Shiɛmɔ Nitsumɔ lɛ He Saji

Afi 2010 sɔɔmɔ afi lɛ akɔntaabuu lɛ tsɔɔ akɛ Yehowa miijɔɔ Maŋtsɛyeli shiɛmɔ kɛ kaselɔfeemɔ nitsumɔ lɛ nɔ. (Mat. 28:19, 20) Eŋɔɔ wɔnaa waa akɛ wɔɔha nyɛle akɛ wɔná shiɛlɔi ayifalɛ hee ni fe fɛɛ, ni ji 104,050 yɛ August nyɔɔŋ lɛ nɔ! Aná daa gbɛgbalɔi ayifalɛ ni fe fɛɛ ekoŋŋ, ni ji 7,485 ni kɛ amɛhe wo nikpamɔ nitsumɔ lɛ mli. Wɔfee shĩa Biblia mli nikasemɔi 326,791. Nyɛmimɛi hii kɛ yei, wɔmiiha nyɛ aekoo!

Yɛ afi 2010 sɔɔmɔ afi lɛ mli lɛ, abaptisi mɛi 7,136, ni yibɔ nɛɛ tekeɔ nyɛsɛɛ afi lɛ nɔ lɛ 1,255 sɔŋŋ. Enɛ hu ji yibɔ ni fe fɛɛ ni aná. Beni wɔtsuɔ nii waa yɛ sɔɔmɔ afi hee lɛ mli lɛ, wɔbaanyɛ wɔkpa gbɛ akɛ Yehowa baajɔɔ mɔdɛŋ ni wɔ fɛɛ wɔbɔɔ yɛ sɔɔmɔ nitsumɔ lɛ mli lɛ nɔ.