Adafitswai
◼ Wolo ni akɛbaaha yɛ September: Mɛni Biblia lɛ Tsɔɔ Diɛŋtsɛ? Nyɛbɔa mɔdɛŋ jogbaŋŋ koni nyɛje Biblia mli nikasemɔi ashishi kɛ́ nyɛtee shiatsɛmɛi lɛ aŋɔɔ klɛŋklɛŋ kwraa. Kɛ́ shiatsɛmɛi lɛ yɛ wolo nɛɛ eko momo lɛ, nyɛfea bɔ ni afeɔ Biblia mli nikasemɔ ahaa lɛ he nɔkwɛmɔnɔ ni nyɛkɛtsɔɔ amɛ bɔ ni amɛbaanyɛ amɛná ekasemɔ he sɛɛ. October: Buu-Mɔɔ kɛ Awake! woji tɛtrɛbii lɛ. Kɛ́ mɛi jie miishɛɛ kpo lɛ, nyɛkɛ dɛhiɛmɔ wolo ni ji Ani Obaasumɔ ni Ole Biblia lɛ Mli Saji Babaoo? lɛ ahaa ní nyɛkɛ amɛ asusu he kɛ yiŋtoo lɛ akɛ nyɛkɛ amɛ baaje Biblia mli nikasemɔ shishi. November: Mɛni Biblia lɛ Tsɔɔ Diɛŋtsɛ? Nyɛbɔa mɔdɛŋ ni nyɛjea Biblia mli nikasemɔi ashishi. December: Nyɛkɛ Gbɔmɔ ni Fe Mɔ Fɛɛ Mɔ ni Ehi Shi Pɛŋ wolo lɛ ahaa. Kɛ́ shiatsɛmɛi lɛ kɛɛ amɛyɛ bii lɛ, nyɛkɛ Kasemɔ Nii Kɛjɛ Tsɔɔlɔ Kpele lɛ Ŋɔɔ wolo lɛ ahaa.
◼ Akɛni otsii anaagbee enumɔ yɔɔ November mli hewɔ lɛ, ebaafee nyɔɔŋ ni sa jogbaŋŋ akɛ aaatsu gbɛgbalɔi awamɔ nitsumɔ lɛ.
◼ Abaaha afi 2009 Kaimɔ be lɛ he maŋshiɛmɔ krɛdɛɛ lɛ yɛ April 20, 2009 otsi lɛ mli. Abaaha nyɛle wiemɔ lɛ yitso yɛ sɛɛ mli. Asafoi ni no mli lɛ kpokpaa nɔkwɛlɔ lɛ eba amɛ saramɔ loo amɛmiiya kpokpaa nɔ kpee nakai otsi lɛ naagbee lɛ baaha maŋshiɛmɔ krɛdɛɛ lɛ enɔ otsi. Asafo ko akaha maŋshiɛmɔ krɛdɛɛ lɛ dani April 20 otsi lɛ shɛ.
◼ Esa akɛ asafoi lɛ abɔi Watchtower kɛ Awake! wolokpoi kɛha afi 2008, Watch Tower Publications Index 2008, kɛ Watchtower Library−2008 Nɔ̃ ni yɔɔ CD-ROM nɔ lɛ shɛɛ kɛfata woji ni amɛbaashɛ kɛnyiɛ sɛɛ lɛ he. Nyɛfainɛ nyɛkadia akɛ asafo lɛ mli bii ni abaptisi amɛ lɛ pɛ yɔɔ hegbɛ akɛ amɛnine aaashɛ Watchtower Library−2008 Nɔ̃ lɛ eko nɔ, ni esa akɛ ashɛ enɛ kɛtsɔ asafo lɛ nɔ. Shiɛlɔi ni kɛ Watchtower Library lɛ fɔɔ nitsumɔ ní amɛkɛ wolokpoi lɛ tsuuu nii dɔŋŋ lɛ baanyɛ asusu he kɛji akɛ esa akɛ amɛshɛ wolokpoi lɛ lo.
◼ Esa akɛ mɔ ko ni onukpai asɛinɔtalɔ lɛ ehala lɛ lɛ akwɛ asafo lɛ shika he akɔntaabuu kɛha nyɔji ni ji June, July, kɛ August lɛ mli. Esaaa ákɛ ahaa mɔ kome too lɛ nɔŋŋ kwɛɔ shika he akɔntaabuu lɛ mli kɛtsaraa nɔ. Kɛ́ akwɛ mli agbe naa lɛ, esa akɛ atswa asafo lɛ adafi beni akaneɔ shika he akɔntaabuu ni baanyiɛ sɛɛ lɛ.—Kwɛmɔ Instructions for Congregation Accounting (S-27) lɛ mli.
◼ Esa akɛ asafoŋ woloŋmalɔi aŋmala Congregation Analysis Report (S-10) wolo lɛ nɔ nii jogbaŋŋ ni amɛkɛmaje dani September 6, 2008 aho. Esa akɛ sɔɔmɔ ajinafoi akuu lɛ akwɛ mli jogbaŋŋ akɛ eja lo dani amɛkɛmaje. Kɛ́ nyɛnuuu sanebimɔ pɔtɛ̃ɛ ko ni yɔɔ wolo lɛ mli lɛ shishi jogbaŋŋ lɛ, nyɛfainɛ nyɛtswaa “Report Desk” ni yɔɔ Betel lɛ tɛlifoŋ.
◼ Akɛ Kingdom Hall Maintenance Checklist (CN-14) wolo miimaje asafoi fɛɛ. Nyɛfainɛ nyɛkɛ gbɛtsɔɔmɔi ni yɔɔ wolo lɛ nɔ lɛ atsua nii jogbaŋŋ ni nyɛkɛŋmala nɔ nii. Esa akɛ asafo ni Maŋtsɛyeli Asa lɛ yɔɔ egbɛi amli lɛ kɛ wolo ni aŋmala nɔ nii agbe naa lɛ klɛŋklɛŋ nɔ lɛ amaje nitsumɔhe nine lɛ dani September 10 aho.