Adafitswai

◼ Wolo ni akɛbaaha yɛ May: Buu-Mɔɔ kɛ Awake! woji tɛtrɛbii lɛ. Abaabɔ mɔdɛŋ waa ni ayasara mɛi ni yɔɔ wiemɔ lɛ he miishɛɛ ni ba Kaimɔ lɛ kɛ maŋshiɛmɔ krɛdɛɛ lɛ shishi shi amɛjeee mɛi ni kɛ asafo lɛ bɔɔ lɛ. Yiŋtoo hewɔ ni abaaya ayasara mɛi ni tamɔ nɛkɛ lɛ ji ní akɛ amɛ aje shĩa Biblia mli nikasemɔ shishi kɛ́ amɛjeee mɛi ni akɛ amɛ miikase nii momo. June: Mɛni Biblia lɛ Tsɔɔ Diɛŋtsɛ? Bɔɔ mɔdɛŋ ni oje Biblia mli nikasemɔi ashishi. July kɛ August: Nyɛkɛ woji bibii ni hiɛ baafa 32 ni nyɛyɔɔ lɛ ateŋ eko fɛɛ eko ni sa lɛ ahaa.

◼ Esa akɛ onukpai akui lɛ asaa akwɛ October 6, 2006 wolo ni aŋma ni kɔɔ bɔ ni abaasaa he ato oshara ni baa trukaa lɛ mli ekoŋŋ, ni amɛkwɛ akɛ amɛyɛ shiɛlɔ fɛɛ shiɛlɔ adrɛs kɛ etɛlifoŋ nɔmba lo. Yɛ hei ni ewaaa akɛ adebɔɔ naa osharai baanyɛ aba yɛ lɛ, esa akɛ nine ashɛ adrɛs kɛ tɛlifoŋ nɔmbai krokomɛi ni kɛ́ oshara ba trukaa lɛ abaanyɛ atsɔ nɔ ní nine ashɛ nyɛmimɛi lɛ anɔ lɛ nɔ. Shi yɛ oshara ni baanyɛ aba trukaa lɛ sɛɛ lɛ, kɛ́ shiɛlɔi lɛ ateŋ mɔ ko baafã gbɛ be kakadaŋŋ, tamɔ kɛ́ eeya hejɔɔmɔ, loo eyaatsu nii, aloo eeya eyakã helatsamɔhe, aloo yɛ yiŋtoo krokomɛi ahewɔ, ni eha Asafo Woloŋ Nikasemɔ nɔkwɛlɔ lɛ loo onukpa kroko le kɛtsɔ hiɛ lɛ, eyeɔ ebuaa waa.

◼ Aakai Maŋtsɛyeli Asa Nitsumɔ Ajinafoi Akui lɛ koni amɛsaa nibii fɛɛ ni efite yɛ Maŋtsɛyeli Asa lɛ he lɛ yɛ nɛkɛ be nɛɛ mli. Esa akɛ amɛkwɛ CN-14 wolo ni amɛkɛto woji amli lɛ mli koni amɛkwɛ nibii ni eshwɛ ni esa akɛ amɛsaa yɛ Maŋtsɛyeli Asa lɛ he lɛ. Esa akɛ onukpai asɛinɔtalɔi lɛ akwɛ koni atsu enɛ he nii amrɔ nɔŋŋ.