Sɔɔmɔ Kpee He Gbɛjianɔtoo
Otsi ni Jeɔ Shishi July 11
Min. 8: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛsafo lɛ shikpɔŋkuku lɛ) ni akɛfee nɔkwɛmɔnɔ ni tsɔɔ bɔ ni abaafee akɛ July 1 Buu-Mɔɔ loo July 8 Awake! lɛ aha. Abaanyɛ akɛ shiɛmɔ wiemɔi krokomɛi ni kɔɔ shihilɛi diɛŋtsɛ ni akɛkpeɔ lɛ he lɛ atsu nii. Ha nɔkwɛmɔnɔ lɛ atsɔɔ bɔ ni abaafee akɛ mɔ ni tsĩɔ sanegbaa naa kɛtsɔ kɛɛmɔ ni ekɛɔ akɛ, “I’m busy” (Mibɛ dekã) lɛ nɔ lɛ agba sane.—Kwɛmɔ Reasoning wolo lɛ bf. 19-20.
Min. 20: Woji Bibii Kɛhamɔ yɛ July kɛ August. Wiemɔ kɛ toibolɔi ni akɛaagba sane ni damɔ nɔ ni aŋma ahɔ mli lɛ nɔ. Tsɔɔmɔ gbɛ nɔ ni abaatsɔ akɛ nɔ ni aŋma ahɔ mli lɛ atsu nii, ni oti saji ni yɔɔ akrabatsa ni yɔɔ baafa 3 lɛ kɛ agbɛnɛ saji otii titrii ni yɔɔ January afi 2005 Wɔ Maŋtsɛyeli Sɔɔmɔ lɛ baafa 8 lɛ amli kuku. Nyɛgbaa shiɛmɔ wiemɔi ni sa ní abaanyɛ akɛtsu nii yɛ nyɛshikpɔŋkuku lɛ mli yɛ klɛŋklɛŋ saramɔ lɛ mli kɛ́ akɛ woji bibii lɛ miiha lɛ ahe sane. Ha afee shiɛmɔ wiemɔi lɛ enyɔ loo etɛ he nɔkwɛmɔnɔ. Ha shiɛlɔ ko ni edako afee kɛ́ hooo kwraa lɛ shiɛmɔ wiemɔi lɛ ateŋ ekome he nɔkwɛmɔnɔ.
Min. 17: “Sanekpakpa lɛ ni Wɔkɛaaha Mɛi Fɛɛ ni Wɔnine Baanyɛ Ashɛ Amɛnɔ.” Kɛ́ nyɛmiisusu kuku 5 lɛ he lɛ, tĩi gbɛtsɔɔmɔi ni yɔɔ June afi 2005 Wɔ Maŋtsɛyeli Sɔɔmɔ lɛ baafa 8 lɛ ni kɔɔ nyɛshikpɔŋkuku lɛ he lɛ amli.
Lala 196 kɛ naagbee sɔlemɔ.
Otsi ni Jeɔ Shishi July 18
Lala 173
Min. 10: Asafoŋ adafitswai. Wiemɔ sane ni yɔɔ August 15, afi 2000, Buu-Mɔɔ lɛ baafa 32 lɛ he kuku. Tsĩi sɛɛnamɔi ni yɔɔ ya ni wɔɔya nɔ wɔhiɛ daa gbi Biblia kanemɔ he gbɛjianɔtoo mli kɛ́ wɔfã gbɛ kɛtee he ko kɛha hejɔɔmɔ loo beni wɔtee he ko ni wɔnyɛŋ wɔtsu wɔdaa gbi nifeemɔi ahe nii yɛ lɛ po tã.
Min. 15: “Ní Wɔɔfee Biblia Mli Nikasemɔi ni Yaa Hiɛ—Fã 11” Ha afee nɔkwɛmɔnɔ kuku ko ni miitsɔɔ nikasemɔ nɔkwɛlɔ ko ni kɛ shiɛlɔ hee ko miisaa amɛhe kɛha sɛɛkuu-kɛsaramɔ. Amɛtĩ sane ni agba yɛ klɛŋklɛŋ saramɔ lɛ mli lɛ mli, ni amɛhala sane oti ni sa ni amɛbaawie he kɛ́ amɛku amɛ sɛɛ kɛtee lɛ. Amɛto hiɛkpamɔ wiemɔ ko ni yɔɔ mlɛo, kɛ sane ko ni amɛbaanyɛ amɛbi kɛ́ amɛgbe saramɔ lɛ naa lɛ hu he gbɛjianɔ. Nɔkwɛmɔnɔ lɛ baaba naagbee beni amɛfee klalo akɛ amɛbaafee shiɛmɔ wiemɔ lɛ he nɔkwɛmɔnɔ amɛkwɛ lɛ.
