔ lɛ eye. Okɛ wolo bibioo lɛ aha lɛ, ni oto gbɛjianɔ koni oku osɛɛ kɛya eŋɔɔ ekoŋŋ ni nyɛyasusu ŋmalɛi ni yɔɔ kuku 17 lɛ naagbee gbɛ lɛ he.—km-GA 10/99 bf. 8.