Sɔɔmɔ Kpee He Gbɛjianɔtoo

Otsi ni Jeɔ Shishi July 10

Lala 4

Min. 10: Asafoŋ adafitswai. Ha akɛ gbɛtsɔɔmɔi ni yɔɔ baafa 4 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii kɛfee nɔkwɛmɔnɔ kɛtsɔɔ bɔ ni abaafee ni akɛ July 1 Buu-Mɔɔ lɛ aha, ní akɛ klɛŋklɛŋ gbɛtsɔɔmɔ ni akɛha kɛha July Awake! lɛ hu afee bɔ ni aaafee ni akɛha lɛ he nɔkwɛmɔnɔ. Ha nɔkwɛmɔnii lɛ ateŋ ekome akɔ gbɛ ni aaatsɔ nɔ akɛ mɔ ko ni tsĩɔ sanegbaa naa kɛtsɔ kɛɛmɔ ni ekɛɔ akɛ, “We are already Christians here” (Kristofoi ji wɔ) lɛ agba sane.—Kwɛmɔ Reasoning wolo lɛ bf. 19.

Min. 15: Bɔ ni Ato Asafo lɛ He Gbɛjianɔ ni Akwɛɔ Nɔ. Wiemɔ kɛ toibolɔi ni akɛaagba sane ni damɔ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ yitso 4 lɛ nɔ.

Min. 20: “Ha Amɛná Hiɛsɔɔ ni Mli Kwɔ Amɛha Yehowa Sui ni Nɔ Bɛ Lɛ.”a Ha afee nɔkwɛmɔnɔ kɛtsɔɔ bɔ ni atsɔ sanebimɔi anɔ aye abua Biblia kaselɔ ko ni ejwɛŋ saji otii ni yɔɔ akrabatsa ni akɛtĩɔ nikasemɔ mli ni yɔɔ Biblia lɛ Tsɔɔ wolo lɛ yitso 1 lɛ naagbee lɛ anɔ.

Lala 88 kɛ naagbee sɔlemɔ.

Otsi ni Jeɔ Shishi July 17

Lala 99

Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ sane ni yɔɔ August 15, afi 2000 Buu-Mɔɔ lɛ baafa 32 lɛ he kuku. Maa sɛɛnamɔi ni yɔɔ gbɛjianɔ ni wɔɔto koni wɔkane Biblia lɛ daa kɛ́ wɔfã gbɛ kɛtee he ko kɛha hejɔɔmɔ loo beni wɔtee he ko ni wɔnyɛŋ wɔtsu wɔdaa gbi nifeemɔi ahe nii lɛ anɔ mi.

Min. 15: Suɔmɔ kɛ Heshibaa—Sui Komɛi ni He Hiaa Waa yɛ Wɔshiɛmɔ Nitsumɔ lɛ Mli. Wiemɔ ni abaajɛ August 15, afi 2002 Buu-Mɔɔ lɛ baafa 18-20 lɛ amli kuku 13-20 lɛ mli aha.

Min. 20: “Kasemɔ Yehowa ‘Wɔmiishɛɛ Nyɔŋmɔ’ Lɛ.”b Ha toibolɔi lɛ atsɔɔ nɔ ni yeɔ buaa amɛ ni amɛyaa nɔ amɛkɛ miishɛɛ kɛ jwɛŋmɔ kpakpa shiɛɔ yɛ nyɛshikpɔŋkuku lɛ mli.

Lala 189 kɛ naagbee sɔlemɔ.

Otsi ni Jeɔ Shishi July 24

Lala 218

Min. 15: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Kaimɔ mɛi fɛɛ koni amɛsaa amɛhe jogbaŋŋ yɛ wolo bibioo ni ji Gbɛ ni Yaa Naanɔ Wala Mli lɛ mli kɛha wɔsɛɛ otsi Sɔɔmɔ Kpee lɛ, ní kɛ́ amɛmiiba hu amɛkɛ wolo lɛ aba. Ha akɛ gbɛtsɔɔmɔi ni yɔɔ baafa 4 lɛ loo shiɛmɔ wiemɔi krokomɛi ni hi ha nyɛsafo lɛ shikpɔŋkuku lɛ atsu nii ni akɛfee nɔkwɛmɔnɔ kɛtsɔɔ bɔ ni abaafee ni akɛ July 15 Buu-Mɔɔ lɛ aha, ní akɛ gbɛtsɔɔmɔ ni ji enyɔ ni akɛha kɛha July Awake! lɛ hu afee bɔ ni aaafee ni akɛha lɛ he nɔkwɛmɔnɔ. Kɛ́ agbe nɔkwɛmɔnii lɛ eko fɛɛ eko naa lɛ, tĩi hiɛkpamɔ wiemɔi ni akɛtée shiatsɛ lɛ miishɛɛ shi lɛ mli.

Min. 10: “Amɛfee Anɔkwayeli He Nɔkwɛmɔnɔ Kpakpa Amɛfɔ̃ Shi.” Wiemɔ ni abaaha. Wielɔ lɛ kɛ gbɛgbalɔi krɛdɛɛ aniiashikpamɔi ni eje kpo yɛ asafo lɛ woji amli lɛ enyɔoo ko afata he, aloo kɛ́ nyɛyɛ gbɛgbalɔi krɛdɛɛ nɛɛ ateŋ mɛi komɛi yɛ nyɛsafo lɛ mli lɛ, ebaanyɛ ekɛ amɛ agba sane.—Kwɛmɔ wolo ni ji Watch Tower Publications Index lɛ saneyitso ni ji “Special Pioneers” (Gbɛgbalɔi Krɛdɛɛ) lɛ mli.

