Teokrase Sɔɔmɔ Skul lɛ Mlitii

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ August 31, 2009 lɛ mli kɛtsɔ sanebimɔi kɛ hetooi anɔ. Skul nɔkwɛlɔ lɛ kɛ minitii 20 baafee saji amlitĩi lɛ, ni ebaadamɔ nifeemɔi ni afee kɛjɛ July 6 otsi lɛ kɛyashi August 31, 2009 otsi lɛ nɔ.

1. Mɛni hewɔ abi ni agbe mɔ fɛɛ mɔ ni ‘lomɔɔ’ efɔlɔi lɛ? (3 Mose 20:9) [w04-GA 5/15 bf. 24 kk. 6]

2. Akɛni abiɔ ni hii fɛɛ ni yɔɔ Israel lɛ ahi Akpiti Gbi Jurɔ lɛ yeli shishi hewɔ lɛ, namɛi kpaa akoko klɛŋklɛŋ yibii lɛ? (3 Mose 23:5, 10, 11) [w07-GA 7/15 bf. 26 kk. 3]

3. Mɛni he mfoniri Nyamɔ afi lɛ fee? (3 Mose 25:10, 11) [w04-GA 7/15 bf. 26-27]

4. Ani “aflaŋaa okadii” ni atsi tã yɛ 4 Mose 2:2 lɛ kɛ jamɔ yɛ tsakpãa ko kɛha Israelbii lɛ? [w02-GA 9/15 bf. 21 kk. 4]

5. Mɛɛ mumɔ be fɛɛ Maŋtsɛyeli jajelɔi jieɔ lɛ kpo ŋmɛnɛ ni tamɔ nɔ ni Nazirmɛi ni hi blema Israel lɛ jie lɛ kpo lɛ nɔŋŋ? (4 Mose 6:3, 5, 6) [w04-GA 8/1 bf. 24-25]

6. Mɛɛ shishitoo mla ni kɔɔ Levibii ni kpáa sɔɔmɔ lɛ ahe lɛ baanyɛ akɔ Yehowa webii lɛ ahe ŋmɛnɛ? (4 Mose 8:25, 26) [w04-GA 8/1 bf. 25 kk. 1]

7. Mɛɛ gbɛ nɔ ‘nibii bɔi’ Israelbii lɛ ‘atsine baa,’ ni mɛni Kristofoi ni yɔɔ ŋmɛnɛ lɛ baanyɛ akase kɛjɛ mli? (4 Mose 11:4) [w01-GA 6/15 bf. 14-15; w95-GA 3/1 bf. 15 kk. 10]

8. Mɛni hewɔ Miriam pɛ aha kpiti lɛ shwie lɛ, ni mɛɛ nikasemɔ ni he hiaa abaanyɛ akase kɛjɛ mli? (4 Mose 12:9-11) [w04-GA 8/1 bf. 26 kk. 2; it-2 bf. 415 kk. 1]

9. Mɛni Yoshua kɛ Kaleb tsɔɔ lɛ beni amɛwie gbɔmɛi ni yɔɔ Kanaan shikpɔŋ lɛ nɔ lɛ ahe akɛ “wɔkɔyemai” lɛ? (4 Mose 14:9) [w06-GA 10/1 bf. 16 kk. 5; it-1 bf. 363-364]

10. Mɛɛ kɔkɔbɔɔ nɔkwɛmɔnɔ 4 Mose 21:5 kɛhaa? [w99-GA 8/15 bf. 26-27]