Min. 20: Ye Obua Mɛi Krokomɛi Koni Amɛhiɛ Asɔ Biblia Lɛ. Sanebimɔ kɛ hetoo he sanegbaa ni baadamɔ Já Nyɔŋmɔ wolo lɛ baafa 24-25, kuku 3-6 lɛ nɔ. Okɛ nikasemɔ lɛ he sanebimɔi ni yɔɔ wolo lɛ mli lɛ atsu nii. Okɛ wiemɔi ni yɔɔ wolo bibioo ni ji Wolo Kɛha Gbɔmɛi Fɛɛ lɛ baafa 32 lɛ afata he.
Lala 10 kɛ naagbee sɔlemɔ.
Otsi ni Jeɔ Shishi July 25
Min. 15: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛsafo lɛ shikpɔŋkuku lɛ) ni akɛfee nɔkwɛmɔnɔ ni tsɔɔ bɔ ni abaafee akɛ July 15 Buu-Mɔɔ kɛ July 22 Awake! lɛ aha. Abaanyɛ akɛ shiɛmɔ wiemɔ kroko ni kɔɔ shihilɛi diɛŋtsɛ ni akɛkpeɔ lɛ he lɛ atsu nii. Ha afee woji tɛtrɛbii lɛ ni akɛmiiha yɛ jara nɔ loo he ko ni sa ni mɛi pii yɔɔ lɛ he nɔkwɛmɔnɔ yɛ nɔkwɛmɔnii lɛ ekome mli.
Min. 15: Dũ Anɔkwale lɛ Owo Obii lɛ Atsuiŋ. (5 Mose 6:7) Wiemɔ ni damɔ August 15, afi 2002 Buu-Mɔɔ lɛ baafa 30-31 lɛ nɔ ní onukpa ko baaha. Tsĩi Ŋmalɛ naa shishitoo mlai ni tsɔɔ gbɛ nɔ ni fɔlɔi ni ji Kristofoi ni amɛhefatalɔi jeee Odasefoi lɛ baatsɔ nɔ amɛtsɔse amɛbii lɛ tã.
Min. 15: “Nyɔmɔ ni Wɔhiɛ Mɛi Krokomɛi.” Okɛ wiemɔi ni yɔɔ July 1, afi 2000 Buu-Mɔɔ lɛ baafa 11, kuku 13 lɛ afata he.
Lala 82 kɛ naagbee sɔlemɔ.
Otsi ni Jeɔ Shishi August 1
Lala 187
Min. 15: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha July lɛ aha. Ha toibolɔi lɛ agbele Sɔɔmɔ Skul wolo lɛ baafa 70 lɛ, ni okɛ amɛ agba sane kɛsusu kuku 1-2 lɛ kɛ agbɛnɛ akrabatsa ni yitso ji “Bɔ ni Ahaa Saji Ahetoo yɛ Kpeei Ashishi” lɛ ahe.
Min. 15: “Ye Obua Obii lɛ Koni Amɛya Amɛhiɛ yɛ Shiɛmɔ Nitsumɔ lɛ Mli.” Wiemɔ kɛ toibolɔi ni akɛaagba sane. Ha afee nɔkwɛmɔnɔ ni kɔɔ fɔlɔ ko kɛ ebi ni amɛkɛ shiɛmɔ wiemɔ ni yɔɔ mlɛo miitsu nii lɛ he. Ha fɔlɔ lɛ atsɔɔ oniatsumɔ he gbɛjianɔtoo lɛ mli kuku kɛmu shiɛmɔ wiemɔ lɛ naa.
Min. 15: Ani Oka Shiɛmɔ Wiemɔi Srɔtoi ni Mɔɔ Shi lɛ Okwɛ? Wiemɔ kɛ toibolɔi ni akɛaagba sane ni damɔ March afi 2005 Wɔ Maŋtsɛyeli Sɔɔmɔ lɛ baafa 6 lɛ nɔ. Tĩi gbɛtsɔɔmɔi ni akɛha lɛ mli, ni otsɔɔ gbɛ ni abaanyɛ atsɔ nɔ akɛ shiɛmɔ wiemɔi srɔtoi ni mɔɔ shi atsu nii be mli ni akɛ wolo ni akɛbaaha yɛ August lɛ haa lɛ. Ha afee shiɛmɔ wiemɔ lɛ ekome loo enyɔ he nɔkwɛmɔnɔ.
Lala 218 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.