Min. 20: Nyɛfia Shi ni Nyɛkagbugbaa. (1 Kor. 15:58) Okɛ shiɛlɔi loo gbɛgbalɔi enyɔ loo etɛ ní kɛ anɔkwayeli esɔmɔ afii babaoo agba sane. Te fee tɛŋŋ amɛbale anɔkwale lɛ? Beni amɛbɔi shiɛmɔyaa lɛ, no mli lɛ te shiɛmɔ nitsumɔ lɛ yaa nɔ ehaa tɛŋŋ? Mɛɛ naagbai amɛkɛkpe? Mɛɛ jɔɔmɔi amɛná kɛjɛ anɔkwa jamɔ ni amɛfĩ shi yɛ mli lɛ mli?

Lala 12 kɛ naagbee sɔlemɔ.

Otsi ni Jeɔ Shishi July 31

Lala 85

Min. 5: Asafoŋ adafitswai. Kaimɔ shiɛlɔi fɛɛ koni amɛkɛ amɛshiɛmɔyaa he akɔntaabuu kɛha July lɛ aha. Tsɔɔmɔ wolo ni akɛbaaha yɛ August mli.

Min. 20: Anɔkwale ni Kɔɔ Ŋkunyaayeli kɛ Ayɛkpɛmɔ He. Wiemɔ kɛ toibolɔi ni akɛaagba sane ni damɔ Gbɛ ni Yaa Naanɔ Wala Mli wolo bibioo lɛ yitso 5 lɛ nɔ. Okɛ sanebimɔi ni yɔɔ wolo lɛ mli lɛ atsu nii. Ha akane kuku 3, 4, 8, 10, kɛ 13 lɛ amli dani nyɛsusu he. Tsɔɔmɔ amalei etɛ ni Satan woɔ he hewalɛ lɛ mli jogbaŋŋ, koni okɛ kuku 16 kɛ 17 lɛ amli saji lɛ awo mɔ fɛɛ mɔ hewalɛ ní ekɛ ehe afɔ̃ Yehowa nɔ kɛha hebuu.

Min. 20: “Ná Sui Kpakpai Koni Oná Jɔɔmɔi Babaoo.”c Ha toibolɔi lɛ atsɔɔ gbɛjianɔ ni amɛto bɔni afee ni daa gbi lɛ, amɛná mumɔŋ nifeemɔ ko mli gbɛfaŋnɔ kɛ jɔɔmɔi ni ejɛ mli kɛbaha amɛ.

Lala 130 kɛ naagbee sɔlemɔ.

Otsi ni Jeɔ Shishi August 7

Lala 209

Min. 10: Asafoŋ adafitswai. Wiemɔ nɔ ko fioo yɛ gbɛ ni abaanyɛ atsɔ nɔ akɛ shiɛmɔ wiemɔi ahe nɔkwɛmɔnii ni jeɔ kpo yɛ Wɔ Maŋtsɛyeli Sɔɔmɔ lɛ mli lɛ atsu nii kɛye abua mɛi yɛ nyɛshikpɔŋkuku lɛ mli.—Kwɛmɔ January 2005 Wɔ Maŋtsɛyeli Sɔɔmɔ lɛ bf. 8 lɛ mli.

Min. 15: Kpeei ni Kanyaa Mɔ Kɛha Suɔmɔ kɛ Nitsumɔi Kpakpai. Wiemɔ ni abaajɛ March 15, afi 2002 Buu-Mɔɔ lɛ baafa 24-25 lɛ mli aha. Okɛ shiɛlɔ ko agba sane kuku yɛ nifeemɔ lɛ mli. Ha sanegbaa lɛ akɔ gbɛjianɔ ni eto bɔni afee ni enyɛ eba kpeei daa kɛ jɔɔmɔi ni ejɛ enɛ feemɔ mli kɛbaha lɛ lɛ he.

Min. 20: Feemɔ Shiɛlɔ ni Yaa Ehiɛ ní Tsakeɔ Ehe Ewoɔ Shihilɛi Srɔtoi Amli yɛ Wɔshiɛmɔ Nitsumɔ lɛ Mli. Wiemɔ kɛ toibolɔi ni akɛaagba sane ni damɔ December 1, afi 2005 Buu-Mɔɔ lɛ baafa 28-30 lɛ nɔ. Okɛ kuku 6-11 lɛ mli saji lɛ aha wiemɔ, ni oma bɔ ni Paulo bo etoibolɔi lɛ atoi, bɔ ni efeee kpɛŋŋ, kɛ bɔ ni etsɔ gbɛ̀i srɔtoi anɔ etsu shiɛmɔ kɛ nitsɔɔmɔ lɛ he nii lɛ anɔ mi. No sɛɛ lɛ, ha toibolɔi lɛ aha kuku 12-14 lɛ ahe sanebimɔi lɛ ahetoo, ni amɛha amɛhetooi lɛ akɔ nyɛshikpɔŋkuku lɛ he. Ha afee nɔkwɛmɔnɔ kɛtsɔɔ bɔ ni shiɛlɔi baanyɛ atsake amɛshiɛmɔ wiemɔ lɛ mli bɔni afee ni ekɔ mɛi ni yɔɔ nyɛshikpɔŋkuku lɛ mli lɛ ahiamɔ nii, shihilɛ mli ni amɛyɔɔ, kɛ kusum nifeemɔi lɛ ahe.

Lala 83 kɛ naagbee sɔlemɔ.

[Shishigbɛ niŋmai]