Adafitswai

◼ Wolo ni akɛbaaha yɛ July kɛ August: Woji bibii ni hiɛ baafai 32 lɛ ateŋ eko fɛɛ eko ni nyɛyɔɔ. September: Mɛni Biblia lɛ Tsɔɔ Diɛŋtsɛ? October: Akɛ Buu-Mɔɔ kɛ Awake! ni eba lɛ baaha. Kɛ́ mɔ jie miishɛɛ kpo yɛ he lɛ, no lɛ okɛ lɛ agba Nyɛyaa nɔ Nyɛshia Kpe! wolo bibioo lɛ he sane.

◼ Wiemɔ ni kpokpaa nɔkwɛlɔi baaha kɛjɛ September kɛyaa lɛ yitso ji “Mɛni Ji Oshidaamɔ Yɛ Nyɔŋmɔ Hiɛ?”

◼ Esa ákɛ atsɔ hiɛ akɛ daa gbɛgbamɔ sɔɔmɔ lɛ he gbɛbimɔ woji lɛ amaje nitsumɔhe nine lɛ kɛ hooo lɛ gbii 30 dani be ni atsɔɔ yɛ nɔ akɛ abaaje shishi lɛ ashɛ. Esa akɛ asafoŋ woloŋmalɔ lɛ akwɛ akɛ aŋmala woji nɛɛ anɔ nii jogbaŋŋ. Kɛji shiɛlɔi komɛi nyɛɛɛ akai be tuuntu ni akɛbaptisi amɛ lɛ, esa akɛ aha amɛtsɔɔ be ko ni eeenyɛ efee akɛ no mli abaptisi amɛ, koni no sɛɛ lɛ aŋma afɔ̃ shi. Esa akɛ woloŋmalɔ lɛ aŋma nɛkɛ be nɛɛ ewo Congregation’s Publisher Record (S-21) wolo lɛ nɔ.

◼ Esa akɛ asafoŋ woloŋmalɔi lɛ akwɛ akɛ amɛyɛ daa gbɛgbalɔi ni yɔɔ amɛsafoi lɛ amli lɛ ateŋ mɔ fɛɛ mɔ Pioneer Appointment Letter (S-202). Kɛ́ amɛnine shɛko mɔ ko nɔ̃ nɔ lɛ, amɛŋma nitsumɔhe nine lɛ kɛwo amɛtoi nɔ.

◼ Esa akɛ nyɛkane woji wuji kɛ woji tɛtrɛbii ni nyɛyɔɔ lɛ fɛɛ ekomekome yɛ August 31, afi 2006 lɛ nɔ aloo beni eshwɛ fioo ni nakai gbi lɛ baashɛ. Nɛkɛ woji akanemɔ nɛɛ tamɔ woji ni mɔ ni kwɛɔ woji ashɛɛ nɔ lɛ kaneɔ daa nyɔŋ nɔ lɛ nɔŋŋ, ni esa akɛ aŋmala yibɔ ni abaaná lɛ yɛ Literature Inventory (S-18) wolo lɛ nɔ. Nyɛbia sɔɔlɔ(i) ni kwɛɔ nyɛwoji tɛtrɛbii lɛ anɔ lɛ koni amɛtsɔɔ nyɛ woji tɛtrɛbii afalɛ ni nyɛyɔɔ. Esa akɛ asafo ni kwɛɔ woji ashɛɛ nɔ lɛ woloŋmalɔ lɛ akwɛ woji ni abaakane lɛ nɔ. Asafo ni kwɛɔ woji ashɛɛ nɔ lɛ woloŋmalɔ kɛ onukpai asɛinɔtalɔ lɛ kɛ amɛwaonaa gbɛi baawo wolo lɛ shishi. Asafo fɛɛ asafo ni kwɛɔ woji ashɛɛ nɔ lɛ nine baashɛ Literature Inventory woji lɛ etɛ nɔ. Nyɛfainɛ, nyɛkɛ klɛŋklɛŋ wolo ni nyɛŋmala nɔ nii lɛ amajea nitsumɔhe nine lɛ dani September 6 aho. Nyɛkɛ nɔ ni ji enyɔ lɛ atoa nyɛwoji amli. Nyɛbaanyɛ ni nyɛkɛ nɔ ni ji etɛ lɛ atsu nii akɛ nɔ ni abuɔ akɔntaa yɛ nɔ.

◼ Esa akɛ asafoŋ woloŋmalɔi lɛ aŋmala Congregation Analysis Report (S-10) wolo lɛ nɔ nii jogbaŋŋ koni amɛkɛmaje nitsumɔhe nine lɛ dani September 10, afi 2006 lɛ aho. Esa akɛ sɔɔmɔ ajinafoi akuu lɛ akwɛ akɛ aŋmala nɔ fɛɛ nɔ jogbaŋŋ.

◼ Aakai shiɛlɔ fɛɛ shiɛlɔ ni abaptisi lɛ lɛ akɛ ehiɛ DPA wolo ni eŋmala nɔ nibii fɛɛ jogbaŋŋ yɛ ehe be fɛɛ be. Esa akɛ fɔlɔi akwɛ koni amɛbii bibii lɛ ahiɛ Identity Card ni aŋmala nɔ nii jogbaŋŋ yɛ amɛhe be fɛɛ be. Kɛji ooya helatsamɔhe lɛ, kaimɔ ni okɔ DPA wolo lɛ, ni kɛ́ oyashɛ lɛ, jee mra okɛ datrɛfonyo lɛ asusu oshidaamɔ yɛ lá he lɛ he. Nakai ní ooofee lɛ baaye abua helatsalɔi lɛ koni amɛnu nɔ ni osumɔɔ ni afee aha bo lɛ shishi jogbaŋŋ. Esa akɛ woloŋ nikasemɔ nɔkwɛlɔi lɛ akwɛ koni shiɛlɔi fɛɛ ni abaptisi amɛ ni yɔɔ amɛkuu lɛ mli aŋmala amɛwoji lɛ anɔ nii ni amɛkɛ amɛwaonaa gbɛi awo shishi.